Nel añu 1991 l'Academia de la Llingua Asturiana, dientro de la colección Toponimia, publicó, col númberu 8, el primer cartafueyu de Samartín del Rei Aurelio, correspondiente a la collación de Santa Bárbola. L'autor del mesmu, Xulio Llaneza Fernández, quier ofrecer agora, trece años depués d'aquel asoleyamientu, los topónimos qu'apaecieron naquel llibricu, con dalgunes correcciones que-y paecieron oportunes y l'enfotu de que toles persones interesaes nesta materia puedan tener un fácil accesu a ello. La llista de los nomes qu'apaecen nesta páxina va a dir aumentándose y corrixéndose de manera sucesivo, siempre que se considere necesario, pues ye fácil suponer que nun tarán aquí absolutamente tous los topónimos y qu'además seguramente dalgunos d'ellos nun vendrán definíos cola precisión necesaria.


Los datos que figuren sobre'l númberu de viviendes habitaes y deshabitaes de cada pueblu o aldega son los del padrón de 1986. A fecha de güei queden tous ellos mui penriba de lo qu'agora tenemos, pues la población del nuestru valle nun dexó de menguar dende entóncenes pa ca.

Nin que dicir tien que cualquier informacción o suxerencia que venga de parte de los conoceores del terreno barboliego va a ser mui bien recibío.




Santa Bárbola (Of. «Santa Bárbara»): Una de les cinco parroquies del Conceyu de Samartín del Rei Aurelio. Asítiase al suroeste del Conceyu y llenda al N. con Samartín (Sotrondio), al S. col Conceyu de Mieres, al E. col Conceyu de Llaviana y Blimea y al O. col Conceyu de Llangreo. Pal presente trabayu paecíomos más afayaízo dixebrar la parroquia en fasteres, diecisiete en total, que vienen a correspondese colos pueblos de la collación anque non dafechamente.

Abareres, Les: Lo más cimero de la fastera d'EI Batán, hasta la llende con La Cerezal. Tamién se pronuncia «Abarees», y la xente de La Robellá, Veró, El Rezaleru y La Del Agua interprétalu como Les Sabareres.

Aberual, L': El monte que va dende'l castañéu de La Muezca la Bobia hasta El Picu l'Aberual, na fastera de La Cerezal, lladera de la drecha según les agües.

Ablanares, Les: Estaya en La Llosa'l Cantu de Baxo, na fastera de Los Caleyos.

Ablanarines, Les: Tierra pequeña, pegada a La Bortica. Queda encima de Les Argayaes y a la mano baxo d'EI Cascayal.

Ablanéu, L': Na fastera de Los Caleyos, na zona que llenda con El Valle les Fuentes, queda esti llugar encima d'EI Nabalín y debaxo El Colláu Fonderu.

Abonaréu, L': Onde anicia, per baxu, El Valle les Fuentes, el terrén a la izquierda de La Teyera y de La Nabaliega, visto dende enfrente.

Abunaréu, L': V. Abonaréu, L'.

Acapiellu, L': Praos en forma triangular debaxo de L'Artusu. El más altu llámase L'Acapiellu Cimeru, y el más baxu, L'Acapiellu Fonderu.

Acapiellu Cimeru, L': Debaxo de La Rozá y enriba de Los Cabañones, na zona alta de la fastera d'EI Riocerezal.

Acapiellu Fonderu, L': A la mano baxo de Los Cabañones, na zona alta de la fastera d'EI Riocerezal.

Acebal d'Enmedio, L': Prau de la fastera la Cerezal, ente El Prau de Justo y Los Felguerones.

Agüeria Miera, L': Nome antiguu de lo que dempués se llamó "La Hijuela”  y agora ye'l valle y collación de Santa Bárbola.

Alcantarillón, L': Na carretera de L'Escobal, ente La Fuente Agosta y El Cantu l'Eru, el llugar onde se topa un alcantarillón que pasa per debaxo la carretera pa desaguar la cuneta. Fastera de La Del Agua.

Alturu, L': Praos y monte nel cumal que Ilenda La Cerezal col restu de la parroquia de Santa Bárbola.

Apelañes, Les: Praos a la drecha, visto dende riba, d'EI Prau Llargu, na fastera d'EI Monte Muñero.

Argayá, L': Les tres cases más a la izquierda, visto dende enfrente, del pueblu de Perabeles, pasáu El Cantu.

Argayaes, Les: Viniendo de L'Escobal escontra La Llera, les últimes cases dempués de pasar El Cascayu. Allí divídese en dos el camín, diendo ún pa Solavega y l'otru pa La Lloseta.

Argayu, L': Prau de Los Caleyos cerca de Les Cabañes.

Arquera, L': Prau debaxo'l picu del mesmu nome, na fastera de Los Caleyos.

Arquera, L': Cachu monte y prau, na fastera d'EI Monte Muñero, a la izquierda de L'Artusu, visto dende enfrente.

Arquería, L': Na fastera de La Potoxa, debaxo d'EI Regueru Solallosa y encima d'El Carrancal. Hai una casa deshabitada.

Artusu, L': Cachu monte y prau ente l'Arquera y La Peñona, na fastera d'El Monte Muñero.

Azorea, L': Ún de los pueblinos de La Cerezal, pa riba y a la izquierda, visto dende enfrente, d'EI Costayu. Nun tien carretera y angüañu ta deshabitáu.

Barraca, La: Ente El Corralón y El Cotaraxu, prau y castañéu encima d'El Corral Nuevu.

Barreru, El: Güerta del pueblu de Perabeles, ente El Sucu la Yana y La Solana, a la mano baxo la carretera.

Barreru, El: Na fastera d'EI Rezaleru, prau ente La Bornaíca y La Llosa Nueva, a la mano baxo del camín, que lu separa d'EI Vallín.

Batán, El: Pequeñu pueblu de Santa Bárbola, na lladera drecha, según les agües, del so valle principal. Los sos anicios son relativamente modernos, non más atrás del sieglu pasáu. Hubo un batán, del que tomó'l nome'l pueblu, y un molín, del que tovía se puen ver los restos. Llégase pela carretera de La Robellá y Veró. Según el padrón municipal, hai cinco viviendes, dos d'elles habitaes. Como fastera, El Batán tien al N. Co la Iglesia; al E. La Cerezal; al S. La Robellá; y al O. Perabeles.

Baúgues, Les: Cases de llau del regueru, na fastera de La Cerezal, pa baxo un poco d'El Molín.

Bericiusu, El: Pueblu de Santa Bárbola, dientro la fastera de La Cerezal, cerca y a la mano drecha de La Espesura, visto dende enfrente. Ye aquí onde s'asitia l'antigua escuela y la capiella de La Cerezal. Nel padrón municipal podemos lleer "Vericioso» con trenta y tres viviendes en total, de les que tán habitaes ventitrés.

Berixel, El: Una güertina a la mano tras de les cases de La Xerra, nel pueblu de Los Caleyos.

Berixel, El: El terrén per onde pasa'l regueru del mesmu nome, na fastera de La Cruz.

Bilortera, La: Na fastera d'EI Riocerezal, pa riba d'El Castañéu la Lloseta y a la izquierda, visto dende baxo, de La Casiquina.

Binaes, Les: Praos, debaxo de Les Cabañes, qu'antes yeren tierres de llabor, en terrén de Los Caleyos.

Binaes, Les: Güertes, ente L'Escobal y La Fontona, a la mano baxo la caleya del mesmu nome, na fastera de La del Agua.

Bolaes, Les: Na Llosa'l Riocerezal, una estaya ente'l senderín y La Caleya'l Rebollusu, encima d'EI Rebollalón y al delláu d'EI Payarín. En 1989 cavaron nesti llugar pa ver si topaben agua, ensin resultáu positivu.

Bolguera, La: Pa baxo La Casa Cima y cerca d'El Collaín, na fastera de La Del Agua.

Borná, La: Cachu monte, encima de La Campa los Caleyos y cerca de La Peña.

Borná, La: En terrén de La Robellá.

Borná'l Cantu, La: Prau na llende ente les fasteres de Perabeles y El Riocerezal, debaxo d'El Colláu y encima la curva de la carretera al pasar per El Cantu'l Riocerezal.

Borná de Jesús [xesús], La: Llenda per baxo con El Nabalón y ta encima de La Curva'l Nabalón de Riba, de la carretera de La Polaúra. Monte Muñero.

Borná'l Macho, La: Debaxo Tretu, na zona alta onde anicia El Regueru Veró. Agora ta abierta y abandonada.

Borná Pachín, La: Cerca d'EI Picu Mayáu Robellá.

Borná Pedro, La: Na fastera de La Cruz, castañéu a la izquierda, visto dende baxo, d'El Payegón. A la mano riba tópase El Prau les Campes.

Borná'l Sellón, La: El prau que ta debaxo del repetidor de T.V. de La Colladiella, na fastera de Los Caleyos.

Borná Tomasín, La: Cerca de La Raposa, na fastera de La Cerezal.

Borná Xandrín, La: Na zona de L'Aberual pero mirando yá pa San Amiés, na parroquia de Blimea.

Bornaíca, La: Na fastera d'EI Rezaleru, finca ente El Bortaxu y La Llosa Nueva, a la mano baxo del camín que la separta d'EI Llombón.

Bornaína, La: Na fastera d'EI Riocerezal, a la mano drecha, visto dende baxo, de La Cota'l Rebollusu, escontra la zona d'EI Corral Nuevu.

Bornaína, La: Castañeos a la mano baxo la carretera, na fastera de La Robellá.

Bornaína, La: Ente los terrenos de La Seca y La Del Agua, a unos cien metros, en vertical, pa riba de La Casa Cima y a la drecha, visto dende baxo, de la Payega. Hai una casa.

Bornaíques, Les: En terrén de Perabeles, prau debaxo'l camín que va d'EI Calerón a La Valli Milaños, al poco de salir de les cases y enantes d'aportar a El Vallín.

Bornaona, La: Praos debaxo de La Forniella, na fastera d'EI Riocerezal. Aquí ye onde anicia El Regueru los Conforcales.

Bornáu de Riba, El: Dos praos con munches cotolles, encima d'El Castañéu Antonón, en terrén d'El Batán.

Bortaxa, La: Güerta del pueblu Perabeles, de llau d'EI Socorral y debaxo d'El Cantu'l Riocerezal.   

Bortaxu, El: Prau pequeñu del pueblu Perabeles, ente El Castañéu Filomena y La Vallina, a la mano riba de La Fuente'l Peral.

Bortaxu, El: Na fastera d'EI Rezaleru, finca ente El Güertu (de Julia) y La Bornaíca, a la mano baxo del camín que la separta de La Pezuca.

Bortica, La: Tierra pequeña encima de Les Argayaes (casa Maro), y a la mano baxo d'El Cascayal (casa Veli). Esta finca llenda cola de Les Ablanarines. Fastera de La Del Agua.

Borticu, El: Prau pa riba y a la izquierda d'El Tendeyón, de llau de Los Cabañones, ente los terrenos altos de Perabeles y El Riocerezal.

Bortón, El: Una estaya na llosa del pueblu de Los Caleyos.

Bortón, El: Finca del pueblu d'EI Riocerezal, a la mano baxo del camín y percima El Payarín.

Bortón, El: En La Robellá, finca debaxo de La Llosica y encima y a la drecha El Pandiquín, visto de baxo.

Bosque, El: Zona alta de la fastera d'EI Riocerezal, debaxo de La Rozá escontra la mano drecha.

Braña, La: A la drecha, visto dende baxo, d'EI Novenu. Son tres praos, ún enriba otru. Al fonderu llamábemos-y, de guah.es, «El Mapa d'España», pola so forma. A la mano riba del cimeru ye onde la lleenda cunta que s'apaeció Santa Bárbola a finales del sieglu pasáu. Ta na fastera de Co la Iglesia.

Brañes, Les: V. Braña, La.

Cabaña Fondera, La: Prau d'EI Valle les Fuentes, na so parte izquierda, visto de frente; queda ente La Payeguina y La Payega.
   
Cabaña'l Cantu, La: Prau nel cumal que fai de llende ente les fasteres de Co la Iglesia y La Cerezal, a la izquierda de Les Abareres, visto dende Perabeles.
   
Cabañes, Les: Una de les partes o barrios del pueblu de Los Caleyos, el que se topa más a la izquierda de toos, visto dende enfrente. Les cases que lu formen tán toes elles deshabitaes.

Cabañes, Les: Praos cerca de L'Acapiellu Fonderu, na fastera d'EI Riocerezal.

Cabañina, La: Cases de La Robellá, a la izquierda, según les agües, del regueru que pasa pel pueblu.

Cabañón, El: Ente El Colláu Escobal y La Casa Cima, caúna de les estayes de Los Cabañones.

Cabañones, Los: Praos ente El Colláu Escobal y La Casa Cima, a la mano riba la carretera.

Cabañones, Los: Praos debaxo de La Payega, nel valle de La Cerezal.

Cabañones, Los: La finca más alta de les que se topen debaxo d'EI Picu l'Artusu, na lladera que mira pa Perabeles y El Riocerezal.

Cabornia, La: Nel camín de L'Escobal a Les Argayaes, les cases que se topen ente La Fontona y El Cascayu, na fastera de La Del Agua.
   
Caburnu, El: Dientro la fastera de Los Caleyos, a la mano drecha, según les agües, d'El Regueru la Granxa y a la mano riba de La Payegona. Divídese en El Caburnu Riba y El Caburnu Baxo.
   
Caburnu, El: Prau de lo fondero la fastera de Perabeles, debaxo d'El Barreru, a la izquierda de Los Ribayos, y a la drecha d'El Llosetón, visto dende riba.

Caburnu Baxo, El: La parte fondera d'El Caburnu, na fastera de Los Caleyos.

Caburnu Riba, El: La parte cimera d'El Caburnu, na fastera de Los Caleyos.

Caecima, Les: Una de les partes o barrios del pueblu de Perabeles. Esti topónimu ye'l resultáu actual de lo que nel principiu habría ser, ensin dubia, «Les Cases de Cima», pues asina ye, que se topen na parte cimera del pueblu. La denominación popular correspuéndese cola oficial del padrón municipal «Perabeles de Arriba», con ventidós viviendes, de les que tán habitaes diez.

Calerón, El: Otru barriu de Perabeles, a la izquierda, visto dende enfrente, de La Llaera, y ente El Caleru per riba y El Cantu per baxo.

Caleros, Los: Praos ente La Braña y El Valle, na fastera de Co la Iglesia, anque  pertenecientes a xente de La Cerezal.

Caleru, El: Garapiellu cases, les más altes del pueblu Perabeles, na vertical d'EI Calerón y a la mano riba. Tán toes deshabitaes.

Caleya la Biná, La: V. La Caleya les Binaes.

Caleya les Binaes, La: La que va dende L'Escobal hasta Les Argayaes, dientro la fastera de La Del Agua.

Caleya'l Ci(n)güeñal, La: La qu'hai enriba El Socavón, a lo fondero del valle La Cerezal.

Caleya'l Rebollusu, La: La que va dende El Corralón hasta'l pueblu d'EI Rio Cerezal.

Caleyón, El: El camín que va a dar a L'Edráu, viniendo del pueblu d'El Rezaleru.

Caleyos, Los: El pueblu más altu, dempués de L'Edráu, de la parroquia de Santa Bárbola, na lladera izquierda, según les agües, del so valle principal. Llégase a él pela carretera que xube a La Colladiella, dempués de pasar El Colláu Escobal y La Casa Cima. Compónenlu unos cuantos garapiellos de cases, formando como barrios, que son los que siguen: El Cantu, La Xerra, El Mayáu, El Regueru, El Pueblu y Les Cabañes. Según el padrón municipal, hai en total quince viviendes, ocho d'elles habitaes. No que cinca a les fasteres, la de Los Caleyos llenda al N. coles de La Seca y La Del Agua; al E. cola d'El Valle les Fuentes; al S. col Conceyu de Mieres; y al O. cola fastera d'El Monte Muñero y col Conceyu de Llangreo.

Caleyu la Reonda, El: El que sal a El Cantu la Carba, a la izquierda de La Polaúra, visto dende baxo. Yera un atayu qu'usaben los que xubíen dende'l pueblu d'El Rezaleru.

Calices: La zona de la fastera de Co la Iglesia que va dende'l cementeriu hasta'l cruce de la carretera que tira pa La Cerezal.

Campa, La: V. Campa los Caleyos, La.
   
Campa l'Arquera, La: Nel llugar del mesmu nome, fastera d'El Monte Muñero, nel cumal que divide los valles de Santa Bárbola y Muñero. Güei ye casi inesistente; a principios d'esti sieglu yera más grande pero dempués zarráronla p'aumentar un prau.

Campa l'Artusu, La: Pasó con ella lo mesmo que cola anterior. Dende hai unos cincuenta años forma parte d'un prau. Taba ente El Picu l'Artusu y El Picu l'Arquera.

Campa'l Berizal, La: Debaxo de La Mozquita y encima de La Mayá la Señora, nel camín que va de La Encruciyá a Muñero. Tamañu medianu.
   
Campa los Caleyos, La: Na fastera de Los Caleyos, prau encima de Los Ribayones y debaxo de La Peña y de La Borná. Tamién se-y llama «El Prau la Campa» y «La Campa».

Campa Casorra, La: La que se topa nel llugar del mesmu nome a la mano riba d'EI Collaín, dientro la fastera de La Robellá.

Campa'l Cayáu, La: V. Campa'l Colláu, na fastera de La Cruz.

