Con rempuesta a la entruga sobro

Con rempuesta a la entruga sobro la identificación de la semeya de la portada anterior allegaron dos mensaxes al buzón dixital de la fueya barboliega. Podemos vellos puentero si somos a entrar per esta orixinal pasera. Dempués de los dos puntos sumaos a los respeutivos acertantes, la clasificación queda talmente de la manera que darréu s'amuesa: Toño, trenta y nueve puntos; Narciso, trenta y cinco puntos; Berto, venti puntos; Xuacu, decinueve puntos; Ástor, cuatro puntos; Lluis Ánxel, dos puntos; Daniel, un puntu; Xana, un puntu; Xosé Ramón, un puntu; Demelsa, un puntu; Xosé Roberto González, un puntu.

Pasamos, de siguío, a ufrir a los veceros una semeya nueva cola so correspondiente entruga: ¿Qué ye y ónde s'alcuentra lo que representa la imaxe de qui encima?

Julio, sigues pelo cimero de la parroquia. Esto ye n'El Colláu Escobal, a la parte riba de la curva onde daben vuelta les linies. Chaooooooooooooooooooo.

Esto ye El Colláu Escobal, onde viven Generoso y Gelita. Y la casa que se ve arriba a la derecha ye la d'Isma. Saludos.

Daremos por bones les rempuestes apurríes por estos dos veceros participantes, anque llamentamos de veres el fechu de que nun fueren daqué más precisos a la hora d'ubicar la imaxe. Trátase, efetivamente, d'una parte del pueblu d'El Colláu Escobal, pero que tien un nome propiu esclusivu, que lu designa perbién aplicando la imaxe lliteraria de la ironía. Figuráivos qu'eso llámase nada menos, nada menos, qu'El Llanón. Seguro que tous s'acuerden del tráxicu argayu que'hubo ende habrá cosa de venti años una nueche de la época de navidá...y que tapó la casa de Nero, matándolu a elli, al so fiyu Dimas y a la nuera...

Y pasando a otru tema tenemos, entós, que la clasificación queda de la siguiente manera: Toño, cuarenta puntos; Narciso, trenta y seis puntos; Berto, venti puntos; Xuacu, decinueve puntos; Ástor, cuatro puntos; Lluis Ánxel, dos puntos; Daniel, un puntu; Xana, un puntu; Xosé Ramón, un puntu; Demelsa, un puntu; Xosé Roberto González, un puntu.