Sergio Camblor: Ye'l pueblu de La Espesura de La Cerezal. La semeya
ta tomá desde la curva debaxo mio casa.
Miguel Ángel García Suárez: Hola Xulio y demás
collacios. Esta semeya ye la entrá a La Cerezal. La casa que queda
a la mano baxo la carretera paezme que ye de los padres d'un chaval de cuando
yo, que se llama Severo: Y el pueblu que se ve al fondo ye La Espesura. Un
saludu pa toos.
Esteban Carcedo Roces.- Hola Xulio: La foto actual ta sacá desde
El Vericiusu, y el pueblu que se ve ye La Espesura, dambos en La Cerezal.
Abel de la Cerezal: El Cantu la Bornaína. ¡Uf!. Veo La Espesura
desde el Leru o Lleru (como quieras, Xulio ), cuando dobles la curva de La
Bornaína y paez que los cientos de kilómetros que me separen
xeográficamente o los yá numerosos años que toi ausente
del "llau derriba", acaben de borrase d'un plumazu, y, a mou de puerta interestelar
del corazón, vuelve a invadime esa vieya y agradable sensación
de "tar en casa", que sólo te devuelven determinaos sitios de la to
infancia. Cuéntalo mui bien Xuan Bello cuando nos relata qu'algunos
emigrantes de Tineo, de los 60, n'Europa, sólo teníen la sensación
de tar llegando a casa cuando empezaben a baxar La Cabruñana. A mí
tola vida me pasó lo mesmo colos túneles de Villa. Viniere d'onde
viniere, nin los túneles d'El Huerna, nin les cases de Ranón.
Sólo al entrar a la Cuenca pelos túneles de Villa se me ponía
la piel de gallina. Home, más intenso yera yá cuando calabes
a La Muezca de la Bobia, o al cantu de la Bornaína (foto). Supongo
que a vosotros, los de Peraveles, pasábavos con El Cantu les Mates,
o la curva de la Iglesia, yo qué sé...... Bueno, nun m'enrollo
más. Aprovecho pa date la n'horabona por esa páxina tan guapa
que sacasti de la fardela. Pa los que tamos lloñe siempre nos reconforta
mirar de vez en cuando. Saludos desde Mallorca. Abel (Sobrín de Lini).
Demelsa González Viña: La semeya d'esta vez préstame
porque namás vela paecíame conocelo, porque nun fai muncho que
fui yo a conocer estos pueblos que nun conocia, un día tando aquí
falando con los guajes d´aqui, fuimos a que me lo enseñaran.
Y esto ye La Espesura, na Cerezal. Un saludu.
Dende peraveles.com
queremos felicitar sinceramente a estos cinco bonos veceros, porque supieron
contestar acertadamente a la entruga que se planteaba sobre la semeya de l'anterior
portada, y de manera especial queremos sopelexar la nuestra allegría
pol mensaxe tan emotiva y artísticamenteb redactáu pol nuestru
collaciu Abel, que dende la llonxana isla mediterránea de Mallorca
nin puede nin quier escaecer el so naguáu y maternal valle astur de
La Cerezal. Recibi, Abel, dende la to tierra, un perfuerte abrazu de tola
vecería peraveliego.