Campa la Ceceal, La: La que se topa nel llugar del mesmu nome, nel cumal que separa les agües de los valles de Santa Bárbola y l'aniciu del de Muñero. Ye grande y tien restos d'una ribaya que l'arrodiaba, lo que mos da a entender que d'antiguo taría zarrada.

Campa Cimera, La: Tópase nel cumal del monte, na vertical d'El Xerru'l Colladiellu, dientro la fastera d'EI Monte Muñero.

Campa'l Colláu, La: Onde ta'l repetidor de T.V. ente les fasteres d'EI Batán  y Co la Iglesia.

Campa'l Colláu, La: Pa riba de la granxa avícola, na fastera de La Cruz. Dellos llámen-y «Campa'l Cayáu».

Campa la Encruciyá, La: Co El Prau Cuetu y debaxo d'EI Picu l'Encantamientu, fastera d'El Monte Muñero. El camín que vien de La Polaúra divídese aquí en tres: ún que va pa La Campa'l Berizal, otru pa La Mozquita, y un terceru pa El Picu.

Campa Felgazo, La: La qu'hai encima d'EI Mayáu Felgazo. Ye grande y guapa con forma d'albarda. Pertenez al Conceyu de Llangreo.

Campa la Felguera, La: A la izquierda, visto dende baxo, de Les Cabañes, dempués de pasar Los Pindales, na fastera de Los Caleyos. Campa guapa con manzanilla abondo.

Campa Llabayu, La: Ente El Picu Palacio y El Picu Llabayu, nel cumal del monte, fastera de La Cerezal.

Campa Llabayu, La: Nel camín que va de La Polaúra a El Prau Matías, na lladera drecha del valle Muñero y a la izquierda, visto dende baxo, de Los Enterriegos. Ye pequeñina.

Campa la Mata, La: Na zona de La Carba la Mata, fastera de La Robellá.

Campa'l Mayáu Cimeru, La: V. Campa'l Prau Cimeru, La.

Campa'l Mayáu Curruscáu, La: Cerca del picu del mesmu nome, na fastera de La Robellá.
   
Campa Mayáu Robellá, La: Ente les fasteres de La Robellá y El Batán, debaxo de Les Campes de Medio. Ye grande y llegó a usase pa xugar a la pelota ente los rapacinos.

Campa la Mozquita, La: Ente El Cuetu la Seca y El Cuetu Cerezalona, nel cumal que divide los valles de Santa Bárbola y Muñero.

Campa'l Peralín, La: Nel lIugar del mesmu nome y debaxo de La Casorra, na fastera de La Robellá.

Campa'l Prau Cimeru, La: Lladera drecha, según les agües, del valle de La Cerezal. Ta de llau d'El Prau Arrimáu y encima d'El Rullabayu, na vertical de El Picu Llabayu.

Campa'l Prau Felguera, La: Pa riba d'EI Praón, llendando cola parroquia de Samartín, nel cumal y pa baxo de La Campa Cimera. Ye grande enforma anque últimamente ta bastante tomada polos artos y les urcies. Usóse durante munchu tiempu como campu de fútbol tanto pa los guah.es como pa los mayores.

Campa Ramirón, La: Dientro'l terreno d'EI Valle les Fuentes, la que queda a la mano riba d'El Mayáu Nuevu.

Campa'l Recuscáu, La: Lo mesmo que La Camperina.

Campa la Seca, La: Ente La Campa la Mozquita y La Campa la Ceceal, nel cumal como les otres dos. Ye pequeña y ta mui tomada poles urcies.

Campa Sotana, La: Prau enfrente de Les Argayaes, pegáu a La Teya Marcos, na lladera drecha del regueru d'EI Valle les Fuentes.

Campa les Tafurries, La: Ente El Picu Colláu Piedra y L'Ubiu, na parte izquierda de la fastera d'El Valle les Fuentes, visto de frente.

Campa'l Yanu'l Río, La: Na zona del mesmu nome, fastera de La Robellá.

Camperina, La: Tamién conocía como La Campa'l Recuscáu, queda pel ca
mín de Veró a La Campa'l Peralín, dando vista a gran parte de la parroquia. Hai poco, llantáron-y una columna d'alta tensión que-y rompió l'armonía del paisax.

Campes, Les: Na fastera d'EI Praón, finca a la mano baxo la carretera y debaxo tamién de La Llosa'l Praón y de La García.

Campes d'Enmedio, Les: Les qu'hai encima La Campa Mayáu Robellá, carba arriba, ente les fasteres de La Robellá y El Batán. Son pequeñes. Esti topónimu tamién suena «Campes de Medio».

Campeta, La: Encima de Miera y cerca de La Casuca, na llende ente les fasteres de La Cruz y La Cerezal.

Campetu, El: En El Valle les Fuentes, antigu prau, agora fechu monte, encima d'El Yanu Masera y a la mano baxo de L'Ubiu.

Campiñes, Les: Debaxo d'EI Picu Tres Conceyos, un migayu escontra la izquierda, visto dende enfrente. Son dos praos afaceraos que tienen carretera dende la parte del Conceyu de Llaviana. Tán na fastera d'EI Valle les Fuentes.

Campona, La: Prau no fondero d'El Monte Muñero, p'abaxo de L'Artusu.

Campona, La: El llugar onde ta llantada l'antena de T.V. na zona d'El Sellón, na llende ente la fastera de Los Caleyos y el Conceyu de Mieres.

Campona, La: Ente les fasteres de La Cruz y Paniceres, a la izquierda, visto dende riba, d'El Pandu.

Camporra, La: Debaxo de La Campa'l Peralín, en terrén de La Robellá.

Camporros, Los: Prau debaxo de La Güerta, ente la carretera y el camín que va de La Fuente'l Rezaleru a La Casa Nueva, na fastera de La Del Agua.

Campos, Los: Praos cerca de Los Cullús, nel valle La Cerezal.

Campu'l Colláu, El: Prau cerca de La Payega y encima de Les Vallines, na lladera izquierda, según les agües, del valle de La Cerezal.
   
Campu'l Dino, El: Prau y castañéu encima de La Fuente les Cases de Baxo, a la mano riba'l camín, que lu separa d'EI Montesín, na lladera izquierda del valle de La Cerezal.
   
Campurru, El: Na fastera de La Cerezal, a la izquierda, visto dende baxo, de La Espesura, cerca de la última casa del pueblu. Tópense na rodiada La Yana'l Payar y La Fuente Vegón.

Campurru, El: Finca cerca d'EI Llosicu, na fastera d'EI Praón.

Canal de los Rebollinos, La: V. Vallín de los Rebollinos (El Riocerezal).

Candanón, El: Prau a la izquierda, visto dende baxo d'EI Cerráu Torre, na fastera de Perabeles. Tópase a la mano riba la carretera de La Polaúra, subiendo y dempués de pasar La Curva l'Abeduriu.

Canga, La: Na fastera de La Del Agua, finca a la mano riba de La Caleya les Binaes, cerca de La Vallí Xulián, na rodiada de L'Escobal; ta debaxo de La Llosa Cima.

Canga, La: Finca de La Llosa Veró.

Canga l'Oso, La: V. «El Praúcu» (La Del Agua).

Cangal, El: Na llende ente les fasteres d'EI Batán y Co la Iglesia, castañeos y mates na lladera drecha del ríu, ente ésti y El Colláu.

Cangal de les Sayetes, El: Lo mesmo qu'el topónimu anterior.

Cangón, El: Prau cerca de La Zapatera, na fastera de Los Caleyos.

Cangón, El: Monte a la izquierda d'EI Pandiellu, visto dende riba, na lladera izquierda del valle de La Cerezal.

Cangoxa, La: Na fastera d'EI Rezaleru, finca debaxo de La Bornaíca y percima la carretera.

Cantera, La: En Perabeles, de llau de Los Nozales, a la mano baxo la caleya que va de La Fuente Rebollal a La Casuca. Hai una casa.

Cantera, La: Nel pueblu d'El Riocerezal, a la drecha, visto dende baxo, d'El Prau la Fuente, onde ta llantada la casa más alta del pueblu.

Cantera l'Escubietu, La: Na llende ente les collaciones de Santa Bárbola y Samartín, debaxo La Xerra, per onde pasa la carretera.
   
Canterona, La: Lo mesmo que La Cantera l'Escubietu.

Cantiellu, El: En El Riocerezal, güertes a la mano baxo la carretera, dempués de pasar la curva d'EI Regueru'l Riocerezal hasta que s'aporta al primer horru.

Cantiquín, El: Zona d'antiguos chamizos, debaxo El Cuetu Cerezalona, na lladera drecha, según les agües, del valle de Muñero, fastera Monte Muñero.

Cantu, El: Barriu del pueblu de Los Caleyos, al delláu la carretera, onde da la vuelta la llinia d'autobuses.
   
Cantu, El: Barriu del pueblu de Perabeles, ente La Caya y L'Argayá. Nel padrón municipal reza «El Canto» con siete viviendes, de les que tán habitaes cinco.

Cantu, El: Prau, ente los terrenos de Perabeles y El Riocerezal, tamién llamáu La Borná'l Cantu (V.).

Cantu la Del Agua, El: La llende ente les fasteres d'EI Rezaleru y La Del Agua. Tópase na caleya que sal del pueblu d'EI Rezaleru pa xubir a L'Edráu, enantes de llegar al primer regueru, nel cruce onde un ramal tira pa El Bescón (izquierda) y otru tira pa El Fontán y El Soledráu (drecha), continuando la caleya pa La Fontica.

Cantu la Carba, El: El cachu monte a la izquierda d'EI Prau la Cabaña, visto dende baxo. Per riba lIenda con El Prau Cuetu. Fastera d'EI Monte Muñero.

Cantu la Carba, El: Na fastera d'EI Riocerezal, castañéu a la izquierda, visto dende baxo, de La Mata'l Colláu Espín.

Cantu('l) Caleyu, El: El que baxa del picu que ta ente L'Ubiu y El Picu la Guarda, na fastera del Valle les Fuentes.

Cantu la Cruz, El: El que separa El Corral Nuevu de los terrenos d'EI Praón.

Cantu l'Eru, El: Ente El Rezaleru y L'Escobal, prau y castañéu a la mano baxo la carretera, onde se da vista al pueblu de L'Escobal.

Cantu l'Espineal, El: El que s'atopa ente L'Espineal y El Colladiellu, na fastera d'El Riocerezal; per riba llenda con El Xerru'l Colladiellu.
   
Cantu la Fócara, El: Encima del llugar del mesmu nome, na lladera drecha del valle de La Cerezal. Na zona per onde lu crucia la carretera, hai un sitiu onde la xente se sienta a falucar y mirar el paisax.

Cantu les Mates, El: Pueblu de Santa Bárbola, na lladera izquierda, según les agües, del so valle principal. Queda nel km. 3,5 de la carretera que xube a La Colladiella, dempués de pasar La Cochera Maruja y antes d'aportar a El Regueru, dientro la fastera d'EI Riocerezal. Nel padrón municipal apaez «Canto las Matas» con seis viviendes, habitaes les seis.

Cantu Muñón, El: Prau y picu na llende ente los Conceyos de Llangreo, Mieres y Samartín. Tamién se-y llama El Picu les Cruces. Fastera de Los Caleyos.

Cantu'l Nabal, El: Cerca y debaxo d'EI Prau Matías, na fastera d'El Monte Muñero.

Cantu'l Nabalón, El: Ente El Nabalón y La Carba la Llosona, cerca de L'Edráu.

Cantu'l Prau Reúndu, El: Onde se topa'l prau del mesmu nome, nel valle La Cerezal.

Cantu Reguerón, El: Prau que se topa ente El Pandu Cabu y La Teya Marcos, na fastera d'EI Valle les Fuentes.

Cantu'l Riocerezal, El: El que separa les fasteres de Perabeles y El Riocerezal ente La Casuca y Les Dieces.

Cantu la Valle'l Molín, El: El que separa les fasteres de Co la Iglesia y El Batán, debaxo de La Campa'l Colláu.

Cantu les Viesques, El: Prau que queda pa baxo del pueblu Veró y a la mano riba de Los Praúcos y d’El Pandu l’Abayuetu.

Cantu Xerru, El: En terrén de Perabeles, ente El Castañéu y La Llaera, onde se pue ver un xalé nomáu «Cuatro Caminos».
   
Cantu los Xiblicos, El: Na zona de Los Xiblicos, ente La Campa la Seca y La Ceceal. El nome vien del ruíu que fai l'aire al pasar pellí y xeringar les urcies y berices.

Cantulexu, El: Cachu monte debaxo de La Texera, na lladera izquierda, según les agües, del valle de Muñero, en terrén yá del Conceyu Llangreo.

Capilla, La: El nome del sitiu onde s'asitia la capiella del valle La Cerezal, nel pueblu d'El Bericiusu.

Carba, La: Cachu monte a la drecha, visto dende baxo, d'El Rullamosa, y a la mano riba d'El Pelgón, na fastera de Los Caleyos.

Carba Ambroxo, La: La que se topa a la mano drecha, visto dende riba, d'El Prau Matías, en terrén d'El Monte Muñero.

Carba'l Collaín, La: Cerca de La Campa'l Peralín y La Camporra, na fastera de La Robellá.

Carba les Galleres, La: V. Monte les Galleres, El.

Carba la Guarda, La: Tola costanera debaxo d'El Picu la Guarda ente les fasteres de Veró y d'El Valle les Fuentes. Famosa poles mines de montaña de principios y mediaos de sieglu.

Carba Llabayu, La: La de debaxo'l picu y la campa del mesmu nome, nel valle de La Cerezal.

Carba la Llosona, La: A la mano baxo la carretera de La Polaúra, xubiendo, dempués de pasar El Cantu'l Nabalón y antes d'aportar a L'Edráu.

Carba la Mata, La: La que se topa ente La Xerra'l Vegón y la parte riba d'El Mayáu Curruscáu, na fastera de La Robellá.

Carba los Nabalones, La: La que ta a la mano drecha, visto dende baxo, de La Vallina la Ceceal, na fastera de Los Caleyos.

Carbona, La: En terrén d'El Rezaleru, prau pa riba d'El Fontán y encima del camín que va a El Soledráu.

Carcabón del Pandu, El: A la mano baxo de La Llosa de la Robellá, ente ésta y El Río, na parte onde van dar los desagües del dichu pueblu.

Carcabones, Los: Na fastera de La Del Agua, ente El Cantu l'Eru y el regueru que baxa d'El Colláu Escobal.

Carcabones, Los: Na fastera de La Cerezal.

Carrancal, El: Na llende ente les fasteres de La Cruz y La Potoxa, na lladera izquierda d'El Río según les agües. Llégase per un camín que sal de La Cuesta la Estaca. Hai una casa.

Carrera, La: Un prau arrimáu debaxo de La Fuente I'Edráu, en terrén d'EI Rezaleru.

Carril, El: Una finca encima del pueblu d'El Praón.

Cas(es) de Baxo, Les: Ún de los pueblos de La Cerezal. Tópase namái pasar El Montesín, xubiendo pela carretera que vien de Co la Iglesia. Nel padrón municipal vien rexistráu como «Casas de Abajo» con dieciocho viviendes, diez d'elles habitaes.

Casa Baxo, La: Unes cuadres qu'hai enantes d'aportar al pueblu de L'Edráu viniendo de baxo pel camín o pela carretera.

Casa Cantera: Na fastera de Co la Iglesia, una casa sola, de planta y dos pisos, na oriella riba la carretera, ente la Iglesia y La Curvona, debaxo mesmo de La Granxa.

Casa Gil [xil]: Na fastera de Co la Iglesia, una casa sola, de planta y dos pisos, na oriella superior de la carretera, onde ta'l cruz nel que anicia'l ramal que va pa La Cerezal y pa La Robellá-Veró.

Casa Riba, La: Unes cuadres no cimero'l pueblu de L'Escobal.

Casa Sanvís: La que se topa debaxo de La Curva'l Cantu les Mates y encima d'El Molín. Agora ta abandonada.

Casanueva, La: Pueblu de la collación de Santa Bárbola, na lladera izquierda, según les agües, del so valle principal, dientro la fastera de La del Agua. Tópase nel km. 5,8 de la carretera que xube a La Colladiella, dempués de pasar El Rezaleru y antes d'aportar a El Colláu Escobal. Cunta con once viviendes.

Casarón, El: Una parte del pueblu de Perabeles, ente El Prau Llamargu y La Güerta la Caya.

Cascayal, El: A la mano riba de La Bortica y de Les Ablanarines, na rodiada de Les Argayaes.

Cascayu, El: Na fastera de La Del Agua, les cases que se topen ente La Cabornia y Les Argayaes, na caleya que vien de L'Escobal.

Cascayu, El: Praos pa riba de Los Fontanes, na rodiada de La Espesura. Valle de La Cerezal.

Cases de Riba, Les: Les más altes del pueblu de La Robellá, nel estremu de la izquierda, visto dende enfrente.
   
Casiquina, La: Encima d'EI Castañéu la Lloseta y a la izquierda de La Bilortera, visto dende baxo, na fastera d'EI Riocerezal. Antiguamente hubo allí una casa.
   
Casorra, La: Debaxo El Picu Mayáu Curruscáu, en terrén de La Robellá. Hubo allí casa y «borná» a la mano tras de la mesma. Agora tovía se pue notar la ribaya que zarraba la «borná».
   
