Vamos a entamar, con ganes renovaes, una nueva edición del concursu semeyil en peraveles.com, que va tener de duración lo mesmo de tiempu que-y queda a la presente estación de la seronda.Y vamos a facelo ampliando sensiblemente'l campu de referencia de les distintes fotografíes. Pa ello queremos dar un blincu dende l'ámbitu parroquial, que yá mos taba empezando a abultar daqué estrenchu, a la más estensa circunscripción conceyil o municipal. Poro, entóncenes, dende esta edición qu'agora mesmo empecipia, les semeyes que se vaigan colgando pa la so reconocencia por parte de los concursantes, pueden representar o referise a cualquier sitiu del conceyu de Samartín del Rei Aurelio.
Asina que venga... ¿Qué ye y ónde s'afaya lo que figura na semeya de qui enriba?
Daniel Fernández García dixo:
Corralón Azul dixo:
La semeya paezme que nel parque la laguna en L'Entregu el dia d´Asturies. Un saludu.
Xurde Alberto García dixo:
Demelsa González dixo:
Hola Xulio. Nun sé si yá punxisti
más semeyes, pero taba de vacaciones y agora que miro la páxina lo veo. La
semeya ye en L´Entregu cuando la cellebración del Dia Asturies. Un saludu.
Xurde'l Recerezal dixo:
Bueno: Vamos ver si empezamos
bien la temporá.
Primeramente, allégrome muncho que'l concursu salga de les fronteres de la nuesa
collación pa que nun se diga que los de Santa Bárbola somos cerraos y coses pel
estilu.
Y agora va la rispuesta. A mi paezme que lo que se ve ye'l paséu al llau d'El
Nalón nel Parque la Llaguna, en L'Entregu'l Día d'Asturies.
Xosé Ramón González dixo:
Hola Xulio.
La semeya paezme que ye El Parque la Llaguna en L'Entregu. Paezme tamién que
ye'l Día d´Asturies.
Un abrazu y bienveníu de nuevo, a ver si pues de nuevo abrir la fueya de los
veceros, si los trolls te dexen, claro.
Ástor Llaneza dixo:
La semeya ye nel Parque la Llaguna de l´Entregu.
Ástor.