Aportaron, nesta ocasión, al buzón dixital de la fueya barboliega, un total de cuatro mensaxes con rempuesta a la entruga sobro la identificación de la semeya de la portada anterior, los cuatro, felizmente, bien correutos. Pa lleelos puentero nun tenemos más que pinchar aquí.

Agora, la clasificación queda de la siguiente manera: Narciso Suárez Llaneza, tres puntos; Xuacu García Cuello, dos puntos; Xosé Antón Camblor, dos puntos, Ástor Llaneza Prieto, un puntu.

Pasamos a ufrir a la vecería, una semeya nueva cola so correspondiente entruga: ¿Qué ye y ónde s'alcuentra lo que representa la imaxe de qui encima?

Narciso Suárez dixo:

Esta portiella tan atarranchá ta en La Encruciyá, ye la entrá pa ún de los praos de La Polaúra, de Vaz me paez que ye.

Ástor Llaneza dixo:

Esta semeya paezme que pue ser na campa La Encruciyá, que ye la primera de les campes que s´alcuentra diendo pela pista que va dende La Fuente la Polaúra hasta´l práu La Seca. ¡Un saludu! ¡Puxa Perabeles!

Vicente Suárez dixo:

Hola Xulio. Lo primero presentame: soi Vicente de les Cases de Baxo, yá va tiempu que sigo esti entreteníu concursu y nesta edición anímome a participar. Vamos cola rempuesta: esto ye la portiella del Prau Cuetu en La Campa la Encruciyá.
Un saludu pa toos.

Xuacu García dixo:
 

Hola Xulio: Esta semeya ye de la portiella del prau d'El Portu de La Encruciyá. Saludos.

 

Correutes les rempuestes de los cuatro veceros participantes. Esta portiella ye la que se pue ver en La Campa la Encruciyá dando entrada y salida a un prau (que lleva José el Portu de La Casanueva) y que llenda, ta apegáu, a la paré que cierra el conxuntu d'estayes en que ta dividíu el gran prau de la fastera de La Polaúra que tien el guapu y descriptivu nome de El Prau Cuetu.

Dende aquí damos la bienvenía a Vicente y deseamos-y una prestosa estancia nel concursu.