Castañéu, El: Prau encima de La Fuente la Riega'l Turnu y a la izquierda, visto dende baxo, del regueru que vien de La Valli Tenobia. Fastera de Perabeles.

Castañéu Antonón, El: Prau y castañéu debaxo d'EI Picu Mayáu Robellá, na fastera d'El Batán.

Castañéu Baxo, El: Debaxo de La Poza, pegao yá al ríu na fastera d'El Rezaleru.

Castañéu del Cantu, El: En terrén d'El Riocerezal, el castañéu que va dende El Regueru hasta La Curva'l Cantu'l Riocerezal.

Castañéu Filomena, El: Dientro del pueblu Perabeles, el que se topa ente La Regüelta la Casuca, perriba, y El Xuegu los Bolos, per baxo.

Castañéu les Fontines, El: El que ta nel llugar del mesmu nome, a la izquierda, visto dende baxo, d'El Cerráu, na fastera d'El Batán.

Castañéu Gelo [xélo], El: Nos terrenos d'El Rezaleru, cerca d'El Cantu La Del Agua, el castañéu que se topa a la mano baxo de la caleya que lu separa d'EI Payegu.

Castañéu de la Lloseta, El: Na fastera d'El Riocerezal, el que se ve na zona alta de La Lloseta y debaxo de La Casiquina.

Castañéu (In) Siertu, El: Na fastera La Del Agua, el que se topa a la izquierda d'El Prau Peñán y a la drecha de La Casa Nueva, visto dende enfrente.

Castañéu'l Nabalín, El: Onde anicia la fastera de Los Caleyos, dempués de pasar Solavega, na llende con El Valle les Fuentes y La Del Agua.

Castañéu la Paré, El: A la izquierda, visto dende baxo, d'El Rullamosa, dellau de La Polea y debaxo d'EI Besquetín, na fastera de Los Caleyos.

Castañéu de la Vallina'l Trabe, El: Nel llugar del mesmu nome, ente El Praúcu Baxo y El Falcón, p'abaxo'l pueblu Veró y escontra La Robellá.

Casuca, La: Ún de los barrios del pueblu de Perabeles, na so parte alta y a la mano drecha de Les Caecima, visto dende baxo. Nel padrón municipal apaez como entidá de población formada por siete viviendes, de les que cuatro tán habitaes.

Casuca, La: Na fastera de La Cruz, dos cases, una más pa riba que la otra, a la izquierda de La Nespral, visto dende baxo.

Casuca, La: Unes cuadres qu'hai enriba mesmo de La Pezuca, en El Rezaleru.

Casuques, Les: Una de les finques de La Llosa Veró.

Caya, La: Ún de los barrios del pueblu de Perabeles, ente El Casarón y El Cantu. Apaez nel padrón municipal como entidá diseminada de población con cinco viviendes, de les que tán habitaes cuatro.

Cayáu, El: Cerca de La Corriona, ente les fasteres d'El Praón y La Cruz.

Cebales, Les: Nel valle de La Cerezal, praos cerca de La Borná Tomasín.

Ceceal, La: El cachu monte a la izquierda de Los Xiblicos, visto dende baxo. Nel cumal llenda cola fastera de Muñero, siendo ahí onde se puen ver los restos de la ribaya que mos da a entender que fo trabayao antiguamente.

Cerezal, La: Valle de la parroquia de Santa Bárbola, el mayor de tolos secundarios, que se xunta al principal pela mano drecha, según les agües, nel pueblu de La Cruz. Nun hai pueblu dalgún que se denomine La Cerezal, siendo esti nome'l que val p'axuntar a tolos que se topen nesti valle: La Gallega, El Montesín, Les Cases de Baxo, La Teyera, La Riega, El Bericiusu, L'Azorea, El Costayu, La Espesura, Los Pedrazos, La Fócara, La Nespral, El Socavón... Toos ellos, quitando los dos caberos, fueron dependientes, no relixoso, de la parroquia de Blimea, hasta que nos años cincuenta d'esti sieglu, pasaron a Santa Bárbola, a la que correspuenden naturalmente no xeográfico. Les llendes de La Cerezal como fastera son: al N. la fastera de La Cruz y la parroquia de Blimea; al E. esta mesma parroquia y el Conceyu de Llaviana; al S. tamién el Conceyu de Llaviana; y al O. les fasteres de Veró, La Robellá, El Batán, Co la Iglesia y La Potoxa.

Cerezaleta, La: Nel terrén de Veró, prau a la mano baxo de La Campa Tretu.

Cerezaletes, Les: Prau na zona alta del valle de La Cerezal, llendando yá cola fastera Veró.

Cerezalines, Les: Prau cerca de L’Azorea, na lladera izquierda, según les agües del terrén de La Cerezal.

Cerezalines, Les: Na fastera d'El Praón, unos castañeos pa riba y a la drecha de La Minuca, visto dende baxo.

Cerezalona, La: En terrén de Co la Iglesia, finca a la drecha, visto dende baxo, de La Granxa, llendando per baxo y per riba cola carretera.

Cerezu, El: Nel pueblu Perabeles, güerta pequeña, al delláu'l camín, ente El Sofontán y La Vallina.

Cerramén, El: Los praos de debaxo mesmo de La Capilla, na zona de El Bericiusu, valle de La Cerezal.
   
Cerramén, El: En terrén de Perabeles, una güerta llana ente El Vallín y El Fonticu l'Argayón, a la mano riba'l camín que va d'El Calerón a La Valli Milaños.

Cerraón, El: Cerca de Los Payegones, na fastera d'El Batán.

Cerráu, El: Dientro, yá, de la collación de Samartín, prau na lladera drecha d'El Río, ente L'Escubietu y Miera Medio, que se topen na lladera la manzorga.

Cerráu, El: En terrén d'El Batán, prau a la mano riba d'EI Batán y a la izquierda de Les Llamargues, visto dende enfrente.

Cerráu, El: Na fastera del valle de La Cerezal, un prau delláu d'El Campu'l Colláu.

Cerráu, El: Prau debaxo y a la mano drecha, visto dende riba, de La Payega, na fastera d'El Riocerezal.

Cerráu Arnesta, El: V. Mata Arnesta, La.

Cerráu Milio, El: V. Mata Milio, La.

Cerráu Torre, El: Prau na rodiada de La Vallina l'Edráu, que, visto dende baxo, queda a la mano drecha d'El Candanón ya la izquierda de La Mata Milio, dientro la fastera de Perabeles.

Co la Fuente: Güerta de Perabeles que crucia la carretera y que se topa debaxo d'El Xuegu los Bolos y a la izquierda de L’Eru'l Peral, visto dende riba.

Co la Iglesia: Una de les fasteres de Santa Bárbola, onde s'asitia la ilesia parroquial de la mesma. Tópense dientro d'ella llugares como El Fresneal, La Predrera, La Chabola, La Nieta, El Llagar, La Granxa y El Molín. Toos ellos, quitando esti caberu, apaecen oficialmente nel padrón municipal como «Santa Bárbara» con trenta y siete viviendes, de les que tán habitaes ventitrés. La fastera de Co la Iglesia llenda al N. con La Potoxa; al E. con La Cerezal; al S. con El Batán; y al O. con Perabeles, El Riocerezal y El Praón.

Cochera Maruja [marúxa], La: La curva de la carretera d'onde sal el ramal que tira pa El Praón y Llabayos; queda ente les de La Curvona y la d'El Cantu les Mates.

Cocines Glories, Les: Zona de la carretera ente El Cantu l'Eru y la escuela del pueblu de L'Escobal.

Colladiellu, El: Prau pa baxo d'EI Picu l'Arquera, na lladera drecha, según les agües, del valle de Muñero.
   
Colladiellu, El: Na fastera d'El Riocerezal, prau encima d'El Colláu Espín. Aquí ye onde anicia La Canal de los Rebollinos, que va a dar a El Regueru'l Riocerezal.

Collaín, El: Finca debaxo de La Casa Cima y cerca de La Bolguera, na fastera de La Del Agua.

Collaín, El: Praos cerca d'El Peralín y debaxo de El Picu'l Mayáu Curruscáu, onde anicia la pista pa El Prau Soldáu. Fastera de La Robellá.

Colláu, El: Prau allargáu en vertical que se topa debaxo mesmo de La Campa'l Colláu, na llende ente les fasteres d'El Batán y Co la Iglesia.

Colláu, El: Praos y castañeos pa riba un poco de La Casuca, na llende ente los terrenos de Perabeles y El Riocerezal.

Colláu Escobal, El: Pueblu de Santa Bárbola, na lladera izquierda, según les agües, del so valle principal, dientro la fastera de La del Agua. Tópase nel km. 5,9 de la carretera que xube a La Colladiella, dempués de pasar La Casanueva y antes d'aportar a La Casacima. Cunta con venti viviendes. Oficialmente apaez como «El Collado Escobal».

Colláu Espín, El: Na fastera d'El Riocerezal, prau a la mano riba d'El Colláu Flecha y debaxo d'El Colladiellu.

Colláu Flecha, El: Encima de La Cuerria'l Trapón y de La Payega, en El Riocerezal.
   
Colláu Fonderu, El: Na parte la fastera Los Caleyos que llenda con El Valle les Fuentes, el que se topa pa riba L'Ablanéu y a la mano baxo d'El Naréu.

Collica, La: Prau cerca d'El Prau la Pará, na fastera de Los Caleyos.

Compra, La: Una de les estayes dientro La Llosa Veró.

Conforcales, Los: La zona per onde pasa'l regueru del mesmu nome, na fastera d'El Riocerezal.

Cordal, El: Los montes que zarren pel oeste el valle de La Cerezal, ente El Picu Focal y La Xerra Vegón. Nesta fastera ye popular un refrán que diz: «La nube pel Cordal, corderinos pal corral; la nube per La Peña, corderinos riivos d'ella».

Cordedera, La: Prau, na fastera de La Del Agua, a unos 200 m. del pueblu de Les Argayaes, a la mano baxo de la caleya que va a Solavega.

Cordedera, La: Ente Los Ribayones, per riba, y La Praería de la Mayá, per baxo, na fastera de Los Caleyos.

Cordedera, La: Finca nel pueblu de Perabeles nel vallín que forma La Reguera la Pieza ente La Yana Perabeles y La Llosa'l Valle.

Cordedera, La: Un prau a la drecha de Los Payegones, visto dende riba, na zona fondera d'El Praón.

Corderea, La: Tamién se pue oyer asina «La Cordedera» de Les Argayaes. (Vid).

Coronica, La: A la mano riba de La Felguera, na fastera de Los Caleyos. Hubo aquí una teyera.

Corrá, La: Una de les partes del pueblu de Perabeles, na oriella izquierda, según les agües, de La Reguera la Pieza. Hai una panera mui bien conservada con dibuxos xeométricos nes sos puertes.

Corral del Bayuetu, El: Les primeres cases del pueblu de Veró, llegando dende La Robellá. Tamién val pa referise a tol pueblu de Veró. Nel padrón municipal apaecen por separao. Oficialmente «Corral de Bayueto» cunta namás que con dos viviendes, les dos deshabitaes.

Corral Nuevu, El: Garapiellu cases a la drecha d'El Corralón y a la izquierda d'El Praón, visto dende enfrente. Fastera d'El Riocerezal anque na llende cola d'El Praón.

Corralón, El: Pueblu de la fastera d'El Riocerezal, encima mesmo d'El Cantu les Mates. Hai una escuela con un aula de preescolar y ciclu d'aniciu
pa los rapacinos de Co la Iglesia, El Riocerezal y Perabeles. Nel padrón
municipal apaez con ventidós viviendes, trece d'elles habitaes.

Corralón, El: La casa más alta del pueblu de Perabeles, pa riba de Les Caecima.

Corriona, La: Castañéu debaxo de La Llosa la Fuente, na fastera d'El Praón,
y encima mesmo de La Fuente'l Cayáu.

Cortorial, El: Prau pa riba de La Payegona, nel valle de La Cerezal.

Corvatos, Los: El llugar onde ta'l cementeriu de la collación, na zona de Calices, fastera de Co la Iglesia.

Costayu, El: Pueblu del valle La Cerezal, escontra baxo y a la mano drecha de L'Azorea, visto dende enfrente. Nel padrón municipal vien «El Costayo» con once viviendes, deshabitaes toes elles.

Costona, La: El cachu monte encima d'onde naz El Regueru'l Pontón, na zona alta de la fastera d'El Riocerezal.

Cota'l Rebollusu, La: Castañéu enriba mesmo de la escuela d'El Corralón, no arrimao, y tamién el cachu prau onde el terrén enllana. El Riocerezal.

Cotaraxu, El: Prau na zona de La Xerra los Cotaraxos, ente les fasteres d'El Valle les Fuentes y Los Caleyos.

Cotaraxu, El: Prau del valle de La Cerezal, na so lladera drecha, según el correr del agua.

Cotaraxu, El: Na llende ente los terrenos d'El Praón y El Riocerezal, pa riba d'El Corral Nuevu. Hai una casa y un horru.

Covaracha, La: Un prau nel vallín d'El Cuscáu, ente La Robellá y Veró.

Cruz, La: Pueblu de la parroquia de Santa Bárbola, nel km. 2 de la carretera Sotrondio - Los Caleyos. Nel padrón municipal apaez con cuarenta y nueve viviendes, habitaes cuarenta d'elles. Como fastera abarca tamién los núcleos de La Estaca, Miera, La Nespral, La Restinga y El Socavón. Tien llendes coles de Paniceres, La Cerezal, La Potoxa y El Praón. Asina mesmo llenda pel E. cola parroquia de Blimea y pel O. cola de Samartín.

Cruces, Les: Un prau a la izquierda, visto dende enfrente, d'El Praascón, na fastera de Los Caleyos.

Cuarteles, Los: Nel pueblu de La Cruz, bloque de viviendes iguaes pa los mineros, na oriella drecha del ríu, debaxo mesmo de Miera.

Cubu, El: Na fastera d'El Riocerezal, ente El Cantu la Carba y El Vallín de los Rebollinos, a la mano baxo de la mata L'Espín.

Cuerria Marica, La: Na fastera de Veró, prau ente El Pandu l' Abayuetu, perriba, y El Río per baxo.

Cuerria'l Trapón, La: Un castañéu a la mano riba del pueblu d'El Riocerezal, debaxo y a la drecha, visto dende enfrente, d'El Cubu.

Cuerries de Piedra, Les: Prau baxo'l camín ente El Cantu y L'Argayá, en terrén de Perabeles. Foi castañéu hasta hai unos 29 años y había dientro d'él dos cuerries na so parte más llana.

Cuesta, La: Una estaya grande na fastera d'El Rezaleru a la mano baxo la carretera que la separa d'El Barreru. Llenda con La María García pel lladral de Perabeles.

Cuesta la Estaca, La: Na carretera nel llugar del mesmu nome, ente les fasteres de La Cruz y La Potoxa.

Cuesta l'Hincháu, La: La primer cuesta de la carretera de Santa Bárbola, al poco de salir d'El Pontón en terrén de la parroquia de Samartín.

Cuesta la Iglesia, La: La que tien la carretera principal de la parroquia, enforma arrimada, ente Casa Gil y La Curvona. Xubiendo per ella, a la drecha llevántase la ilesia de la collación.

Cuesta'l Nabalón, La: La que tien la carretera de La Polaúra na zona del mesmu nome, na parte alta de la fastera de Perabeles.

Cueta, La: Una estaya de La Llosa'l Riocerezal, encima de L'Eru'l Río.

Cueta Veró, La: Na fastera de Veró, cerca de Los Grilleros.

Cuetu Cerezalona, El: El que se topa nel cumal, na llende ente les fasteres de La Seca y El Monte Muñero, ente La Campa la Mozquita y La Campa la Seca. Hai un prau dividíu en dos estayes.

Cuetu Cerezalones, El: Lo mesmo que l'anterior.

Cuetu Formigueru, El: Prau d'El Valle les Fuentes na zona de Los Formigueros.

Cuetu Quemáu, El: Ente La Curva'l Tendeyón y El Nabalón pela carretera de La Polaúra. Hai un prau con una cuadra pequeña.

Cuetu la Seca, El: El que se topa ente La Campa la Mozquita y La Campa la Encruciyá, na llende ente los terrenos de La Seca y El Monte Muñero.

Cueva'l Rebollón, La: Prau cerca de La Payega, na fastera de La Robellá.

Culláu Espín, El: Nel valle de La Cerezal, a la mano riba d'El Costayu, na llende colos terrenos de Co la Iglesia. Hai un prau. Tamién-y dicen El Cullú Espín.

Cullús, Los: Praos del valle La Cerezal, pa baxo d'El Pandiellu y cerca de La Vega.

Curruscáu, El: Al poco d'entamar la pista que va a El Prau Soldáu, ente La Robellá y Veró.

Curuxíes, Les: Castañéu de la lladera izquierda del valle La Cerezal, a la mano drecha d'El Montesín, visto dende baxo.
   
Curva l'Abeduriu, La: Primer nome de La Curva'l Soledráu, na carretera La Polaúra. Cuando se fexo ésta nel añu 1970, el maquinista yera gallegu, siendo él el primeru que la bautizó al cuntar a los vecinos que tuviera trabayando un día enteru «allá onde la curva l'abedorio»; polo visto yera l'árbol el culpable de lo malamañoso que taba'l trabayar allí. La espresión gallega quedó de rechifla unos cuantos años; dempués acabó por asturianizase'l nome de la curva. Della xente entá la sigue llamando «Curva del Abedorio». Tamién se llama La Regüelta l'Abeduriu.

