Difícil resultó, de manera claro, la semeya propuesta como enigma na anterior portada del concursu, yá que solamente apaeció un valiente concursante que s'atreviera a unviar rempuesta a la entruga sobro la so identificación. Si lo queremos mirar y descubrir nun tenemos otra solución qu'abrir esta portiella dixital y pasar, decidío, per ella. La clasificación queda, pela so parte alta, más apretada que nunca: Narciso, ventiocho puntos; Toño, ventisiete puntos; Berto, venti puntos; Xuacu, quince puntos; Ástor, tres puntos; Lluis Ánxel, dos puntos; Daniel, un puntu; Xana, un puntu; Xosé Ramón, un puntu; Demelsa, un puntu.

Xuacu García escribió:

Hola Xulio: Estes semeyes complíquenseme más, esta cuadra paezme que ye la de Julio y Covadonga que ta en Cantu la Fócara a la parte baxo la carretera; bueno, ahora ye d'Irene y Javier. Un saludu.

Toño Camblor escribió:

Julio, esta ta mui llográ, si non ye por Sergio pásame y non soi pa cazala. Mira que nun tuvi yo poques veces pehí, chando de comer a les oveyes y a les yegües. Esto ta debaxo la carreterra que va pa La Bobia, llámase El Cantu y yera de Silvo. Estes finques y lo que ta a la mano riba de la carretera diba con Los Pedrazos, de lo que yá hablamos fai poco. Y ahora ye d'Irene y Javier Corralón. Chaooooo.
 
Esplícites y correutes les rempuestes de los dos veceros que mos manden mensaxe pa la orixinal foto de portada, lo que-yos val p'agamiar sendos y guapos puntos que los aúpen na tabla clasificatoria xeneral del concursu, que queda agora de la siguiente manera: Narciso, ventiocho puntos; Toño, ventiocho puntos; Berto, venti puntos; Xuacu, selce puntos; Ástor, tres puntos; Lluis Ánxel, dos puntos; Daniel, un puntu; Xana, un puntu; Xosé Ramón, un puntu; Demelsa, un puntu.