Pa la semeya de la portada anterior, allegaron, al buzón dixital de la fueya barboliega, un total de cuatro correos, anque únicamente tres d'ellos apurríen rempuesta correuto. Yeren los de Lluis Ánxel, Xosé Antonio y Casio. Si mos peta, podemos vello dafechamente too pasando per esta portiella virtual.
Con estes modificaciones la tabla clasificatoria queda de la manera que darréu amosamos:
Casio González Suárez, diecesiete puntos; Xosé Antonio Camblor, once puntos; Lluis Ánxel Suárez, nueve puntos; Xuacu García Cuello, ocho puntos; Avelino González Suárez, ocho puntos; Ramón González Suárez, seis puntos; Daniel Fernández García, seis puntos; Esteban Carcedo Roces, tres puntos; Xana Llaneza Prieto, dos puntos; Marta González Llaneza, dos puntos; Pedro Carcedo Roces, un puntu; Tomás Torre, un puntu.
Y, darréu, semeya nuevo al cantu... ¿Qué ye y ónde s'afaya lo que representa la imaxe de qui enriba?
Xosé Antonio Camblor dixo:
Esta casina ta a la entrada d'El Costayu viniendo pela pista que sale de La Teyera, y ye de Marino Casorra.
Xuacu García Cuello dixo:
Hola Xulio: La semana pasá metí la pata, y eso que paso pellí bastantes veces. Esta casuca creo que ta nel pueblu d'El Costayu, encuéntrase la primera subiendo pela carretera que se garra enfrente casa los maeristas, de Les Cases de Baxo.
Casio González dixo:
Hola collaciu, ésta yera difícil, pero, ya ves, di con ella, ye El Costayu. Un saludu.