Curva l'Edráu, La: La que fai la carretera de La Polaúra, de 180°, cerca del pueblu de L'Edráu. Debaxo de la curva tópase El Prau Solhorro. Tamién se llama La Regüelta l'Edráu.

Curva'l Nabalón de Riba, La: La que topamos a continuación de l'anterior, xubiendo, tamién de 180°. Poro, tamién se llama La Regüelta'l Nabalón de Riba.

Curva'l Soledráu, La: La que fai la carretera de La Polaúra na zona d'El Soledráu, de 180°. Tamién se-y llama La Curva l'Abeduriu. (Vid). Tamién La Regüelta'l Soledráu.

Curva'l Tendeyón, La: La que fai la carretera de La Polaúra, de 180°, ente la de L'Edráu y la d'El Soledráu. Poro, tamién se llama La Regüelta'l Tendeyón.
   
Curves del Escubietu, Les: Tres curves pequeñes qu'hai nel llugar del mesmu nome, nel km. 1 de la carretera, en terrén de la parroquia de Samartín.

Curvona, La: Curva de 180° que se topa debaxo d'El Cantu les Mates y encima d'El Molín, fastera de Co la Iglesia.

Chabola, La: En terrén de Co la Iglesia, dientro de la zona de La Nieta, el llugar onde se topaben, antiguamente, la panadería y, más reciente, la cartería.

Charcón, El: Prau con una llana que ta detrás d'El Molín de Salvadora, na fastera de La Robellá.

Debaxo Casa: Una estaya d'El Rezaleru que ta debaxo casa de Carola y a la drecha, según les agües, d'El Güertu (de Julia).

Del Agua, La: Nome d'una fastera de la parroquia que llenda coles d'El Rezaleru (N.), La Seca (O.), Los Caleyos (S.), El Valle les Fuentes (S.E.) y Veró (E.). Dientro d'ella tenemos les entidaes de La Casa Cima, La Casa Nueva, El Colláu Escobal, L'Escobal, La Paré, La Seca l'Agua y La Vallica l'Agua. Esta fastera ye especialmente abondosa en regueros, lo contrario de La Seca cola que llenda pela mano riba.

Dieces, Les: Na fastera d'El Riocerezal, los castañeos que se topen a la mano riba la carretera, ente El Cantu'l Riocerezal y La Reguerina'l Colláu.
   
Edráu, L’: El pueblu más altu de la parroquia, cerca de La Polaúra. El padrón municipal de 1986 reza «El Edrado» con tres viviendes vacíes y una habitada.

Encruciyá, La: Prau cerca de la campa del mesmu nome, en terrén del Monte Muñero. Tópase encima de Los Enterriegos y debaxo El Picu l'Encantamientu.

Ente los Regueros: Debaxo d'El Pandu les Cruces, nuna zona onde se xunten los regueros, na parte fondera de Los Caleyos.

Enterriegos, Los: Tres praos de la fastera d'El Monte Muñero, a la mano baxo de La Encruciyá y de El Cuetu la Seca. Riéguense coles agües que vienen d'El Vallín de los Enterriegos, de La Fuente los Enterriegos y de La Fuente'l Berizal.

Enterríos Sereales, Los: Onde se xunten dos regueros pa riba d'El Molín de Bárbola, nel valle de La Cerezal.

Enverniz, La: A la drecha de Les Vallines, visto dende baxo, y cerca de La Vega, na fastera de La Cerezal. Tamién se-y llama La Enverniz de la Vega.

Eru, L': Lo mesmo que L'Eru la Cabaña.

Eru, L': Una estaya de La Llosa'l Riocerezal, ente'l senderín y el regueru, encima de La Cueta y debaxo mesmo del pueblu.

Eru Baxo, L': La parte fondera de La Llosa'l Valle, en Perabeles.

Eru Baxo, L': Una estaya dientro la llosa del pueblu de Los Caleyos.

Eru la Cabaña, L': Otra estaya dientro de la llosa del pueblu de Los Caleyos.

Eru'l Peral, L': En Perabeles, les güertes qu'hai ente La Fuente'l Peral y El Pueblu, a la mano riba la carretera. Tópense allí tres cases.

Eru la Portiella, L': A lo fondero de la llosa de Los Caleyos, cerca de La Pezuca.

Eru'l Regueru, L': Nel vallín del Cuscáu, ente La Robellá y Veró.

Eru Riba, L': La parte cimera de La Llosa'l Valle, en Perabeles.

Eru Riba, L': Nel pueblu de Perabeles, les tierres de debaxo La Llosa la Casuca y encima d'El Sofontán. Llenda pela izquierda, visto dende baxo, con La Reguera la Pieza.

Eru'l Río, L': De los dos vallinos qu'hai ente los pueblos de La Robellá y Veró, el más averáu a La Robellá.

Eru'l Río, L': Enriba El Prau Portiella, en La Llosa'l Riocerezal, ente'l caminín y el regueru.

Erucu, L': Una estaya dientro de la llosa del pueblu de Los Caleyos.

Escobal, L': Un de los pueblos de la parroquia, na fastera de La Del Agua, debaxo d'El Colláu Escobal. Nel padrón municipal vien «El Escobal» con ventiocho viviendes, habitaes trece d'elles.

Escubietu, L': Ente Miera Medio y La Xerra, de llau del ríu, en terrén de la parroquia Samartín.
   
Espesura, La: Pueblu de la parroquia, na fastera de La Cerezal, cerca y a la izquierda d'El Bericiusu, visto dende enfrente. Apaez nel padrón municipal con venticinco viviendes, de les que tán habitaes quince.

Espesuru, L': Na fastera de La Del Agua, cerca de la llende cola de Los Caleyos; llámase asina lo que ta a la izquierda de Tres el Pandu, visto dende baxo, a la mano riba del camín que va a La Payegona. Hai allí un prau mui arrimáu, llamáu El Praúcu o La Canga l'Oso.

Espineal, L': Na fastera d'El Batán, castañeos al delláu d'El Xerru la Cueva, a la mano drecha d'El Regueru Castiellu, visto dende enfrente, y debaxo del camín que va a La Campa'l Colláu.

Espineal, L': Prau onde anicia El Regueru'l Pontón, na zona alta d'El Riocerezal.

Espineres, Les: A la mano riba de la carretera, nel vallín d'El Cuscáu, fastera de Veró.

Estaca, La: Lo último de la fastera de La Cruz, al llau del río, enantes d'aportar a la de La Potoxa. Nel padrón municipal apaez con una vivienda vacía o de temporada.

Estayona, La: Nel valle de La Cerezal, ente Los Praales y L'Azorea.

Estrellaúriu, L': Na lladera drecha de La Cerezal, praos debaxo d'El Picu Llabayu y encima y a la izquierda de Les Vallines.

Estrencha, La: Prau ente El Marquesón y La Cantera, debaxo mesmo de La Fuente'l Rebollal, en Perabeles.

Faéu, El: Ente La Vega y Los Praones, na rodiada d'El Yanu Faéu, fastera de La Cerezal.

Falcón, El: Tol castañéu de la parte cimera d'El Vallín del Cuscáu, en Veró.

Fayarosa, La: La zona alta ente La Carba la Guarda y El Picu Tres Conceyos, na fastera d'El Valle les Fuentes. Hai dalgunos fayeos pequeños.

Fayéu la Vara, El: El que se topa na zona de La Vara, valle de La Cerezal.

Felguera, La: Cerca de La Campa la Felguera, en terrén de Los Caleyos.

Felguerón, El: Praos debaxo de La Cabaña, na lladera de la drecha, según les agües del valle de La Cerezal, ente L'Acebal d'Enmedio y La Borná Tomasín.

Felguerones, Los: Lo mesmo que l'anterior.

Finlandia: Prau debaxo del pueblu de Veró y enfrente de Les Argayaes. Zarrólu Maro les Argayaes y bautizólu él d'esa manera.

Focales, Los: Praos del valle La Cerezal, na so lladera izquierda, según les agües, na zona d'El Picu Focal.

Fócara, La: Na lladera drecha del valle de La Cerezal, ente La Nespral y Los Pedrazos. Hai unes cases deshabitaes.

Folguerón, El: Vid. El Felguerón.

Follerón, El: Prau de la fastera Veró a la izquierda d'El Pandu Cabu, visto de frente. Siempre había nel camín munchu barru, hasta que s'empedró hai unes décades.

Follerón de la Caya, El: En Perabeles, el llugar onde anicia la carretera de La Polaúra.

Fondoná, La: Pa baxo de La Cabornia, na rodiada de L'Escobal. Ente esti llugar y El Prau Escobal, taba El Molín del Escobal.

Fontán, El: Una mata encima de La Casuca, en terrén d'El Rezaleru.

Fontanes, Los: Unos praos debaxo mesmo de Les Cas(es) de Baxo, na lladera de la izquierda del valle de La Cerezal.

Fontanes, Los: El terrén que ta enriba mesmo del pueblu de La Espesura.

Fontanones, Los: Prau debaxo d’ El Picu l'Artusu, na lladera del valle de Muñero. No fondero, xunto al camín, sal La Fuente los Fontanones.

Fontica, La: Na fastera de La Robellá, mata a la mano baxo de la Campa Mayáu Robellá. Puen vese dellos ocalitos.

Fontica, La: Na fastera de El Riocerezal, un prau ente El Cotaraxu y El Corralón. Allí sal la fonte del mesmu nome.

Fontica, La: La fonte que sal nel llugar anterior.

Fontica, La: Na llende ente El Rezaleru y La Del Agua, onde hai unos fontanes pal ganáu, na caleya que xube a L'Edráu. Ta cerca d'El Payegón.
   
Fonticu, El: Bebederu pal ganáu, na caleya'l pueblu L'Escobal, debaxo mesmo d'El Fuyu.

Fonticu l'Argayón, El: Na zona de La Valli Milaños, na llende ente les fasteres de Perabeles y El Rezaleru. Ye una fontina que cuerre mui poco pero que nunca se seca.

Fontines, Les: Detrás de La Fuente de Crez y Mengua, onde ta'l depósitu del agua que va pa La Cruz, nel pueblu d'El Batán.

Fontines, Les: Prau debaxo de La Rozá, na fastera de Los Caleyos.

Fontines, Les: Prau cerca de La Borná, en terrén de La Robellá.

Fontiques, Les: Prau cerca de la Borná, en terrén de La Robellá.

Fontona, La: Fonte que sal a la izquierda d'El Regueru la Granxa, según les agües, enfrente mesmo de La Fuente'l Fierro, na llende ente les fasteres de Los Caleyos y La Del Agua.

Fontona, La: La fonte que sal en El Prau la Fiesta, na fastera de Co la Iglesia.   Cuerre muncho, naciendo a ras del suelu en llano. Na so agua enfriábase la bebida de los chigres mientres duraba la Fiesta'l Pote.

Fontona, La: La fonte qu'hai nel camín ente L'Escobal y Les Argayaes. Los paisanos antiguos cuntaben que taba comunicada col Río Muñero pues si s'echaba ponxa nesti ríu al otru día salía per La Fontona.

Fontona, La: Prau encima d'El Bescón y a la izquierda, según les agües, del regueru que baxa de La Polaúra. Fastera de La Del Agua.

Formigueros, Los: Cinco o seis praos arrimaos d'El Valle les Fuentes, na so lladera izquierda según les agües.

Formigueru, El: Caúna de les estayes de Los Formigueros, dientro d'El Valle les Fuentes.

Forniella, La: Dos praos debaxo de La Peñona, na zona alta de la fastera d'El Riocerezal.

Foxacón, El: Prau cerca del pueblu de Los Caleyos.

Foxacones, Los: Debaxo mesmo del pueblu de L'Azorea, nel valle de La Cerezal.

Frera, La: Una estaya dientro La Llosa L'Escobal.

Fresneal, El: Les cases que se topen ente El Prau la Fiesta y La Potoxa, a la mano baxo de la carretera. Fastera de Co la Iglesia.

Fuente L'Acebu, La: La que sal en El Bescón del Acebu, en terrén d'El Valle les Fuentes.
   
Fuente Agosta, La: Esta fonte surde pa baxo de La Casa Nueva, a la mano riba de la carretera que va d'El Rezaleru a L'Escobal. L'agua ta coyío pa L'Escobal.

Fuente l'Arquera, La: Fastera d'El Monte Muñero. Sal nel monte, debaxo d'El Picu l'Arquera, aniciándose nella El Vallín de los Mayaones. Cuerre mui poco.

Fuente l'Azorea, La: Na rodiada del pueblu de L'Azorea, valle de La Cerezal. Corría muncho pero lleváronla les mines.

Fuente Benitón, La: Na fastera de La Del Agua, la que sal en La Payeguina, a la mano baxo d'El Bescón.
   
Fuente'l Berizal, La: La que sal cerca de La Campa'l Berizal, en terrén d'El Monte Muñero. El so agua llévase a vegaes per una presa a regar el prau de los Enterriegos.

Fuente'l Bescón, La: Sal en El Bescón de Ludevina o Bescón de Riba, na fastera d'El Valle les Fuentes.

Fuente la Borná Xandrín, La: Nel llugar del mesmu nome. Lleváronla les mines a mediaos d'esti sieglu.

Fuente'l Caleru, La: Surde a la mano riba d'El Prau Caleru, cerca d'El Prau Valle, na fastera de Co la Iglesia.

Fuente la Caleya, La: Naz a la oriella la carretera ente Les Caecima y La Casuca. Hai un bebederu pal ganáu y l'agua va a dar a La Reguera la Pieza. Dende hai unos años gárrase lo sobrante y per una tubería baxa hasta los bebederos d'El Sofontán.

Fuente la Caleya, La: Tamién se llamaba asina la qu'antiguamente salía na caleya que diba dende La Corrá hasta La Caya, nel pueblu de Perabeles.
   
Fuente la Campa, La: Surde a la mano baxo la carretera ente El Corralón y La Fuente'l Rebollal, na parte alta de Perabeles. Nel iviernu de 1980 garróse-y l'agua pa llevalo al cercanu depósitu d'El Marquesón.

Fuente'l Campón, La: Otru nome de La Fuente la Faya, en El Valle les Fuentes.

Fuente'l Cangón, La: Nel llugar del mesmu nome, lladera izquierda del valle de la Cerezal. Cuerre perpoco.

Fuente'l Cantu, La: Cerca del pueblu de L'Azorea, en La Cerezal. Lleváronla les mines a mediaos d'esti sieglu.

Fuente les Cas(es) de Baxo, La: Naz debaxo mesmo de El Campu'l Dino, cerca de la carretera, ente los pueblos de Les Cas(es) de Baxo y El Montesín.

Fuente'l Castañéu, La: Sal nel llugar del mesmu nome, na caleya que va dende El Cantu Xerru a La Valli Tenobia, fastera de Perabeles. Ye agua fino, de pizarru, polo que ye más apreciada que la de la Valli Tenobia, un poco más arriba.

Fuente'l Cayáu, La: Debaxo mesmo de la Corriona sal esta fonte, na fastera d'El Praón cerca la llende con la de La Cruz.

Fuente Cerezal de Picu, La: La que surde en El Nabal del Cuxu, dientro'l terrén de la Robellá.
   
Fuente'l Cerráu, La: Al delláu d'El Cerráu Arnesta, a la izquierda, según les agües, del regueru de la Riega'l Turnu. A mediaos de la década de los 80 garróse-y l'agua pal depósitu nuevu de Perabeles, en El Marquesón.

Fuente los Cirigüeyalinos, La: Salía esta fonte pa riba un poco y a la izquierda de la Fuente'l Rebollal. Fo la primera que se garró pa baxala per una tubería hasta el llavaderu de La Reguera la Pieza, en Perabeles. Agora va al depósitu d'El Marquesón.

Fuente'l Colláu, La: Naz en El Colláu, cerca la llende con Perabeles, anque dientro del terrén d'El Riocerezal. Nella ye onde anicia La Reguerina'l Colláu.

Fuente'l Cortorial, La: Sal nel llugar del mesmu nome, na lladera izquierda del valle de La Cerezal.

Fuente de Crez y Mengua, La: La más cercana al pueblu d'El Batán. Cuerre muncho, anque hai vegaes en que mengua ensin más nin más y de secute hasta secase, entamando dempués a crecer y tornar otra vegada a char con normalidá. Dellos creen que ye'l mar el causante d'estos fechos.

Fuente'l Cuetu Formigueru, La: Naz nel prau del mesmu nome, na zona de Los Formigueros, terrén d'El Valle les Fuentes.
   
Fuente'l Edráu, La: Xubiendo per El Caleyón, dende El Rezaleru a L'Edráu, tópase esta fonte un poco enantes d'aportar al pueblu de L'Edráu. Tien un llavaderu y una pila pal ganáu. Cuerre poco.

Fuente los Enterriegos, La: Sal no cimero'l prau del mesmu nome (el de Clemen). Ye agua fino, de pizarru, y mui frío, polo que pasa por ser la más apreciada de toles qu'hai na rodiada de La Polaúra.

Fuente los Enterríos Sereales, La: Na zona del mesmu nome, nel valle de La Cerezal.
   
Fuente la Enverniz, La: Na zona del mesmu nome, cerca del regueru. Antes salía a la mano riba'l regueru pero agora pasáronla a la mano baxo y l'agua yá nun ta tan frío. Lladera drecha del valle de La Cerezal.

Fuente la Escudiella, La: La que se topa debaxo mesmo de La Xerra'l Regáu, al pie del camín. Fastera d'El Monte Muñero.

