Los veceros que s'atrevieron a unviar rempuesta a la entruga sobro la identificación de la semeya de la portada anterior fueron, nesta ocasión, tres. Vémoslo claro y puentero si pasamos per esta portellica dixital. La clasificación  queda, dende esti momentu, de la manera que darréu s'amuesa:  Toño, trenta y cuatro puntos; Narciso, trenta y dos puntos; Berto, venti puntos; Xuacu, decisiete puntos; Ástor, cuatro puntos; Lluis Ánxel, dos puntos; Daniel, un puntu; Xana, un puntu; Xosé Ramón, un puntu; Demelsa, un puntu.

Y de siguío, semeya y entruga nuevo pal concursu barboliegu: ¿Qué ye y ónde s'afayalo que representa la imaxe de qui enmcima?

Toño Camblor dixo:

Como sigas col agua vas a afogamos. Esta yá ta mui difícil, pero vamos arriesgar un poco, paezme que ye la cascada d'El Pozu Molinón. Despístame un poco les piedres de delláu. Cuando yéremos guah.es taben llimpies, y baxábemos arrastru. Nun mos dexaben dir solos porque cubría muncho.

Narciso Suárez dixo:

Vas garrar una pulmonía tanto andar pelos regueros. Nun soi quien a llocalizala, pero voi a disparar igual. Paez que pasa una pista penriba'l regueru, a ver si pue ser la de la sienda a l'altura d'El Molín de Veró, tomando la foto metíu a la parte baxo d'ella. Saludos

Llamentablemente pa ellos, nun podemos dar por bona nin acertada delguna de les sendes rempuestes apurríes por estos dos agudos veceros. El sitiu barboliegu qu'apaez na imaxe ye otru diferente a los qu'ellos proponen. Poro, la clasificación sigue de la mesma manera que taba na sesión anterior:Toño, trenta y cuatro puntos; Narciso, trenta y dos puntos; Berto, venti puntos; Xuacu, decisiete puntos; Ástor, cuatro puntos; Lluis Ánxel, dos puntos; Daniel, un puntu; Xana, un puntu; Xosé Ramón, un puntu; Demelsa, un puntu.