Venga, paisanos, vamos a entamar una nueva edición del Gran Concursu Barboliegu.¿Paezvos bien? ¿Sí? Pues, entóncenes, vamos a facelo volviendo a lo clásico de les fotografíes. Y pa facilitar l'apaición de nuevos campeones ponemos agora la norma de que nun pueden volver a llevar el premiu los que yá lu llevaren n'ediciones anteriores referíes tamién a semeyes. Quier dicir esto que'l que fue campeón de Léxicu pero non de Semeyes puede selo nesta edición d'imáxenes qu'agora entamamos, y que, per otra parte, va a durar hasta la entrada de la prósima primavera.. ¿Queda claro? Pues hala, como dicía l'otru: ¡A xugarrrrrrrr!.
Marta, Xosé Ramón y Xuacu son los veceros que manden corréu con rempuesta correuta a la entruga sobre la identificación de la semeya de la portada anterior. Vamos a ser quien a vello si pasamos per esti enllace virtual.
La clasificación queda de la siguiente manera: Marta González Llaneza, cinco puntos; Xuacu García Cuello, cinco puntos; Xosé Ramón González Suárez, tres puntos; Lluis Ánxel Suárez, dos puntos; Esteban Carcedo Roces, un puntu; Xosé Antonio Camblor, un puntu; Tomás Torre, un puntu.
Agora, como siempre facemos, a decir qué ye y ónde s'afaya lo que representa la imaxe de qui enriba.
Xosé Ramón González diz:
Esta selmana la semeya ye de la
cuadra de Xulio "el de Nazarena" n´el pueblu Les Caecima.
Un saludu de Ramón.
Xosé Antonio Camblor diz:
Esto ta nel pueblu de Les Cecima.
Xuacu García Cuello diz:
Hola Xulio.
La semeya que tienes puesta yá me dio un poco más de trabayu, porque tuvi que
pasar pellí'l sábado pa ver si yera la cuadra que yo pensaba. Ta en Les Caecima
creo que ye de Xulio'l de Nazarena.
Esteban Carcedo Roces diz:
Hola Xulio.
Esta cuadra de la semeya ta nel pueblu de Les Caecima. Lo que nun sé ye de
quién ye.