Bayurosa enforma fue la rempuesta a la entruga sobre la identificación de la semeya de la portada anterior. Allegaron, al buzón de la nuestra fueya dixital, un total de nueve rempuestes acertaes, unviaes por otros tantos perspicaces veceros. Podemos, si mos peta, agüeyar selemente foto y mensaxes furando ensin problemes per esta buraca virtual.

Sumando, entós, como correspuende, esos valiosos punticos, la clasificación queda de la manera que de siguío apaez:

Casio González Suárez, doce puntos; Xosé Antonio Camblor, ocho puntos; Lluis Ánxel Suárez, siete puntos; Xuacu García Cuello, siete puntos; Ramón González Suárez, seis puntos; Avelino González Suárez, seis puntos; Daniel Fernández García, cuatro puntos; Esteban Carcedo Roces, tres puntos; Xana Llaneza Prieto, dos puntos; Marta González Llaneza, dos puntos; Pedro Carcedo Roces, un puntu; Tomás Torre, un puntu.

Y, pa siguir col esitosu y virtual entretenimientu llariegu, mangamos, darréu, fotografía nuevo. ¿Qué ye y ónde s'afaya lo qu'apaez na imaxe d'ella?