Nesta ocasión tenemos nel buzón dixital solamente dos rempuestes a la entruga sobro la identificación de la semeya de la portada anterior. Vamos a arreblagar per esta saltaera dixital pa miralles puentero. La clasificación agora queda de la siguiente manera: Narciso, ventiocho puntos; Toño, ventiséis puntos; Berto, venti puntos; Xuacu, quince puntos; Ástor, tres puntos; Lluis Ánxel, dos puntos; Daniel, un puntu; Xana, un puntu; Xosé Ramón, un puntu; Demelsa, un puntu.

Darréu pasamos a ufrir semeya y entruga nuevo: ¿Qué ye y ónde s'afaya lo que repesenta la imaxe de qui encima?

Toño Camblor diz:

Hola, Julio. Ésta costóme un poco mas, pero al final topéla. Ésta ta nos llímites de La Bobia y La Cerezal, a  mano izquierda, onde sal la carretera que va pa Los Quintos, que son unes casines qu'hai un poco mas pa lla, y pa El Picu les Formigues, que tien una vista de tol valle de Santa Bárbara mui guapa. El prau que ta a la mano baxo mirando pa La Cerezal ye de Luis, conocíu por El Pintor de Sotrondio. Bueno, nun t'enrrollo mas. Chaooooo.

 

Peracertada y guapa la rempuesta del nuestru veceru Toño, que, pancima y pela primer vegada, ye la única que mos aporta al buzón de la fueya. Asina, la clasificación queda, pela zona de la tiesta, más apretada de lo que taba y, poro, más emocionante ya incierta na so resolución final: Narciso, ventiocho puntos; Toño, ventisiete puntos; Berto, venti puntos; Xuacu, quince puntos; Ástor, tres puntos; Lluis Ánxel, dos puntos; Daniel, un puntu; Xana, un puntu; Xosé Ramón, un puntu; Demelsa, un puntu.