Al buzón de la fueya barboliega aportaron esta vegada dos mensaxes con rempuesta a la entruga sobro la identificación de la semeya de la portada anterior. Pa velos selemente nun tenemos más qu'arreblagar per esta saltaera dixital. Pela so parte la clasificación queda de la manera que darréu amosamos: Berto, dolce puntos; Narciso, dolce puntos; Toño, nueve puntos; Ástor, tres puntos; Xuacu, tres puntos; Lluis Ánxel, dos puntos; Daniel, un puntu; Xana, un puntu; Xosé Ramón, un puntu.
Nueva entruga pa los próximos tres díes: ¿Qué ye y ónde s'afaya lo que representa la imaxe de qui enriba?
Xuacu García Cuello dixo:
Esta semeya paezme que me sona d'algo, je! je! Ye la casa de Cedes d'El Regueru, (Los Caleyos)
Narciso Suárez Llaneza dixo:
La selmana pasá nun pudi contestate a la de Los Ribayos (...) Bueno esta vez ye de Los Caleyos de la casa de Curtido. Saludos.
Xosé Antón Camblor dixo:
¿Qué tal, Julio? Esta tuvisti qu'andar un poco mas. Esto ta nun barriu del pueblu de Los Caleyos. Me paez que se llamen Les Cabañes.
La semeya unviómosla'l nuestru collaborador Audilio González Rozada, que mos la describía textualmente de la siguiente manera: Casas de Ricardo Cuello, "El Curtido"; y de Araceli y Samuel, en el pueblo de Los Caleyos. Dientro del pueblu de Los Caleyos estes cases tan nel barriu que se conoz como El Regueru. A pesar de la imprecisión del mensaxe de Toño, vamos a dar por bones les tres rempuestes, yá qu'esti veceru supo ciertamente el nome del pueblu.
La clasificación queda, entóncenes de la siguiente manera: Narciso, trelce puntos;Berto, dolce puntos; Toño, diez puntos; Xuacu, cuatro puntos; Ástor, tres puntos; Lluis Ánxel, dos puntos; Daniel, un puntu; Xana, un puntu; Xosé Ramón, un puntu.