Xosé Antonio, Xuacu, Tomás y Casio mandaron sendos mensaxes con rempuesta correuta a la entruga sobre la identificación de la semeya de la portada anterior. Dende esti ventanu virtual podemos esclucalo too ello.
Sumando, entós, como correspuende, esos valiosos cuatro punticos, la clasificación queda de la manera que de siguío apaez:
Casio González Suárez, once puntos; Xosé Antonio Camblor, siete puntos; Lluis Ánxel Suárez, seis puntos; Xuacu García Cuello, seis puntos; Ramón González Suárez, cinco puntos; Avelino González Suárez, cinco puntos; Daniel Fernández García, tres puntos; Esteban Carcedo Roces, tres puntos; Xana Llaneza Prieto, un puntu; Marta González Llaneza, un puntu; Pedro Carcedo Roces, un puntu; Tomás Torre, un puntu.
Xuacu García Cuello dixo:
Hola Xulio: La casa de la semeya d'esta vez ye la que ta en Perabeles de Arriba y ye de Pichi y Mercedes. Un Saludu.
Marta González Llaneza dixo:
Hola Xulio: Paezme que la semeya ye d'El Sotiellu, la casa de Merce y Nardo. Un saludu.
Xana Llaneza Prieto dixo:
Esa semeya alcuéntrase n'El Escaecima (les cases d'arriba), y ye la casa de los güelos de Nerea y Pelayo, llamada Sotiellu.
Ramón González dixo:
Quiai Xulio: Esta nun puedo fallala, ye la Casa del Compañero (mio güelu) n´El Sotiellu.
Daniel Fernández García dixo:
Hola Xulio. Lo d' esta selmana creo que ye en Perabeles d'Arriba, y creo que ye la casa de Tatiana. Creo que la madre llámase Mercedes. Un saludu.
José Antonio Camblor dixo:
Esta foto ta nel pueblu de Les Caecima, xunto al camín que sube per detrás de La Caya.
Avelino González Suárez dixo:Hola Xulio. Paezme qu'esta semeya ye la casa de Pichi enriba la casa Joaquín el de La Caya. Véola cuando voi a ver al mio collaciu Esteban. Un saludu.
Lluis Ánxel Suárez dixo:
Hola Xulio, nun toi seguru, pero paezme qu'esta casa ye n'El Sotiellu, ente Les Caecima y La Caya. A ver si acierto alguna. Ta lluego.
Casio González dixo:
Hola collaciu. Esto pa mi ye fácil, porque ta enfrente casa mio ma. Ye la casa del Compañero n'El Sotiellu. Un saludu.