Tenemos dellos correos a raíz de la entruga sobre la semeya de la portada anterior. El primeru, del collaciu Tomás Torre, ye pa dexar seña y costancia de daqué que-y paez perbién. Diz asina:

Tomás Torre:

Gracies por dar la esplicación de lo d'El Bescón de Ludeva. Fai más de cuarenta años que nun paso pellí y traime bonos recuerdos de cuando yera más xoven. Gracies, chaval, gracies.

 

Los otros tres mensaxes son, anque nun preste muncho reconocello, bastante desacertaos na so rempuesta, y solamente los vamos a publicar como pista enfotante pa que quede claro, perclaro,  lo que nun ye, nun ye. Son los que vienen darréu:

Casio González: Bueno, después  de pensar y pensar, paezme que ye la casa de Luciano  na
Seca l´Agua. Un saludu.

Luis Ánxel :

Hola Xulio, nun toi ná seguru d'acertar esta vez, pero paezme que ye en Les Cabañes, cerca de Los Caleyos, polo menos hai una paecía. Ta lluego.

Esteban Carcedo:

Xulio: Esta semeya ta sacándome canes, pues pensaba que taba nel Escaecima y
nun ta. De los varios sitios onde me paez que pue tar, el que más me paez
ye'l pueblu de La Seca l'Agua . La verda ye que tengo munches dudes.
 

Pues, venga collacios, que, nada... qu'hai que lo siguir intentando, que dende peraveles.com nun mos damos, nun mos peta dexar esa foto hasta qu'apaeza daquién que la identifique. Poro, apurrímosvos a tola collaciada perabeliega un poco de tiempu más pa que podáis salir a pasiar ya investigar pelos nuestros pueblos... Aquí podéis siguir viendo la enigmátca semeya. Mientres tanto, si nun vos da más, entretenémosmos viendo pastiar y agamiar rama a estes llariegues cabres na finca de xunto a ...