Aquí podéis lleer los mensaxes que mos aportaron con rempuesta
correuta a la entruga sobre la semeya de portada:
Marta González Llaneza.- Xulio: Esta casa ta enfrente casa Lola
(que en paz descanse); al fondo vese la casa d'Ángeles. Y detrás
de la casona, el camín que va pa La Vallina. Un saludu. Marta.
Joaquín Suárez Ordiz: Xulio, aunque fai munchos años
que nun paso pehí, ye en Peraveles la casa de Lola, la madre
de Lolita y familia; y tamién se ve la de Mersinda. La otra nun sé
de quién ye. Saludos.
Demelsa González Viña: Hola, collacios. La otra nun tuvi
tiempu contestar, pero esta creo que la conozco bien porque durante munchu
tiempu pasaba per delante d´ella pa dir pa casa mio tía cuando
vivía na casa de KIKO. Bueno, voi cola respuesta: ye una casa
del pueblu de Perabeles que ta detrás del horro d'Ángeles, y,
si nun me confundo, ta enfrente de casa de Tina, la madre de Jovino. Un saludu.
Esteban Carcedo Roces: Hola Xulio. Esta semeya resúltame bastante
familiar, pues per detrás d'esa casa (que nun m'cuerdo de quién
ye) pasé munchísimes veces cuando yera guah.e, pues ta a la
salida de Perabeles pel camín que va pal Riocerezal. A la derecha,
vese un poco de la casa de Jovino; y enfrente, la d'Ángeles la de Mersinda.
Miguel Ángel García Suárez: Hola Xulio y demás
collacios. La semeya d'esta selmana ye en Peraveles. Per detrás d'esa
casa, ta el camín que va pa La Casuca... Un saludu a too/es.
Jorge del Recerezal: La semeya, esta vegá, diz mio ma Catalina
que ye la casa de la so bisagüela Josefa en Peraveles; y qu'enfrente
d'ella ta la casa de mió güela Lola Llaneza. Salú. Jorge.
¡Hala, mui bien a toos vosotros, collacios! ¡Salú
y puntos pa la faltriquera! Sois l'acabóse, amigos. Esto va a paecer,
de siguir nesta llínia, la Facultá de Xeografía...
La clasificación queda de la siguiente manera:
Miguel Ángel García Suárez, tres puntos; Marta González
Llaneza, tres puntos; Demelsa González Viña, dos puntos; Jorge
del Recerezal, dos puntos; Esteban Carcedo Roces, dos puntos; Joaquín
Suárez Ordiz, dos puntos; Sergio Camblor, un puntu.