Fuente la Espesura, La: La que sal nel pueblu del mesmu nome, en La Cerezal. Hai allí un llavaderu públicu que yá nun s'emplega.

Fuente la Espesura, La: Sal a la mano drecha, visto dende baxo, d'El Regueru la Granxa, y a la mano riba de L'Espesuru, na fastera de La Del Agua. Tien un llavaderu públicu, agora abandonáu. Allí llavaben les moces de La Seca l'Agua y yera mui renomáu ente los mozos n'edá de cortexar. Había una copla mui conocida que dicía: «Fuente la Espesura, quién te paseara, en algunos tiempos pe La Seca l'Agua».

Fuente la Faya, La: Un prau debaxo de La Llosa'l Cantu de Baxo, na fastera de Los Caleyos.
   
Fuente la Faya, La: Esta fonte naz debaxo una faya, na zona ente Les Xanes y El Picu los Cotaraxos, en El Valle les Fuentes. Tamién-y llamen algunos La Fuente'l Campón.
   
Fuente'l Fierro, La: Sal na oriella drecha, según les agües, d'El Regueru la Granxa, debaxo de La Payegona, na fastera de Los Caleyos. Ye d'agua amargo pero melecinoso.
   
Fuente'l Fierro, La: Surde a lo fondero d'El Prau Regueru, pa riba d'El Prau Matías, na fastera d'El Monte Muñero. Ve agua melecinoso igual que lo de l'anterior.

Fuente de Fierro de la Candamia, La: En terrén d'El Praón, percima de La Fuente Robleo. Tien agua melecinoso pol fierro que lleva.

Fuente los Fontanes, La: Encima mesmo de La Espesura, nel llugar de Los Fontanes, fastera de La Cerezal.
   
Fuente los Fontanones, La: Sal a lo fondero'l prau del mesmu nome, col camín, na lladera drecha, según les agües, del valle de Muñero. Tien un bebederu pal ganáu.

Fuente les Fontines, La: Cerca del pueblu d'El Batán y nel llugar nomáu Les Fontines. Garráron-y l'agua pal depósitu de La Cruz.
   
Fuente'l Fresnu, La: Encima de los praos d'El Picu, nel camín, y debaxo de El Picu l'Encantamientu, na fastera de La Seca. Son fontanes pal ganáu que nun anicien regueru dalgún.

Fuente les Fuentes, La: Sal nel prau de Les Fuentes, na parte alta del mesmu Valle les Fuentes.

Fuente la Galleguina, La: La que se topa nel llugar del mesmu nome, na lladera izquierda, según les agües, del valle de La Cerezal.
   
Fuente la Granxa, La: La qu'hai a la izquierda, según les agües, del regueru del mesmu nome, na llende ente les fasteres de Los Caleyos y La Del Agua.

Fuente'l Granxu, La: Apaez nel prau del mesmu nome, na parte baxa d'El Valle les Fuentes.

Fuente'l Granxu la Pedreguera, La: La que naz a lo fondero del prau del mesmu nome, en El Valle les Fuentes. L'agua ye lo que riega El Prau Grande.
   
Fuente'l Güevu, La: D'agua sulfuroso, sal na mina d'El Socavón, fastera de La Cruz.

Fuente la Llascarina, La: La que apaez a la mano baxo de Les Galleres, abasteciendo les sos agües la traída del pueblu Veró.

Fuente la Llascarina, La: Surde a la mano baxo de La Vallica l'Agua y l'agua de so va a la traída del pueblu Les Argayaes.

Fuente la Llera, La: La que sal en La Llera, a pocos metros del ríu. Agora garráron-y l'agua pal depósitu de La Cruz. Fastera de La Del Agua.

Fuente los Llimaces, La: Pa riba de La Granxa, per onde pasa El Regueru los Llímaces, ente les fasteres de Los Caleyos y La Seca.
   
Fuente les Maeres, La: Ye la fonte más alta de tola parroquia de Santa Bárbola y de tol Conceyu de Samartín. Ta en Les Maeres, debaxo d'El Picu Tres Conceyos, nos terrenos d'El Valle les Fuentes.
   
Fuente María García, La: Nel llugar del mesmu nome, ente los terrenos de Perabeles y d'El Rezaleru. Había allí un llavaderu qu'usaba la xente de L' Argayá.

Fuente'l Maruquín, La: Sal nuna zona monticia de terrén casi llano, cerque d’el Río Maruquín, na fastera de La Espesura. Ta coyío’l so agua pa la traída de los pueblos de La Cerezal. *Nel cartafueyu asoleyáu pola A.Ll.A. apaez enquivocadamente la so ubicación nel pueblu d’El Montesín.

Fuente Mateo, La: Sal en La Casa Cima, a la mano baxo de la carretera. Tien un bebederu pal ganáu y anicia allí La Reguera la Casa Cima.

Fuente'l Mayáu Nuevu, La: La del prau del mesmu nome, en terrén d'El Valle les Fuentes, cerca de la zona de La Carba la Guarda.
   
Fuente'l Mofusu, La: La que brota a la mano riba del antigu prau d'El Mofusu, en El Monte Muñero. Ye agua de pizarru, fino y mui apreciao.

Fuente'l Molín de Bárbola, La: Nel llugar del mesmu nome, fastera de La Cerezal.

Fuente'l Molinón, La: Cerca d'El Molinón, al pie mesmo d'El Río, na oriella izquierda según les agües. Fastera de Perabeles.

Fuente la Mosteya, La: La que sal na lladera drecha d'El Rullamosa, según les agües, enfrente de La Payegona, que queda na lladera izquierda, too ello dientro la fastera de Los Caleyos. Garráronla pal depósitu d'agua de La Robellá.

Fuente la Nabaliega, La: Sal nel llugar del mesmu nome, na parte baxa d'El Valle les Fuentes.

Fuente'l Nabalón, La: Surde nel prau d'El Nabalón, ente El Cuetu Quemáu y La Carba la Llosona, na parte alta de la fastera de Perabeles. Lleváronla les mines hai cuantayá.

Fuente Paulón, La: Dientro la fastera de La Del Agua, a la mano baxo la carretera que va a La Colladiella, pa riba un poco de La Casa Cima. Paulón fo'l paisanu que la arregló col fin de poder sirvise d'ella, a mediaos d'esti sieglu.

Fuente'l Peral, La: Onde la xente del pueblu de Perabeles diba coyer agua secularmente, hasta principios de la década de los sesenta en que se baxó per una tubería La Fuente de los Cirigüeyalinos, que corría más. Nesa mesma décaya féxose un depósitu y metióse l'agua nes cases. A principios de los setenta lleváronla les mines.

Fuente la Polaúra, La: Sal en La Polaúra al pie de la carretera, onde anicia'l ramal que va pa La Encruciyá. Nun cuerre muncho pero daba bon agua, frío enforma, hasta que por mor de la carretera pasóse per un tubu saliendo a la otra oriella col agua ya más caliente.

Fuente'l Praal, La: Nel llugar de Los Praales, lladera izquierda del valle de La Cerezal. Yeren dos fontes y lleváronles les mines.

Fuente'l Praón, La: Cerca del pueblu d'El Praón, debaxo de La Minuca y de la carretera. Tien un llavaderu que ya nun s'utiliza.

Fuente'l Praón, La: Una de les fontes d'El Valle les Fuentes.

Fuente'l Prau Cardeal, La: Na zona de La Mayá Cardeal surde esta fuente; fastera de Los Caleyos.

Fuente'l Prau Escobal, La: Brota na caleya, ente les dos estayes d'El Prau Escobal, dientro la fastera Veró.

Fuente'l Prau Grande, La: La que surde en El Prau Grande, dientro d'El Valle les Fuentes.

Fuente'l Prau Llamargu, La: La que naz nel mesmu Prau Llamargu, dientro'l terrén de La Robellá. Cuerre abondoso, anque ye d'agua malo, llamargoso.

Fuente'l Prau('I) Ratu, La: La que naz nel llugar del mesmu nome, cerca de El Molín de Bárbola, na fastera de La Cerezal.

Fuente'l Prau Soldáu, La: La d'El Prau Soldáu, na zona de Les Abareres, fastera d'El Batán.
   
Fuente'l Prau Vegón, La: Debaxo d'El Pandiellu, na lladera izquierda, según les agües, del valle de La Cerezal. Tamién se-y llama La Fuente'l Vegón.

Fuente los Praúcos, La: Fuente que sal nel llugar del mesmu nome, a lo fondero de La Vallina la Ceceal, fastera de Los Caleyos.

Fuente'l Prauscón de Puchamare, La: Fuente a la mano baxo de La Peña, dientro la fastera de Los Caleyos.

Fuente'l Rapusu, La: Na fastera Veró, nun prau llamáu La Presa, a la drecha d'El Regueru les Casuques, visto dende baxo.

Fuente'l Rebollal, La: Sal na carretera de La Polaúra, encima d'El Marquesón, onde anicia'l camín que va pa La Casuca, na parte alta del pueblu de Perabeles. Cuerre muncho, garrándose parte del so agua pa los depósitos de Perabeles y de La Casuca.

Fuente'l Rebollón, La: En terrén de Los Caleyos, la que sal per un tubu vertical na oriella riba la carretera, cerca yá de La Colladiella.

Fuente'l Rebolláu, La: La que brota nel mediu'l prau d'El Rebolláu, dientro la fastera El Rezaleru.

Fuente'l Rebullu Caíu, La: La que sal nel llugar del mesmu nome, a la mano riba'l camín, na parte alta de la fastera de Perabeles. *Nel cartafueyu de l’A.Ll.A. figura enquivocadamente Rebollu en llugar de Rebullu.
   
Fuente la Reguerina, La: Salía nel llugar del mesmu nome, ente La Fócara y Los Pedrazos, valle de La Cerezal. Ye una más de les que llevaron les mines.

Fuente'l Reguerón, La: Surde cerca del regueru del Valle les Fuentes, na zona que se denomina El Reguerón, que ye la más fondera.

Fuente'l Rezaleru, La: Ta al delláu mesmo del regueru, nel camín que va pa La Casa Nueva. Hai un Ilavaderu que yá nun s'utiliza. Yera la fonte onde coyíen los d'El Rezaleru hasta que se fexo la traída nos años sesenta.

Fuente la Riega'l Turnu, La: Naz en Les Caecima al pie del regueru. Hai unos años analizáron-y l'agua y dio que taba contaminao, catalogándola como d'agua non potable.

Fuente Robleo, La: Onde naz El Regueru Robleo, na llende ente la fastera d'El Praón y la parroquia de Samartín.

Fuente'l Sapu, La: En El Vescón del Vallín, a la entrada de Les Cabañes viniendo d'El Cantu, nel pueblu de Los Caleyos.

Fuente'! Sapu, La: L'antigua fonte del pueblu d'El Riocerezal. Salía cerca del regueru, pa riba un cachu de la caleya. Dempués secó y años más tarde apaeció un poco más abaxo. Agora cuéyese nun depósitu que la xente usa muncho pa llavar los coches.

Fuente Solavega, La: La que sal a la mano baxo de Solavega, al pie del ríu, cerca de La Llera, na fastera de La Del Agua.
   
Fuente'l Texíu, La: En terrén yá del Conceyu de Mieres. Sal debaxo del prau del mesmu nome y ye nomáo'l so agua en tola paroquia de Santa Bárbola polo frío.

Fuente la Teya Marcos, La: Sal nel prau del mesmu nome, en El Valle les Fuentes.

Fuente Tres la Xerra, La: La qu'apaez nel prau de Tres la Xerra, pegao a L'Espineal, en terrén d'El Batán.

Fuente'l Tretu, La: Sal en El Pinganellón, pa baxo d'El Picu Tretu, a la izquierda, según les agües, de La Borná'l Macho, na zona alta de Veró.

Fuente la Vallina, La: Fuente que sal en monte na zona de La Vallina la Ceceal, fastera de Los Caleyos.

Fuente la Vara, La: Na zona del mesmu nome, lladera drecha, según les agües del valle de La Cerezal.

Fuente la Valli Tenobia, La: Naz nell lugar del mesmu nome, na parte alta de Perabeles. Los antiguos decíen que'l so agua daba carraspera siendo muncho más fino y sano lo de La Fuente'l Castañéu, un poco más abaxo.

Fuente'l Vasu, La: Surde na sebe d'El Prau Medio, nel camín que va pa Los Mayaones, fastera d'El Monte Muñero. Ta mui baxa y pa beber hai que se valir d'un vasu; de hí'l so nome.

Fuente Vegallonga, La: Sal nel llugar del mesmu nome, fastera de La Cruz. L'agua d'ella va per una tubería debaxo'l ríu hasta'l llavaderu que se topa na otra oriella.

Fuente'l Vegón, La: Lo mesmo que La Fuente'l Prau Vegón.

Fuente'l Venceyero, La: Naz en El Venceyero, enfrente d'El Escubietu, na lladera drecha del ríu, según les agües, en terrén de la parroquia de Samartín.

Fuente la Vieya, La: Sal nel llugar del mesmu nome, cerca d'El Prau los Cotaraxos, na lladera drecha, según les agües, de la fastera de Los Caleyos.

Fuente la Vía, La: La que surde al delláu de l'antigua vía que diba a La Torba, dientro'l terrén de Co la Iglesia y na oriella drecha d'El Río.

Fuente los Yanos, La: Naz nel prau del mesmu nome, en El Valle les Fuentes, pela so parte baxa.

Fuente la Yanuca, La: Una de les fontes d'El Valle les Fuentes.

Fuente les Xanes, La: Sal nel prau del mesmu nome, en El Valle les Fuentes, nuna rodiada cuasi máxica. El so agua arrastra piedrines pequeñes de carbón.

Fuentes, Les: Prau debaxo de Les Maeres y de Les Pionaes, en El Valle les Fuentes.

Fuxacu, El: Praos a la mano drecha, visto dende baxo, y un poco escontra riba, de La Capilla, na lladera izquierda de la fastera de La Cerezal.

Fuyu, El: Praos encima mesmo del pueblu L'Escobal, a la mano riba de la caleya y debaxo La Llosa Cima.    .

Gallega, La: Ún de los pueblos de La Cerezal, el primeru que se topa a la mano baxo de la carretera, viniendo de Co la Iglesia. Hasta 1918 too aquello yera una castañéu, datando d'entóncenes la construcción de la primer casa. El nome del castañéu tamién yera La Gallega, polo que nun se debe pensar nos nuestros vecinos del Miño pa buscar l'aniciu d'esti topónimu. Nel padrón municipal apaez con nueve viviendes, seis d'elles habitaes.

Galleguina, La: Llugar a la mano drecha, visto dende riba, de La Gallega. Había allí una fonte que llevaron les mines. Por estensión llamóse asina tamién al atayu que pasaba pequí pa dir a El Puzu'l Socavón.

Galleres, Les: Praos a la drecha, según les agües, d'El Regueru Veró, y a la mano baxo la caleya. Pa dividiles fálase de «la de baxo» y «la de riba».

García, La: Ente Les Campes y La Llosa'l Praón, na fastera d'esti últimu nome.

G(r)omiales, Los: Prau ente Los Mayaones y El Prau Llargu, debaxo d'El Picu l'Arquera, na lladera drecha, según les agües, del valle de Muñero.

Granxa, La: Na fastera de Veró, prau ente Les Hinariegues per riba, y El Prau Escobal per baxo.

Granxa, La: La zona ente Les Peñes del Casar, per riba, y La Serruchina,  per baxo, en terrén de La Del Agua.

Granxa, La: Na fastera de Co la Iglesia, dos cases a la oriella la carretera, ente La Curvona y La Cochera Maruja.

Granxu, El: Praos debaxo de La Teya Marcos y encima de La Nabaliega, en terrén d'El Valle les Fuentes.
   
Granxu la Pedreguera, El: Na fastera d'El Valle les Fuentes, prau a la mano riba d'El Mayaín. A lo fondero tien una fonte que riega col so agua El Prau Grande.

Granxucu, El: Prau cerca d'El Granxu, en El Valle les Fuentes.

Grilleros, Los: Praos, ente los que se topa «Fi(n)landia», na parte baxa de la fastera Veró. Queden ente Les Casuques y La Cueta Veró.

Güerta, La: En El Praón, una pumarada debaxo mesmo del pueblu y de la carretera, pegada al muru d'ésta.

Güerta, La: En El Rezaleru, la que se topa debaxo casa Carola, co El Güertu (de Julia). Tamién se-y llama Debaxo Casa.
   
Güerta, La: Prau a la mano riba de Los Camporros, na fastera de La Del Agua, ente'l camín d'El Bescón, per riba, y el de La Fuente'l Rezaleru, per baxo.

Güerta la Caya, La: Estaya del pueblu de Perabeles, ente La Caya y El Casarón.

Güerta'l Maíz, La: Praín pequeñu, na oriella izquierda del ríu, según les agües, enfrente d'El Molín de Salvadora, ente'l puente y El Puzu'l Molinón; fastera de Perabeles.

Güerta'l Molín, La: El llugar onde se topaba El Molín del Riocerezal, na oriella drecha, según les agües, del regueru y a la mano baxo de la carretera.

Güerta la Romería, La: Nome antigu d'El Prau la Fiesta, onde se celebren les fiestes patronales de la parroquia.

Güerta Robleo, La: Finca que se topa a la mano riba d'El Carril, en terrén d'El Praón.

