Semeya d'Audilio Glz. Rozada

Llegaron tres mensaxes con rempuesta a la entruga sobro la identificación de la semya de la portada anterior. Podemos velos pinchando nesti enllaz. No que cinca a la clasificación, queda, agora mesmo, de la siguiente manera: Narciso, trelce puntos; Berto, dolce puntos; Toño, diez puntos; Xuacu, cuatro puntos; Ástor, tres puntos; Lluis Ánxel, dos puntos; Daniel, un puntu; Xana, un puntu; Xosé Ramón, un puntu.

La nueva  semeya tien la so correspondiente pregunta : ¿Qué ye y ónde s'afaya lo que representa la imaxe de qui enriba?

Xuacu García dixo:

Hola Xulio: Esta casa ta en La Paré, nel cruce del camín que baxa pa Les Argayaes. Lo que nun sé ye de quién ye. Un saludu.
 

Alberto González dixo:

Hola Xulio. Esta casa ta en La Seca L'Agua , y acuérdome d'oyelo per allí, que yera de Plácido "El Cuari" y Ferma .
¡Munches partíes de baloncestu xuguemos debaxo'l so correor aprovechando un aru de bicicleta, que resistiendo entovía al ferruñu, sofita lo que fue un pasáu de canastes glorioses baxo'l sol....( ¡vaya frase que me quedó, mete mieu!).
A la parte baxo tá la casa Tino'l de Roja, y pel camín que se ve a la derecha, podemos colar hacia La Paré, La Vallica l'Agua, El Colláu Escobal y  si nos tiramos abaxo,  hacia Les Argayaes. Saludos.
 

Narciso Suárez dixo:

Tirasti un poco mas abaxo.Esa casa ta en La Seca l'Agua, detrás de la casa de Pilar. Lo que nun se ye cómo-y llamen, ¿podrá ser la casa de Ferma? Sóname a mi d'oyer esi nombre d'una paisana que vivió ahí na Seca l'Agua.

Xosé Antón Camblor dixo:

Esta ta dando muncha guerra, pero por  dir descartando  pueblos, paezme que ta en La Seca l'Agua.