A causa d'unos problemes arreyaos a la renovación del dominiu, esta páxina nun tuvo operativa durante dalgunos díes d'esta selmana. Poro, vamos a dexar la mesma semeya del concursu hasta'l próximu llunes, col oxetu de dar más tiempu a los concursantes que quieran unviar rempuesta.

Nesta ocasión, fueron los veceros Xuacu y Ramón los únicos que mandaron corréu con rempuesta acertada a la entruga sobre la identificación de la semeya de la portada anterior. Podemos ver les sos rempuestes pinchando nesti enllace.

La clasificación queda, entóncenes, dempués de sumar estos puntos, de la manera qu'amosamos darréu: Xuacu García Cuello, nueve puntos; Xosé Ramón González Suárez, ocho puntos; Marta González Llaneza, seis puntos; Esteban Carcedo Roces, cinco puntos; Lluis Ánxel Suárez, dos puntos;  Xosé Antonio Camblor, dos puntos; Tomás Torre, un puntu.

Agora, perbarboliegos, pa seguir sumando puntos, decíi qué ye y onde s'afaya lo que representa la imaxe de qui enriba

Lluis Ánxel Suárez diz:

Hola Xulio, por fin conozo alguna, esta ye la casa que fixisti tu en La LLosa´l Valle.
Ta lluego.     Luis
 

Xuacu García Cuello diz:

Hola Xulio. La semeya que tienes esta selmana puesta ye de la to casa nueva en La Llosa'l Valle. Quedóte mui guapa, a mi gústame muncho la piedra que punxisti.
 
                                                                                    Saludos y a disfrutala.

Xosé Ramón González diz:

Yá me paecía a mi que-y pasaba algo a la fueya. Polo visto ta arreglao. La semeya d´esta selmana ye de la casa que ta a puntu d'inaugurar Xulio (el nuestru) na Llosa'l Valle.
Saludos.
 

Xosé Antonio Camblor diz:

Esta ye la to casa, Julio, que paez que quedó mui guapa. Yo teníala vista per delante, pero ahora yá la vi toa. Norabona.