Güerta San Bartolomé, La: Lo mesmo que La Güerta la Romería y qu'El Prau la Fiesta. San Bartolomé ye'l santu patrón de les fiestes de la parroquia, que se celebren la última selmana d'agostu.

Güertu, El: En El Rezaleru, el que se topa a la izquierda, visto dende riba, de La Güerta.

Guirilleros, Los: Tamién se pue oyer asina «Los Grilleros», na fastera del pueblu Veró.

Hijuela [ixwéla], La: Nome del actual valle y collación de Santa Bárbola, mui popular hasta mediaos del presente sieglu.

Hinariegues, Les: Na fastera Veró, prau y castañéu, ente Solacasa per riba, y El Prau Escobal per baxo.

Llaera, La: En Perabeles, ente El Cantu Xerru y El Calerón. Hai una vivienda.

Llagar, El: Na fastera de Co la Iglesia, les cases que se topen ente La Chabola y El Molín.

Llamargones, Los: Prau, agora fechu monte, debaxo de La Campa la Encruciyá y a la izquierda d'El Picu, visto dende riba. Fastera Monte Muñero.

Llamargues, Les: Prau debaxo de L'Arquera, en terrén de Los Caleyos.

Llamargues, Les: Prau debaxo d'El Picu la Ceceal y del camín que va de La Campa la Ceceal a Felgazo, na lladera izquierda, según les agües, del valle de Muñero.

Llamargues, Les: Praos ente La Robellá y El Batán, per onde pasa la carretera.

Llamarguina, La: Prau d'El Valle les Fuentes, cerca y debaxo d'El Mayáu Nuevu. Había aquí, nos años trenta, un llavaderu pal carbón de les mines de La Carba la Guarda.

Llamera, La: Una de les estayes de Les Llameres, en La Cerezal.

Llameres, Les: Praos encima d'El Pandiellu, na lladera izquierda del valle de La Cerezal.

Llamerona, La: Na fastera d'El Praón, unos castañeos a la mano baxo de La Payega Rebollal.

Llanca, La: Prau cerca y debaxo d'El Pandu Cabu, en El Valle les Fuentes casi llendando cola fastera de Veró.

Llera, La: Campa llana en forma de rectángulu, na oriella izquierda del ríu y cerca de Solavega, fastera de La Del Agua. Usóse muncho como campu de fútbol.

Llera, La: Prau cerca de Les Fontiques, en terrén de La Robellá.

Llerón de Lisa, El: La estaya llana qu'hai en La Cruz na rodiada de la panadería.

Llerón del Estanqueru, El: Na fastera de Paniceres, prau grande y llanu, na oriella izquierda del ríu, según les agües.

Llimanales, Los: Prau a la mano baxo d'El Picu, na llende ente les fasteres de La Seca y La Del Agua.
   
Llomba la Verde, La: Ente Los Xerricos y Tretu. El so cumal ye más altu que El Picu Tretu. Divide'l valle de La Cerezal del restu de la parroquia de Santa Bárbola.

Llombón, El: Na fastera d'El Rezaleru, prau ente La Pezuca y El Vallín, a la mano riba'l camín, que lu separa de La Bornaíca.

Llosa les Cabañes, La: La que pertenez a Les Cabañes, una de les partes del pueblu de Los Caleyos.

Llosa les Caecima, La: En Perabeles, la que se topa ente Les Caecima, per riba, y El Casarón y El Prau Llamargu, per baxo; a la mano drecha de La Reguera la Pieza, según les agües.
   
Llosa'l Cantu, La: La de la rodiada d'El Cantu, una de les partes del pueblu de Los Caleyos. Divídese en La Llosa'l Cantu de Riba y La Llosa'l Cantu de Baxo.

Llosa'l Cantu de Baxo, La: La parte fondera de La Llosa'l Cantu, en Los Caleyos.

Llosa'l Cantu de Riba, La: Lo cimero de La Llosa'l Cantu, en Los Caleyos.

Llosa la Casuca, La: En Perabeles, debaxo de La Casuca y encima de L'Eru Riba.

Llosa Ciano, La: Los praos que tán encima de Casa Gil na fastera de Co la Iglesia.    .
   
Llosa Cima, La: Dientro de La Del Agua, la que se topa a la mano riba de les cases del pueblu de L'Escobal.

Llosa l'Escobal, La: La qu'hai a la mano baxo'l pueblu de L'Escobal.

Llosa'l Corralón, La: La que se topa ente Les Caecima, per baxo, y El Corralón, per riba, na parte alta de Perabeles.

Llosa Fernández, La: Nome antigu de La Llosa Les Caecima, en Perabeles.

Llosa'l Costayu, La: Na rodiada del pueblu del mesmu nome, na lladera izquierda, según les agües, de la fastera de La Cerezal.

Llosa la Fuente, La: La que se topa ente El Regueru Robleo y el pueblu de El Praón.

Llosa del Mayáu, La: La que pertenez a El Mayáu, ún de los barrios del pueblu de Los Caleyos.

Llosa Nueva, La: En El Rezaleru, la que ta ente El Barreru y La Valli Milaños, a la mano baxo del camín que la separa de La Prialona.

Llosa la Paré, La: Cerca d'El Costayu, na lladera izquierda, según les agües, del valle de La Cerezal.

Llosa'l Praón, La: Encima y a la drecha, visto dende baxo, del pueblu d'El Praón.

Llosa Riba, La: En terrén d'El Rezaleru, les güertes ente El Vallín y La Pezuca la Carreña, encima de La Prialona.

Llosa'l Valle, La: Llosa de Perabeles que va dende El Prau Llamargu hasta'l ríu, y dende La Reguera la Pieza a El Prau la Riega.

Llosa Veró, La: Debaxo y a la izquierda de Veró, según les agües. El fastial de la izquierda tien estayes con nomes como: La Lloseta, La Canga, La Llosica, Los Guirilleros, Les Casuques, La Compra...

Lloseta, La: Debaxo de La Seca'l Agua, onde hai una casa con antoxana y horru. Col coche éntrase per Les Argayaes.

Lloseta, La: Na parte más fonda de Perabeles, llendando cola fastera de Co la Iglesia, caúna de les dos estayes qu'hai ente El Prau Llosetu y el pueblu d'El Molín, na oriella izquierda del ríu, según les agües. Encima d'elles y separaos por un caminucu tán El Llosetón y El Caburnu.

Lloseta, La: Na rodiada de L'Escobal, finques ente La Llosa Cima y La Caleya la Biná.

Lloseta, La: La finca que ta pegada a la casa de Nedina, nel pueblu d'El Praón.

Lloseta, La: Na fastera d'El Riocerezal, el terrén a la drecha, visto dende baxo, de La Reguerina'l Colláu, que lu separa de Les Dieces.

Lloseta, La: Una de les estayes de La Llosa Veró.

Llosetes, Les: Les que tán ente El Molín y El Prau Llosetu, na oriella izquierda del ríu, según les agües; parte fondera de Perabeles.
   
Llosetón, El: En Perabeles, lo que se topa a la mano baxo la carretera, ente La Solana, per riba, Les Llosetes, per baxo, El Caburnu a la drecha según les agües, y Co la Fuente a la izquierda.

Llosetu, El: Finca de la rodiada del pueblu de L'Escobal.

Llosica, La: Una de les estayes de La Llosa Veró.

Llosicos, Los: Prau na rodiada del pueblu d'El Montesín, na lladera izquierda, según les agües, del valle de La Cerezal.

Llosicu, El: Finca d'El Praón, cerca de La García.

Llosona, La: Praos encima d'El Montesín, ente Les Curuxíes, a la drecha, y El Campu'l Dino, a la izquierda, visto dende baxo.

Llosona, La: Tamién nel valle de La Cerezal pero na lladera de la drecha, según les agües, cerca d'El Prau Berregusu.

Llosona, La: Pa baxo de Los Mayaones, cerca del Río Muñero.

Maea, La: La zona ente L'Azorea y El Costayu, nel valle de La Cerezal.

Maeres, Les: Debaxo mesmo d'El Picu Tres Conceyos. Hai un fayéu y un prau. Fastera d'El Valle les Fuentes.
   
María García, La: Na llende ente Perabeles y El Rezaleru, unos castañeos a la mano baxo de la carretera y d'El Muro Blancu. Había allí un llavaderu pa la xente de L' Argayá.

Marquesón, El: Prau de Les Caecima onde ta llantáu'l depósitu d'agua pa Perabeles.
   
Mata, La: La que se topa ente L'Escubietu y La Cantera l'Escubietu, dientro la collación de Samartín, na lladera izquierda, según les agües, del ríu de Santa Bárbola.

Mata Arnesta, La: Na parte alta de Perabeles, castañéu ente El Cerráu Torre y Los Sombreales, Ilendando per riba con La Carba la Llosona. Tamién se-y llama La Mata Milio, pues ésti fo, asinamesmo, dueñu d'ella, enantes de que pasare a poder d'Arnesta.

Mata los Canteros, La: La que queda encima de L'Espineal, llegando hasta la drecha de La Forniella, visto dende baxo. Fastera d'El Riocerezal.

Mata Casaín, La: Una mata pequeña encima de La Payega, en terrén d'El Praón.

Mata'l Colláu Espín, La: La que ta encima d'El Colláu Flecha, en terrén de El Riocerezal.

Mata Milio, La: Véase Mata Arnesta, La.

Mata'l Nabalón, La: Pasáu El Cantu'l Nabalón, xubiendo pela carretera de La Polaúra, la que se topa a la mano riba de la carretera; a la mano baxo queda La Carba la Llosona.

Mata'l Novenu, La: La que se topa ente El Novenu y La Braña, a la mano baxo del camín, mirando yá pa la fastera de Co la Iglesia.

Mata Pachón, La: Dientro'l terrén de la fastera d'El Riocerezal, la parte fondera de La Cota'l Rebollusu, que queda un poco pa riba de la escuela d'El Corralón.

Mata del Prau Paré, La: La del llugar del mesmu nome nel valle de La Cerezal.

Mata'l Rei, La: Na vertical d'El Picu, pa baxo, los castañeos onde ta llantada la columna de la térmica de Lada. Fastera de La Del Agua.

Mayá, La: Tierres y praos a la mano baxo de Los Ribayones, cerca de Les Cabañes, en Los Caleyos.

Mayá Cardeal, La: Praos debaxo de La Ceceal, na lladera de Los Caleyos.

Mayá la Señora, La: El cachu monte qu'hai debaxo de La Campa'l Berizal pa escontra la drecha, visto dende riba. Esti topónimu empicipiaba yá a tracamundiase na pronunciación de delles persones, que dicen «La María la Señora», intentando diptongar la segunda sílaba de la pallabra «María».

Mayá Vieya, La: Prau del valle La Cerezal, na so lladera drecha según les agües, cerca d'El Merendón.

Mayaes, Les: Praos del pueblu Los Caleyos, a la mano baxo de la carretera.

Mayaín, El: Prau ente La Pareona y La Pica, en terrén de Los Caleyos.

Mayaín, El: Prau del valle La Cerezal, lladera drecha según les agües, cerca de La Raposa.

Mayaín, El: Praos d'El Valle les Fuentes, a la mano baxo de La Llanca, pa riba de La Teya Marcos y na lladera izquierda del regueru, visto de baxo.

Mayaones, Los: Praos a la mano baxo de L'Arquera, na lladera del valle de Muñero, ente Los G(r)omiales y La Fuente'l Vasu.

Mayaos de Miera, Los: Nome antigu de tol valle de La Cerezal.

Mayáu, El: Ún de los barrios del pueblu de Los Caleyos.

Mayáu Curruscáu, El: Prau d'El Vallín del Cuscáu ente La Robellá y Veró.

Mayáu de Felgazo, El: El prau más grande de tola lladera izquierda, según les agües, del valle de Muñero. Vese perbién dende Los Enterriegos pero ta dientro del terrén del Conceyu de Llangreo.

Mayáu la Fonta, El: Lo que ta encima de La Payega, na parte alta de la fastera de La Del Agua.
   
Mayáu Miguel, El: Asina-y llamen los de Llangreo a El Mayáu de Felgazo. Miguel fo un antigu amu que se fexo dueñu y zarró aquella estaya monte tan grande. Pertenez al conceyu Llangreo.

Mayáu Nuevu, El: Tópase pa lla de La Llamarguina y a la mano riba'l camín viniendo pela caleya que sal de Veró. Fastera d'El Valle les Fuentes.

Mayáu so la Xerra, El: Na zona de La Xerra, ente los terrenos de La Seca y La Del Agua.

Mayaúca, La: Finca cerca del pueblu de Los Caleyos.

Mereal, La: Monte na zona alta del valle de La Cerezal, cerca d'El Fayéu la Vara.

Merendón, El: Prau a la mano baxo de La Vara, na fastera de La Cerezal.

Miera: Una de les partes del pueblu de La Cruz, de llau de la carretera que va al Puzu Cerezal. Según el padrón municipal «Miera de Arriba» dispón de 15 viviendes, habitaes 10 d'elles.
   
Miera Baxo: Cases cerca yá de Sotrondio, na oriella izquierda del ríu de Santa Bárbola, según les agües. Políticamente son de la parroquia de Samartín.

Miera Medio: Cases un poco más arriba de Miera Baxo, hacia'l km. 0,8 de la carretera de Santa Bárbola. Pertenez a la parroquia de Samartín.

Mina la Mata, La: La qu'había antiguamente nel llugar de La Mata, na zona de L'Escubietu, dientro la collación de Samartín.

Mines de les Abareres, Les: Les que s'esplotaben na zona del mesmu nome, na parte alta de la fastera d'El Batán.

Mines de Lauriano, Les: Nome modernu que se-y da a la zona monte d'El Xerru'l Colladiellu, na parte alta de El Riocerezal. Tien un claru sentíu humorísticu, pues el nomáu Lauriano intentó chamizar per aquel llugar con perpoca fortuna y gana, polo que, irónicamente, la xente d'El Riocerezal empezó a llamar a aquello Les  Mines de Lauriano.

Minones, Les: Una zona d'antiguos chamizos, na parte alta de La Robellá.

Minuca, La: Otru nome que se-y da a El Pegollín, dende que nos años 50 se trabayó allí una mina. Ta en terrén d'El Praón.
   
Mofusu, El: Yera un prau a la mano riba d'El Prau Matías, na lladera del valle de Muñero. Dende hai un par de décades abandonóse y quedó a mata.    .

Molín, El: Pueblu de la fastera de Co la Iglesia, a la oriella'l ríu. Reza nel padrón municipal «El Molino» con trece viviendes, cinco d'elles habitaes.

Molín de Bárbola, El: Nome más modernu d'El Molín del Canteru, el más altu del valle de La Cerezal. Tópase pa riba un poco de Les Baúgues. La so dueña, Bárbola, morrió a principios de la década de los 80.

Molín de Batán, El: Na oriella drecha del ríu según les agües, nel pueblu del mesmu nome. El sestu d'El Río empezando per baxo, queda ente'l d'El Puzu la Olla y el de Lina.

Molín de los Caleyos, El: Nel pueblu del mesmu nome, ya nun queden restos d'él.

Molín del Canteru, El: Nome antigu d'El Molín de Bárbola, el más altu del valle de La Cerezal.

Molín de La Comuña, El: El terceru más altu del valle de La Cerezal. Dexó de funcionar hacia los años 50.

Molín de L'Escobal, El: Debaxo'l pueblu del mesmu nome. Ye'l décimu d'El Río empicipiando per baxo y el más altu ensin cuntar al de Los Caleyos y al de Veró que taben en regueros.

Molín de la Estaca, El: Casa y molín nel llugar del mesmu nome. El molín funciona pero namái que pal dueñu (y con ellectricidá), que sólo vive allí per temporaes. Ye'l segundu d'El Río, empezando per baxo, y ta ente'l del Prau Molín y el de La Güerta la Romería. Tenía dos piedres de moler.

Molín de la Güerta La Romería, El: El terceru d'El Río entamando per baxo. Servíase del agua de La Fontona. Tópase ente'l de La Estaca y el de Silo.

Molín de Lina, El: Na oriella drecha según les agües, no fondero de la fastera La Robellá. Tenía casa onde vivía la familia que curiaba del molín. La construcción tovía se conserva bastante bien. Ye'l séptimu d'El Río, empezando per baxo y queda ente'l de El Batán y El Molinón. Modernamente llamábase-y El Molín de Salvadora, por ser ésta la so última dueña.

Molín de Mero Los Pedrazos, El: El cuartu, empezando per baxo, del valle de La Cerezal. Dexó de funcionar hacia los años cincuenta.

Molín de Mino Cantera, El: Llantáu en La Valli Molín, ye'l sestu, empezando per baxo, del valle de La Cerezal. Funcionó hasta los años cincuenta.

Molín de Pachu los Guah.es, El: El quintu, empezando per baxo, del valle de La Cerezal. Dexó de funcionar na mesma época que los otros.

Molín de Pan Blanco, El: El más fonderu de tolos del valle La Cerezal. Taba cerca d'El Puzu Socavón.

Molín del Prau Molín, El: Nel llugar del mesmu nome na fastera de La Cruz. Yera'l más fondu de tola parroquia.

Molín del Puzu la Olla, El: El quintu d'El Río empecipiando per baxo. Ta a la izquierda según les agües, del pozu del mesmu nome, en terrén de Perabeles y queda ente'l de Silo, per baxo, y el d'El Batán, per riba.

Molín de Riba, El: Ye'l novenu d'El Río entamando per baxo. Quedaba cerca del puente per onde pasa'l camín de La Robellá a L'Argayá y El Cantu. Per riba tenía al de L’Escobal, y per baxo a El Molinón.

