Casa Quico, en Perabeles

Darréu queden asoleyaes les rempuestes consideraes acetables en rellación a la entruga sobre la semeya de qui enriba

Esteban Carcedo Roces.-

 Xulio: Esta semeya ta sacá del mismu sitiu que la que punxisti'l día 3-5-06, pues la
casa que se ve ye de Pachu'l de Mersinda (q .e. p. d.) y ye la última casa
de Perabeles tirando pel camín que va pal Rio Cerezal. Enfrente vense la
casa de Rubén y la escuela d'El Corralón

Nicasio González.-

Hola collacios. Esta ye fácil y mui conocía pa nosotros, yá que
muncho tiempu vivió ahí la mio hermana Marce. Trátase de la casa de Quico, nel
pueblu de Perabeles; y al fondu vemos el pueblu d'El Corralón. Un saludu.

Marta González Llaneza.-

Hola Xulio: Cuando se conocen unes cuantes semeyes de les que pones, presta un montón. Esta ye la casa de  Perables,onde vivín Máxima y Paco, nel camín que va pal Ríocerezal. Al fonde vése El Corralón. Espero que te llegue'l corréu, porque ta dándome problemes que me cuesta resolver. Un saludu.

Sergio Camblor.-

Ésta ta arrimá a la foto del día 3-5-06. Per delantre tien un horro; y pa la derecha, otru. Per delantre tien, arriba, dos ventanes de color verde. Depués, otres dos en fila  una enriba la otra. Al fondo,  a la izquierda,   vense les escueles d'El Corralón; y pal otru sitiu, el cantu d'El Colláu-Espín.