Semeya unviada por Jorge del Recerezal
Allegaron al buzón dixital de la nuestra fueya barboliega un total de tres mensaxes con rempuesta a la entruga sobre la identificación de la semeya de la portada del fin de selmana. Dos d'elles, la d'Hugo y la de Vanesa, a los que felicitamos y damos la bienvenida a la clasificación, son correutes; ya una, la de Xuacu, non. Vémoslo, si queremos, pasando selemente per esta buraquica virtual.
La clasificación queda, dempués d'esta cabera modificación, de la manera que, darréu, s'amuesa: Xuacu García Cuello, cinco puntos; Casio González Suárez, cinco puntos; Lluis Ánxel Suárez Suárez, tres puntos; Esteban Carcedo Roces, tres puntos; Xosé Ramón González Suárez, dos puntos; Xosé Antonio Camblor, un puntu; Hugo d'El Corralón, un puntu; Vanesa d'El Corralón, un puntu.
Siguimos con nueves fotografíes del guapu paisax barboliego. Asina que, a ver si sois finos y mos sois quien a dicir qué ye y ónde s'afaya lo que representa la imaxe de qui enriba.
Hugo del Corralón diz:
Esto ye la cuadra de Concha n'El Río Cerezal, y lo dexa fitao Hugo del Corralón.
Casio González diz:
Hola collaciu. Ésta sí mos da tiempu contestar, porque la otra nun tuviemos quién la escribiere. Seguimos nel pueblu d'El Riocerezal, ésta ye la casa de los padres de Ferín. Un saludu.
Esteban Carcedo diz:
Hola Xulio.
Paez que t'afayes nel mio pueblu, pues la de la güerta de Luz nun la pudi contestar, pero esta sí, y, como podrás ver, pa mi ye perfácil, pues la Casa de Pepón, qu'así se llamaba'l padre de Ferín (que e.d.) véola tolos dis, pues, como sabes, ta detrás de mio casa.
LluisÁnxel Suárez diz:
Hola Xulio, esta casa paezme que ta en Riocerezal, nun toi seguru de quién ye, pero debe de ser de la familia de Ferín.
Ta lluego.
Apurrimos sendos puntos, pol aciertu na rempuesta, a Casio, Esteban y Lluis Ánxel. Sicasí, nun podemos dar por válida la del collaciu Hugo.