H.a, h.a, h.a... Por fin tenemos una semeyona
que naide, nin el más finu ente los veceros, fue quien a ubicar con
precisión. Nun dexa de ser, esto, daqué prestoso y divertío,
polo que tien de novedoso y estraño nesti concursu semeyil de la nuestra
collación... Pues, venga, vamos agora a poner otra imaxe del mesmu
sitiu pero con diferente perspeutiva... A que, asina, yá ye más
fácil, ¿eh?
Entóncenes, como nun hai puntu delgún qu'añadir, la clasificación queda de la mesma
manera que la vegada anterior: Miguel Ángel García
Suárez, nueve puntos; Marta González
Llaneza, ocho puntos; Sergio Camblor,
ocho puntos; Demelsa González
Viña, siete puntos; ; Esteban
Carcedo Roces, cinco puntos; Joaquín
Suárez Ordiz, cinco puntos; Jorge del Recerezal,
cinco; Jesús Orviz González, tres puntos; Tomás
Torre, un puntu; Omar Suárez Suárez, un puntu.
Agora, en febreru de 2020, dexamos
constancia de qu'esta foto, sacada hacia l'ańu 2005, ye del barriu d'El Mayáu,
en Los Caleyos. L'horro creo yá va tiempu que desapaeció dafechu.