Molín del Riocerezal, El: Nel regueru del mesmu nome, a la entrada del pueblu viniendo de Perabeles y a la mano baxo de lo qu'agora ye la carretera. Yá nun queda restu dengunu.

Molín de Salvadora, El: Nome más reciente d'El Molín de Lina. Dexó de moler hacia los años sesenta.

Molín de Silo, El: El cuartu d'El Río empecipiando per baxo. Ta nel pueblu d'El Molín, fastera de Co la Iglesia, ente el de La Güerta la Romería y el de El Puzu la Olla.

Molín de Vargas, El: El segundu, empezando per baxo, del valle de La Cereza. Nun dexó de funcionar hasta los años setenta.

Molín de Veró, El: Nel regueru del mesmu nome, a la izquierda del pueblu según les agües.
   
Molinón, El: A la izquierda del ríu según les agües. Ye l'octavu d'El Río empecipiando per baxo y queda ente'l de Lina y el de Riba. Pertenez a Perabeles.

Monte les Abareres, El: El de la zona del mesmu nome, na parte alta de la fastera de El Batán.

Monte Espesu, El: Na fastera d'El Valle les Fuentes, cachu monte a la mano riba d'El Yanu la Surbia.
   
Monte les Galleres, El: El que se topa na rodiada del llugar del mesmu nome, fastera de Veró. Hai una llabanera mui bona d'onde la xente saca llábanes cuando ye menester.

Monte Muñero, El: Una de les 17 fasteres o partes de la parroquia. Abarca, per un llau, tol terrén del valle de Muñero que pertenez al Conceyu Samartín. Pa la lladera del valle de Santa Bárbola garra'l terrén más alto comprendío ente La Campa la Encruciyá y La Campa Cimera. Independientemente d'estes llendes, feches namái que pa facilitar l'estudiu y clasificación de la toponimia menor de la parroquia, esiste otru Monte Muñero llegal del que los herederos de los propietarios guarden escritura, y que nun concide cola fastera que nesti llibru utilizamos.

Monte del Prau Vallina, El: La zona fondera d'El Prau Vallina, de monte, que llenda con Les Peñes del Casar. Ye de la fastera de La Seca.

Monte la Yaná El: Lo mesmo que La Yaná, en terrén d'El Monte Muñero.

Montesín, El: Pueblín del valle La Cerezal, a la mano riba de La Gallega y antes de Les Cas(es) de Baxo, viniendo de Co la Iglesia.

Mozquita, La: Ente El Cuetu la Seca y El Cuetu Cerezalones, una campa y un prau que mira pal valle de Muñero.

Muezca, La: Prau y cachu monte no más cimero del valle La Cerezal, llendando col restu de Santa Bárbola.

Muezca la Bobia, La: Per onde pasa la carretera de La Bobia a La Cerezal, na llende ente les parroquies de Blimea y Santa Bárbola.

Muñero: Los praos que se topen cerca del aniciu del ríu del mesmu nome, escontra la lladera de la izquierda según les agües.

Muro Blancu, El: Zona de la carretera, debaxo de La Valli Milaños y encima de La María García, na llende ente les fasteres de Perabeles y El Rezaleru.

Nabal, El: Mata a la mano baxo d'El Prau Ambroxo, cerca yá d'El Río Muñero.

Nabal del Cuxu, El: El terrén que se topa ente La Campa Mayáu Curruscáu, per riba, y el camín que va a El Pinganellón. Fastera de La Robellá.

Nabal de la Pega, El: Na fastera de Los Caleyos, el cachu monte enriba mesmo de la curva de la carretera cuando traviesa El Xerru Melones. Ye normal ver pegues abondes nesti terrén.

Nabaliega, La: La zona onde empieza, per baxo, El Valle les Fuentes, cerca de La Llera. A la parte riba tópase El Granxu.

Nabaliegues, Les: Praos cerca de La Enverniz, na lladera drecha según les agües, de la fastera de La Cerezal.

Nabalín, El: Na parte baxa de la llende ente les fasteres de Los Caleyos y El Valle les Fuentes, un castañéu pa riba de La Teyera y debaxo de L'Ablanéu.

Nabalinos, Los: Prau y güerta a la mano baxo de La Poza, en terrén d'El Rezaleru.

Nabalinos, Los: Na parte más alta de la fastera de Perabeles, a la mano riba d'El Borticu y a la drecha, visto dende baxo, d'El Nabalón.

Nabalón, El: Mata y praos a continuación d'El Cuetu Quemáu, xubiendo pela carretera de La Polaúra, na parte alta de la fastera de Perabeles.

Nabalucu, El: Prau a la mano riba del pueblu de L'Edráu y debaxo de La Polaúra.

Naranxal, El: Una estaya d'El Rezaleru, a la mano riba la carretera, onde anicia'l ramal que sube de La Poza a les cases de riba del pueblu. Esti topónimu (más bien en castellano “naranjal”) foi aplicáu aquí, va solamente unes décades, en plan de chunga polo arrimao y ruino del terreno.

Nareos, Los: Na lladera drecha, según les agües, de Los Caleyos, cerca de La Peña y pa riba d'El Castañéu'l Nabalín.

Naréu, El: Caúna de les estayes de Los Nareos, en Los Caleyos.

Nespral, La: Pueblu de la fastera de La Cruz, cerca d'El Puzu Socavón, xeográficamente dientro del valle de La Cerezal. Vien nel padrón municipal con seis viviendes, sólo una d'elles habitada.

Nieta, La: En terrén de Co la Iglesia, la oriella izquierda d'El Río, según les agües, ente El Molín y La Chabola, incluyendo ésta.

Novenu, El: Onde salía la bocamina del pisu novenu de les mines d'El Socavón, na división ente les fasteres de La Cerezal y Co la Iglesia. Pela parte de La Cerezal llenda con El Rioscura, y pela de Co la Iglesia con La Mata'l Novenu.

Nozales, Los: Finca na parte alta del pueblu de Perabeles, ente La Cantera y La Estrencha.
   
Nuviellu, El: Na lladera drecha del valle de La Cerezal, prau con forma d'embudu, dividíu de riba a baxo por una barganera, na parte alta del vallín d'El Rullabayu.

Omeros, Los: A la mano baxo de La Privaliega, ente L'Edráu y La Polaúra. Puen vese los nomaos árboles.

Once, L': El llugar onde salía la bocamina del pisu once de les mines d'El Socavón. Yera en El Prau Soldáu, na fastera d'El Batán.

Oriella, La: Estaya del pueblu de La Cruz, encima de La Yana y debaxo de la curva de Miera.

Oriellona, La: Lo mesmo que l'anterior.

Pandiellu, El: Na lladera izquierda, según les agües, del valle de La Cerezal, prau con una cuadra no cimero, ente La Payegona, a la drecha, y El Cangón a la izquierda, visto dende riba.

Pandiquín, El: Ente La Robellá y El Batán.

Pandos, Los: Praos cerca de La Payega, na lladera izquierda según les agües, del valle de La Cerezal.

Pandos, Los: Praos a la izquierda d'El Cantiquín, visto dende riba, y cerca del aniciu d'El Río Muñero, na so lladera drecha según les agües.

Pandu, El: Caúna de les estayes de Los Pandos, en La Cerezal.

Pandu, El: Los praos que queden a la izquierda y a la drecha d'El Regueru Berixel, cuandu pasa pela zona de la granxa avícola, na fastera de La Cruz.

Pandu, El: Prau cerca de La Viesca, a la mano baxo la carretera ente La Robellá y Veró.

Pandu l'Abayuetu, El: Pa baxo y un poco escontra la izquierda, visto dende enfrente, del pueblu de Veró. Hai una casa nun prau llanu.

Pandu Cabrón, El: Ente El Novenu y Les Brañes, mirando yá pa la fastera de Co la Iglesia.
   
Pandu Cabu, El: Na zona de La Carba la Guarda, ente les fasteres de Veró y El Valle les Fuentes, el llugar onde'l camín se parte en dos, saliendo un ramal pa riba y siguiendo l'otru en llano.

Pandu Cardeal, El: Cerca del ríu, na lladera izquierda, según les agües, de la fastera de Los Caleyos.

Pandu les Cruces, El: Tópase en terrén de Los Caleyos, debaxo d' El Pelgón y encima d'Ente los Regueros.

Pandu la Xerra, El: Na fastera de Los Caleyos, debaxo mesmo de la carretera, que lu separa d'El Nabal de la Pega.
   
Paniceres: Pueblu de Santa Bárbola, el más fondu y el más averáu a la parroquia de Samartín. Queda a la oriella izquierda d'El Río, según les agües. Nel padrón municipal apaez con trece viviendes, de les que tán habitaes diez. Como fastera ye la más pequeña de les diecisiete, llendando al N. cola parroquia de Samartín y al S. cola fastera de La Cruz.

Pantarriegues, El: Praos a la mano riba d'El Bericiusu y debaxo de Los Cabañones, na lladera izquierda, según les agües, del valle La Cerezal.

Pantexil, El: Debaxo de Los Yanos de la Seca, ente les fasteres de La Seca y La Del Agua. Hai un cruz de caminos.

Paré, La: Pueblu de Santa Bárbola, na lladera izquierda, según les agües, del so valle principal, dientro la fastera de La Del Agua. Llégase a él pel camín que sal d'El Colláu Escobal, dempués de pasar La Vallica l'Agua y antes d'aportar a La Seca l'Agua. Nel padrón municipal reza «La Pared» con siete viviendes, cuatro d'elles habitaes.

Pareona, La: Cachu monte ente El Mayaín y La Peña, a la mano riba del pueblu de Los Caleyos.

Patacal, El: Finca d'El Praón, ente El Carril y La Lloseta, a la mano riba de la carretera.

Payarín, El: Estaya de La Llosa'l Riocerezal, ente'l senderín y La Caleya'l Rebollusu, na zona onde ta llantada la casa de Belarmo.

Payega, La: Prau d'El Batán, a la mano baxo la carretera y a la drecha, según les agües, d'El Regueru Castiellu.

Payega, La: Praos a la mano baxo d'El Prau Vallín de Cuetu, na lladera izquierda, según les agües, del valle de La Cerezal.   

Payega, La: Antigu prau a la mano riba'l camín que lu xune cola estaya cimera de La Braña, dientro la fastera de Co la Iglesia pero cerca la llende con La Cerezal. Tien un pequeñu xerru que ye'l que Santa Bárbola escoyía pa facer les sos apaiciones na segunda mitá del sieglu pasáu, según cunta la lleenda. Agora ta fechu mata.

Payega, La: Prau a la mano riba d'El Payegu, na fastera El Rezaleru.

Payega, La: Na parte izquierda, visto de frente, de la fastera d'El Valle les Fuentes, un prau pa riba de La Cabaña Fondera y debaxo de La Polea.

Payega, La: En terrén d'El Riocerezal, prau cerca de La Polea y a la izquierda d'El Regueru los Conforcales, visto dende baxo.

Payega, La: Tamién en El Riocerezal, prau cerca de La Pezuca los Pimientos a la mano riba les cases y d'El Rebollusu.

Payega, La: Nel pueblu de La Robellá, prau enriba mesmo de Les Cases de Riba.
   
Payega, La: Na llende ente les fasteres de La Seca, La Del Agua y Los Caleyos, les cases que se topen a la mano riba la carretera, pa riba un poco de La Casa Cima.

Payega Diego, La: Prau de la lladera drecha, según les agües, del valle de La Cerezal, a la izquierda de La Cabaña, visto dende enfrente.

Payega L'Edráu, La: Prau pa riba del pueblu de L'Edráu, a la mano baxo de la carretera La Polaúra, que lu separa de La Payega'l Pibidal. Llenda pela izquierda con La Privaliega y pela drecha con El Pibidal, visto dende baxo.

Payega'l Pibidal, La: Prau con una mata no cimero, que se topa a la mano riba de la carretera de La Polaúra, que lu separa de La Payega l'Edráu, y debaxo mesmu de L'Arquera, ande se fexo en 1989 la capiella a la Virxen.

Payega los Ratos, La: Dos praos y dos cuadres detrás del pueblu d'El Praón.

Payega Rebollal, La: Prau a la mano baxo de La Campa Cimera, na fastera d'El Praón.

Payega Solhorro, La: Prau que se topa a la mano baxo de La Curva l'Edráu, ente ésta y el ramal que va hasta les cases del pueblu.

Payeguina, La: Na parte izquierda, visto de frente, de la fastera d'El Valle les Fuentes, prau a la mano riba de El Picu la Bornaína y debaxo de La Cabaña Fondera.

Payegón, El: Prau encima de La Llera, cerca d'El Río, no fondero la fastera d'El Valle les Fuentes, na so parte izquierda, visto de frente.

Payegón, El: Caúna de les estayes de Los Payegones, encima d'El Xerru la Cueva, na fastera d'El Batán.
   
Payegón, El: Prau pa riba un poco y escontra la drecha, visto dende baxo, d'El Yaniquín, na fastera de La Cruz. A la so izquierda tópase La Borná Pedro.
   
Payegón, El: Na fastera de La Del Agua cerca la llende cola d'El Rezaleru, el terrén a la mano riba del camín que va d'El Cantu la Del Agua a El Vescón, ente los dos primeros regueros.
   
Payegona, La: Cases a la mano baxo d'El Caburnu, na fastera de Los Caleyos, cerca d'El Regueru la Granxa, a la so drecha según les agües. Llégase a elles pela caleya de La Seca l'Agua.

Payegona, La: Prau con dos estayes, de llau d'El Pandiellu, na lladera izquierda según les agües del valle de La Cerezal.

Payegona, La: Prau que se topa ente La Fuente'l Vasu y Los Mayaones, un poco más altu qu'estos, na fastera d'El Monte Muñero.

Payegones, Los: Praos en terrén d'El Batán, encima y a la izquierda, visto dende baxo, d'El Vescón.

Payegones, Los: Praos que se topen a la izquierda de La Güerta, según les agües, na fastera d'El Praón.

Payegu, El: En terrén de Perabeles, prau pequeñu y arrimáu, a la mano riba de La Güerta'l Maíz y debaxo de Les Cuerries de Piedra.

Payegu, El: En El Rezaleru, lo que queda a la mano riba del camín ente El Sucu y El Cantu La Del Agua.

Payeguina, La: Un prau a la mano baxo del camín al poco de salir d'El Vescón escontra El Cantu la Del Agua.

Payeguina, La: Dientro'l terrén d'El Riocerezal, el prau a la mano baxo del llugar onde se xunten El Regueru los Conforcales y El Regueru'l Pontón.

Payeguina, La: Na parte izquierda, visto de frente, de la fastera d'El Valle les Fuentes, prau a la mano riba d'El Picu la Bornaína y debaxo de La Cabaña Fondera.

Pebidal, El: Tierres y praos encima de Les Caecima y a la izquierda del regueru de La Riega'l Turnu, según les agües, na fastera de Perabeles.

Pedrazos, Los: Cases deshabitaes na lladera drecha, según les agües, del valle de La Cerezal, ente La Fócara y Les Baúgues.

Pedrera, La: Les cases que se topen namái pasar la iglesia de la parroquia, baxando pel camín.
   
Pegollín, El: Na fastera d'El Praón, a la mano riba de la curva la carretera cuando cruza El Regueru'l Praón. Hai una escombrera y dende fai trenta o cuarenta años, llámase-y tamién a aquello La Minuca.

Pegollina, La: Güerta dientro de Les Caecima, a la mano baxo de la carretera, fastera de Perabeles.

Pelgón, El: En terrén de Los Caleyos, debaxo de La Carba y a la mano riba d'El Pandu les Cruces.

Peña, La: Cachu monte encima de La Campa los Caleyos y cerca de La Vallina y de La Pareona.

Peña, La: Tamién en terrén de Los Caleyos pero na lladera drecha según les agües; ye un prau con forma de bota.
   
Peña, La: Nómase asina tamién, anque s'emplega menos, La Peña'l Cuervu, na llende S. de La Cerezal. Esiste un refrán conocíu pala xente que diz:
La nube pel Cordal, corderinos pal corral.
La nube per La Peña, corderinos riívos d'ella.

Peña'l Cuervu, La: Ente La Sereal y La Vara, na llende col Conceyu de Llaviana, na zona Sur del valle de La Cerezal. Tamién se conoz col nome de La Xerra la Vara.

Peñes del Casar, Les: Cachu monte que se topa no fondero de la fastera de La Seca, a la mano riba de La Granxa y de La Serruchina. Hubo allí antiguamente cases, de les que tovía güei se puen ver los cimientos.

Peñona, La: Na fastera d'El Monte Muñero, el picu que se topa a la mano drecha d'El Picu l'Artusu, visto dende Perabeles. Ta na vertical del pueblu d'El Riocerezal, onde tamién lu conocen col nome d'El Picón.

Perabeles: Pueblu de Santa Bárbola, na lladera izquierda, según les agües, del valle principal de la mesma, ente El Cantu les Mates y El Rezaleru, pela carretera que xube a La Colladiella. Nel padrón municipal apaecen les entidaes de «El Canto», «La Casuca», «La Caya», «Perabeles de Abajo» y «Perabeles de Arriba», que se correspuenden, na realidá y nel sentir de la xente, coles cinco partes que componen el pueblu de Perabeles. Hai en total cientu once viviendes de les que tán habitaes ochenta y una. Como fastera Perabeles llenda al N. cola d'El Riocerezal; al E. coles de Co la Iglesia, El Batán y La Robellá; al S. cola d'El Rezaleru; y al O. cola d'El Monte Muñero.

