Con perbona acoyida acabamos d'empecipiar esta nueva edición serondiega del concursu semeyil peraveliegu. Foron nada menos que siete los correos que mos allegaron apurriendo rempuesta a la entruga sobre la identificación de la semeya de la primer portada. Y, pancima, toos ellos guapamente correchos. Veilo, si non sois a creyelo, pasando per esta buraca virtual.

Agora tenéis que saber apurrir información que llocalice esta nueva fotografía martiniega... ¿Qué ye y ónde s'afaya lo que representa la imaxe de qui enriba? 

Xuacu García Cuello dixo:

Hola Xulio: Engánchome ahora, na segunda semeya, al concursu, y ye una pena porque la primera yera mui fácil, pero allá vamos.
Esta semeya ye del camín que sube pa casa Ferino n'El Rezaleru, los teyaos que se ven son de cuadres y casa del Turtu y de Marcelo. Un saludu.        

 

Demelsa González dixo:

Volvemos pa la parroquia de Santa Bárbara, esto ye El Rezaleru, vese una esquina del horriu d´escanda, el teyáu de Praderas, el del Turtu y el de Lola; y el camín que vemos ye'l que sube pa casa'l nuestru collaciu Ferino, o sea, pa casa to güela. Un saludu.
 

Ástor Llaneza dixo:

La foto ye n'El Rezaleru, son les cases que tan a la mano baxo del camín que pasa per debaxo la casa de Genta y Alvaro. Un saludu.  Ástor.

 

Narciso (NARSULLA01@YAHOO.ES) dixo:

Hola a toos. Ye la primer vez que me da por escribir. La semeya ye de les cuadres de Velino d'El Rezaleru, que tan debaxo de casa d'Alvaro y Genta.