Esti fin de selmana resultó ser prestosamente arroganticu en cuanto a la participación de la vecería. Allegaron al nuestru buzón nada menos que cinco mensaxes con rempuesta correuto. Velino'l Corral Nuevu, Xosé Antonio, Xuacu los Caleyos, Daniel y Ramón fueron los atinaos autores de los mesmos. Y dende qui, podemos pasar, si mos peta, a lleelos tranquilamente.
La clasificación esta vegada cambia daqué, y queda de la siguiente forma:
Lluis Ánxel Suárez, cinco puntos; Casio González, cuatro puntos; Xosé Antonio Camblor, tres puntos; Daniel Fernández García, dos puntos; Xuacu García Cuello, dos puntos; Avelino González Suárez, dos puntos; Xana Llaneza, un puntu; Esteban Carcedo, un puntu; Ramón González Suárez, un puntu.
Y viendo como se ta poniendo la llista, ponemos, darréu, una nueva semeya. ¿Qué casa ye ésta?
José Antonio Camblor dixo:
Esta casina ta na vega que ta
encima'l pueblu de Perabeles, paezme que ye
del famosu CAMPERAS.
Casio González Suárez dixo:
Hola collaciu, nesta ocasión dame
tiempu a contestate, ya que ye mui
fácil, pues ye la casa del mio collaciu Camperas, que ye L'Eru. Un saludu.
Marta González Llaneza dixo:
Hola Julio: Creo que ye casa Charo (q.p.d.) y Severino en Perabeles. Un saludu. Marta.
Xuacu los Caleyos dixo:
Hola Xulio. Soi Xuacu el de los
Caleyos, como tu me llames. La semeya d'esta semana ye la
casa Camperas en Perabeles; tas faciendo que m'envizque toles semanes. Un saludu.
Ramón González Suárez dixo:
Si nun m´enquivoco, la semeya ye de la Casa de Camperas en Peraveles. ¡Haiga salú!