Allegaron dos mensaxes al buzón dixital barboliegu con rempuesta a la entruga sobro la identificación de la semeya de l'anterior portada. Vémoslo, si mos pruye, pinchando nesti enllaz. Agora, la clasificación queda de la manera que darréu amosamos: Toño, cuarenta puntos; Narciso, trenta y seis puntos; Berto, venti puntos; Xuacu, decinueve puntos; Ástor, cuatro puntos; Lluis Ánxel, dos puntos; Daniel, un puntu; Xana, un puntu; Xosé Ramón, un puntu; Demelsa, un puntu; Xosé Roberto González, un puntu.
Yá queda poco pa l'acabaúra d'esta edición del concursu. La siguiente semeya aquí enriba la tenemos, cola so correspondiente entruga: ¿Qué ye y ónde s'afaya lo que representa la imaxe?
Narciso Suárez dixo:
Paezme que nun te movisti muncho, qu'esta ye la panera que ta abaxo, no que ye'l pueblu d'El Colláu Escobal. Saludos.
Toño Camblor dixo:
Julio, esta panera paezme que ta en Rio Cerezal.
| Solamente ye correuta la rempuesta
apurrida pol veceru Narciso. Esta panera ye la que se llevanta en
pueblu d'El Colláu Escobal, concretamente delantre de la casa de
Lilo.
Sumáu'l puntu correspondiente a esti aciertu, la clasificación aprétase daqué nos dos puestos de la tiesta, poniéndose emocionante y quedando de la siguiente manera: Toño, cuarenta puntos; Narciso, trenta y siete puntos; Berto, venti puntos; Xuacu, decinueve puntos; Ástor, cuatro puntos; Lluis Ánxel, dos puntos; Daniel, un puntu; Xana, un puntu; Xosé Ramón, un puntu; Demelsa, un puntu; Xosé Roberto González, un puntu. |