Tenemos dos mensaxes de corréu ellectrónico apurriéndomos rempuesta a la entruga sobro la identificación de la semeya de l'anterior portada. Los remitentes y los respeutivos mensaxes tenémoslos al otru llau del enllace virtual esti.

Nueva semeya y nueva entruga pa la so identificación. ¿Qué ye y qué representa la imaxe de qui enriba?

Únicamente s'atrevió a unviar mensaxe una vecera, Xana Llaneza, que, afortunadamente y bien que mos presta, dio perfechamente en clavu. Escribió esto: Na semeya pue vese La Fuente del Molinón.
Acerté, eeh? jejeje.

Y asina ye, n'efeutu, la foto correspuende a La Fuente'l Molinón, que surde na oriella manzorga d'El Río, mui cerque d'El Molinón, del que garra'l nome. Tamién dispón, como se pue ver, d'un pequeñu llavaeru.

La clasificación apaez, agora, de la manera que darréu queda amosada:  Narciso Suárez, seis puntos; Alberto González, tres puntos;  Ástor Llaneza, tres puntos; Lluis Ánxel Suárez, dos puntos; Daniel Fernández García: un puntu; Xana Llaneza Prieto, un puntu