Los mensaxes qu'aportaron al buzón de la fueya barboliega con rempuesta a la entruga sobro la identificación de la semeya de la portada anterior fueron cuatro, de los que tres son acertaos. Vémoslos toos mui guapamente si pinchamos nesti sorrayao. La clasificación queda a partir d'agora de la manera que darréu s'amuesa: Narciso, catorce puntos; Berto, trelce puntos; Toño, once puntos; Xuacu, cuatro puntos; Ástor, tres puntos; Lluis Ánxel, dos puntos; Daniel, un puntu; Xana, un puntu; Xosé Ramón, un puntu.

Y agora los que quieran siguir avanzando tienen la ocasión contestando a la entruga esta: ¿Qué ye y ónde s'alcuentra lo que representa la imaxe de qui enriba?

Narciso Suárez dixo:

 Volvisti a garrar altura. Eses son les cases de L'Edráu. La blanca ye la d'Arsenia y Pascual, y la que ta restaurá ye la de Chucha y José Cepedal, que cargó con ella y arreglóla una nieta Monse la de Predes. Como se pue ver dexáronla que llama l'atención y ta nun sitiu mui afayaízu. 

Xosé Antón Camblor dixo:

Julio, ésta ye muncho más fácil, ésta ta en pueblu de L'Edráu.

 

Mui bien polos dos veceros que dieron dafechamente en clavu apurriendo una rempuesta bien precisa. La clasificación queda agora de la siguiente manera: Narciso, quince puntos; Berto, trelce puntos; Toño, dolce puntos; Xuacu, cuatro puntos; Ástor, tres puntos; Lluis Ánxel, dos puntos; Daniel, un puntu; Xana, un puntu; Xosé Ramón, un puntu.