Peralín, El: La zona na rodiada de la campa del mesmu nome, a la mano baxo de La Casorra y d'El Picu'l Mayáu Curruscáu, fastera de La Robellá.
   
Peruyalona, La: Na fastera de Co la Iglesia, una güerta a la drecha de La Granxa, visto de frente y a la izquierda de La Cochera Maruja, llendando perriba y per baxo cola carretera.

Pezuca, La: Finca de Los Caleyos.

Pezuca, La: Finca a la mano baxo la carretera nel pueblu d'El Corral Nuevu, al delláu mesmo de La Pieza. Dalgunos llámen-y tamién La Piezuca.
   
Pezuca, La: Nel pueblu d'El Rezaleru, les güertes ente La Casuca, per riba, y el camín de La Valli Milaños, per baxo.

Pezuca los Pimientos, La: Nel estremu drechu del pueblu d'El Riocerezal, visto dende enfrente, una güerta a la mano baxo del camín, dempués de pasar la última casa.

Pibidal, El: Prau a la izquierda de La Payega l'Edráu, visto dende riba, y a la mano baxo de La Payega'l Pibidal.

Pica, La: A la mano riba de La Campa los Caleyos, praos y monte nel cumal, ente Los Pontaos y La Ceceal.

Picón, El: Lo mesmo que La Peñona, na fastera d'El Monte Muñero.

Picu, El: En terrén de La Seca, dos praos debaxo d'El Picu l'Encantamientu y a la mano riba de Los Llimanales.

Picu l'Aberual, El: El que se topa ente El Picu Llabayu y La Muezca la Bobia na llende ente La Cerezal y la parroquia de Blimea.

Picu l' Alturu, El: El que queda ente El Picu Focal y La Xerra'l Vegón, na llende ente La Cerezal y el restu de Santa Bárbola, na vertical d'El Batán.

Picu l'Argomusu, El: Na llende ente les fasteres de La Cerezal y de Co la Iglesia, a la izquierda d'El Focal, visto dende la última.

Picu l'Arquera, El: Na fastera de Los Caleyos, na llende col Conceyu de Mieres, el picu onde ta llantáu'l Monumentu al Mineru. Tien 886 m. d'altura.

Picu l'Arquera, El: El que se topa ente La Campa l'Arquera y La Campa l'Artusu na llende ente'l valle de Santa Bárbola y el del ríu Muñero. Tien nel so cumal una señal xeodésica. Llega hasta los 850 m.

Picu l'Artusu, El: Ente El Picu l'Arquera y La Peñona, na llende ente los valles de Muñero y Santa Bárbola, a 883 m. d'altura.

Picu la Bornaína, El: Dos praos d'El Valle les Fuentes, cerca y debaxo de La Cabaña Fondera.
   
Picu la Ceceal, El: Saliendo de La Campa la Ceceal escontra Felgazo, el primeru que queda a la mano riba del camín. Debaxo tópase'l prau de Les Llamargues.

Picu la Collá, El: Na llende ente la fastera de La Cerezal y la parroquia de Blimea, ente La Muezca la Bobia y El Picu'l Violíu.

Picu'l Colláu, El: Ún de los praos d'El Colláu ente Perabeles y El Riocerezal, el que se topa más cerca d'El Cantu.

Picu Colláu Piedra, El: Cerca de La Yana'l Cabonáu dientro d'El Valle les Fuentes.

Picu los Cotaraxos, El: El llugar más altu de La Xerra los Cotaraxos, con 933 m. na llende ente les fasteres de Los Caleyos y de El Valle les Fuentes.

Picu les Cruces, El: Con 956 m. ye'l puntu onde se xunten los conceyos de Llangreo, Mieres y Samartín, na fastera de Los Caleyos. Tamién se-y llama El Cantu Muñón.
   
Picu les Culiebres, El: El que se topa pa riba del pueblu de Veró, detrás mesmo d'El Xerru Bayuetu. Hai un prau na llomba que se forma nesti llugar.
   
Picu Focal, El: Nel valle de La Cerezal, llendando col restu de Santa Bárbola, el que se topa ente El Picu l'Argomusu y El Picu l'Alturu. Tamién .se-y llama El Campu Colláu.

Picu'l Focal, El: Lo mesmo que El Picu Focal.

Picu la Guarda, El: Na llende ente Santa Bárbola y el Conceyu de Llaviana, tópase ente L'Ubiu y Tretu, coronando la carba que lleva'l so mesmu nome.

Picu Llabayu, El: Ente El Picu l' Aberual y El Picu Palaciu, na llende ente la fastera de La Cerezal y la parroquia de Blimea.
   
Picu'l Mayáu Curruscáu, El: Picu a la mano baxo y na vertical de La Xerra Vegón, coronáu por una columna de la térmica de Lada, na llomba que divide los vallinos d'El Cuscáu y d'El Yanu'l Río, ente La Robellá y Veró.

Picu Mayáu Robellá, El: Ún de los ángulos de La Campa Mayáu Robellá, que vista dende baxo asemeya talmente un picu.

Picu Mofusu, El: Encima de La Reguera'l Rioteya, na fastera de La Cerezal.

Picu Palacio, El: Na llende ente la fastera de La Cerezal, la parroquia de Blimea y el Conceyu de Llaviana. Altura: 889 m.

Picu Palaciu, El: Lo mesmo que l'anterior.

Picu Pandiquín, El: En terrén de La Robellá, debaxo del prau de L'Alturu y pa riba de La Campa Mayáu Robellá.

Picu'l Sellón, El: El que queda pa baxo y a la mano drecha d'El Picu'l Texíu, visto dende La Seca. Llega a los 933 m.

Picu'l Texíu, El: Con 963 m. queda ente El Picu Tres Conceyos y El Picu'l Sellón, al final de la llomba que forma Tres Conceyos escontra la drecha.

Picu Tretu, El: Ente La Llomba la Verde y El Picu la Guarda, na llende de la fastera de Veró col Conceyu de Llaviana. Alcanza 1.031 m.

Picu Tres Conceyos, El: Con 1.097 m. ye la mayor altura de la parroquia de Santa Bárbola y de tol Conceyu de Samartín. El nome respuende al fechu de ser el llugar onde se xunten los conceyos de Mieres, Llaviana y Samartín pela fastera d'El Valle les Fuentes.

Picu l'Ubiu, El: El más puntiáu de los que se topen a la izquierda d'El Picu Tres Conceyos, visto dende Santa Bárbola, na llende ente esta parroquia y el Conceyu de Llaviana. Tópase a 1.000 m. d'altura.

Picu la Vara, El: Na llende ente'l valle de La Cerezal y el Conceyu de Llaviana, a la drecha de La Tazá, visto dende'l Oeste.

Picu la Verde, El: El cumal más altu de La Llomba la Verde.

Picu'l Violíu, El: Na llende ente la fastera de Paniceres y la parroquia de Blimea, un picu baxu nuna zona de xerru.

Picu la Xerra, El: El cantu a la izquierda d'El Regueru Castiellu, según les agües, na fastera d'El Batán cerca la llende cola de La Robellá.

Picu Yanu Espinera, El: V. El Yanu Espinera.

Picu Yanu Les Fayes, El: Queda esti picu na parte alta de la fastera Veró, pel camín que va a Tretu.

Piedra Yana, La: Prau que se topa a la mano baxo del camín que va dende'l pueblu Veró a El Pandu Cabu, cerca del regueru de Veró. Ye arrimáu enforma.

Pieza, La: Una güerta debaxo d'El Corral Nuevu y de la carretera, de llau de La Pezuca.
   
Pieza l'Arriendu, La: Güerta a la mano baxo del pueblu de Les Cas(es) de Baxo, na lladera izquierda, según les agües, del valle de La Cerezal, ta cerca de La Socarrera.

Pieza Fondera, La: Finca no fondero del terrén de Los Caleyos, cerca El Regueru Rullamosa.
   
Pieza la Fuente, La: Praos ente La Seca l'Agua y El Regueru la Granxa, a la mano baxo la caleya, que los separa de L'Espesuru. Fastera de La Del Agua.

Piezuca, La: Lo mesmo que La Pezuca (El Corral Nuevu).

Pindales, Los: Vallín de praos ente Les Cabañes y La Felguera, en terrén de Los Caleyos.

Pinganellón, El: Onde sal La Fuente Tretu, cerca de La Borná'l Macho, na parte alta de la fastera de Veró.
   
Pinos, Los: El llugar onde tuvo'l pinar plantáu pola empresa Duro Felguera nos años 40 y cortáu dafechu en 1988. Agora ye un bardial. Fastera d'El Batán.

Pionaes, Les: A la izquierda de Les Maeres, visto de frente, no cimero d'El Valle les Fuentes.

Polaúra, La: El llugar onde se topa la fonte del mesmu nome y les cuadres d'al pie, nun sen estrictu y orixinal. Nun sen ampliu y modernu abarca tol terrén de la rodiada, dientro la fastera d'El Monte Muñero, nel cumal que divide les agües de los ríos de Santa Bárbola y Muñero. En 1970 féxose, por iniciativa de los vecinos, una carretera dende Perabeles hasta lli. A partir d'entóncenes cellébrase, tolos 15 d'agostu, una popular romería. L'añu 1989 los vecinos llevantaron una ermita en L'Arquera.

Polea, La: Castañéu a la drecha d'El Rullamosa, según les agües, de llau d'El Castañéu la Paré y a la mano baxo d'El Vesquetín, na fastera de Los Caleyos.

Polea, La: A la mano drecha, según les agües, d'El Regueru los Conforcales, cerca de La Payega, en terrén d'El Riocerezal.

Polea, La: Castañéu na parte izquierda, visto de frente, de la fastera d'El Valle les Fuentes, encima de La Payega y debaxo d'El Prau Foyascu.

Pomará, La: Prau a la izquierda El Regueru'l Riocerezal, según les agües, a la mano baxo de la carretera ente El Cantu les Mates y El Regueru.
   
Pontaos, Los: Tres praos a la izquierda de La Pica, visto dende baxo, na fastera de Los Caleyos. Ye conocíu de la xente'l refrán que diz:
 El borrín enos Pontaos
 y l'agua per tolos llaos.


Potoxa, La: Ún de los pueblos de la parroquia de Santa Bárbola, nel km. 2,2 de la carretera Sotrondio - Los Caleyos, na oriella izquierda d'El Río, según les agües, nun llugar llanu, de forma redonda y bastante empozáu. Según el padrón municipal tien doce viviendes, de les que son habitaes, siete. La Potoxa como fastera llenda al N. cola de La Cruz; al E. cola de La Cerezal; al S. con Co la Iglesia; y a O. con El Praón.

Poza, La: Prau pa baxo y a la drecha d'El Texíu, visto dende enfrente, na fastera de Los Caleyos. Tópase cerca del repetidor de T.V. de La Colladiella.

Poza, La: Nel pueblu d'El Rezaleru, el llugar onde tán les cases de co la carretera.

Pozón (de La Llera), El: Asina-y llamen na fastera de La Del Agua al qu’en Perabeles se conoz como El Puzu la Llera.

Praales, Los: Praos de la oriella izquierda, según les agües, del valle de La Cerezal, ente Los Pandos y La Estayona.   

Praascón, El: Prau a la mano baxo de La Vega les Cruces, na fastera de Los Caleyos.

Prael, El: El monte que se topa a la mano baxo de La Campa Cimera, mirando pa la parroquia de Samartín y dientro'l terrén de so.
   
Praería de la Mayá, La: Tola rodiada de La Mayá, dientro la fastera de Los Caleyos. Tamién se-y llama Los Praos de la Mayá.

Praescón, El: Prau grande, agora partíu en dos estayes por una barganera, na zona de la drecha d'El Rullamosa, según les agües, pa baxo de La Quemaína y cerca d'El Prau'l Monte. Fastera de Los Caleyos.

Praiquín, El: Prau a la mano baxo de La Pieza la Fuente, en terrén de La Del Agua.

Pranón, El: Prau a la mano baxo d'El Texíu, na fastera de Los Caleyos. Nomáu polo arrimáu que ye, da llugar al conocíu dichu de: "Ye tan arrimáu como El Pranón».

Praón, El: Pueblu de Santa Bárbola, lladera izquierda del valle según les agües, cerca d'El Corral Nuevu, na carretera que va a Llabayos. Nos papeles del padrón municipal reza «El Pradón» con once viviendes, ocho d'elles habitaes. La fastera d'El Praón tien les siguientes llendes: al N. cola parroquia de Samartín y la fastera de La Cruz; al E. con La Potoxa y Co la Iglesia; al S. con El Riocerezal; y al O. con El Monte Muñero.

Praón, El: Prau grande na fastera de Perabeles a la mano riba d'El Prau Marqués y de la carretera ente La Fuente'l Rebollal y El Corralón.

Praones, Los: Praos del valle de La Cerezal, cerca de Los Enterríos Sereales.

Praonón, El: Lo mesmo qu'El Pranón, debaxo d'El Texíu, na fastera Los Caleyos.

Praoscón, El: V. El Praescón, na rodiada'l pueblu Los Caleyos.

Praos del Ci(n)güeñal, Los: No fondero del valle de La Cerezal, cerca d'El Socavón y delláu de Los Praos Nuevos.

Praos de la Mayá, Los: Lo mesmo que La Praería de la Mayá.

Praos Nuevos, Los: No fondero del valle de La Cerezal, de llau d'El Prau d'Usu.

Prau les Abareres, El: Na parte drecha, visto dende baxo, de la zona del mesmu nome, fastera d'El Batán.

Prau Ambroxo, El: Antigu prau, agora fechu monte, a la mano drecha d'El Prau Matías según les agües, na fastera d'El Monte Muñero.

Prau Arrimáu, El: Lo mesmo qu'El Prau Montés (La Cerezal).

Prau l'Artusu, El: Ente El Picu l'Artusu y El Picu l'Arquera, nel cumal del monte.

Prau Batán, El: El que se topa a la mano baxo d'El Cerráu, de forma triangular, na fastera d'El Batán.

Prau Berregusu, El: Na lladera drecha del valle de La Cerezal, según les agües y cerca de La Muezca la Bobia.

Prau la Cabaña, El: El que recibe l'agua de La Fuente la Polaúra, fastera d'El Monte Muñero, lladera del este.

Prau Cabu, El: Tres praos na fastera d'El Praón, a la mano drecha del regueru que pasa per La Minuca, según les agües, y de llau d'El Prau So Casa.

Prau Caleru, El: Cerca d'El Prau Valle, na fastera de Co la Iglesia.

Prau Caleyu, El: Na parte izquierda, visto de frente, de la fastera d'El Valle les Fuentes, ente El Picu la Guarda y El Yanu Masera.

Prau la Campa, El: Lo mesmo que La Campa y que La Campa los Caleyos.

Prau la Campa, El: Na fastera de Veró, cerca d'El Prau Medio.

Prau les Campes, El: Na llende ente la fastera de La Cruz y la parroquia de Blimea, a la mano riba de La Borná Pedro.

Prau la Canga, El: Na zona d'El Riocerezal que queda ente El Regueru'l Pontón y El Vallín de los Rebollinos.

Prau'l Cardeal, El: A la mano riba'l depósitu d'agua del pueblu de Los Caleyos.

Prau Cima, El: Pa riba de La Espesura, de llau mesmo de Los Fontones, na fastera de La Cerezal.

Prau Colláu, El: El que se topa debaxo mesmo de La Fuente'l Colláu, na fastera d'El Riocerezal.

Prau Corralón, El: Na fastera de La Robellá, oriella drecha d'El Río, según les agües, y cerca d'El Molín de Riba.
   
Prau'l Corralón, El: Na parte alta del pueblu de Peraveles, a la mano riba la carretera de La Polaúra, dempués de pasar El Corralón, xubiendo, y antes d'aportar al Regueru de la Riega'l Turnu. Queda encima d'El Pebidal.

Prau los Cotaraxos, El: Tien forma asemeyada al mapa d'Asturies y queda a la mano baxo de La Xerra los Cotaraxos, dientro de la fastera Los Caleyos.

Prau Cuetu, El: Un de los dos grandes praos de La Polaúra. L'otru ye El Prau Medio. Tan separtaos pel camín que va de La Fuente la Polaúra escontra Los Enterriegos o La Fuente'l Vasu. Siguiendo esa direición El Prau Cuetu queda a la izquierda. Ta dividíu nunes cuantes estayes.

Prau Cuscáu, El: Nel Vallín del Cuscáu, a la mano baxo de la carretera ente La Robellá y Veró.
   
Prau Escobal, El: Tópase na lladera drecha d'El Río, según les agües, enfrente del pueblu de L'Escobal, anque dientro del terrén de la fastera de Veró.

Prau Felgazo, El: Otru nome col que se conoz El Mayáu de Felgazo, dientro'l Conceyu de Llangreo.
   
Prau la Fiesta, El: Onde se cellebra la Fiesta'l Pote, debaxo de la ilesia de la parroquia. Tamién se-y llama La Güerta la Romería y La Güerta San Bartolomé.

Prau La Fontona, El: Nome antigu d'El Prau la Fiesta, na fastera de Co la Iglesia. Tamién se conocía como La Güerta la Romería o La Güerta San Bartolomé.

Prau Foyascu, El: Na parte izquierda d'El Valle les Fuentes, visto de frente, encima de La Polea y debaxo d'El Pandu Cabu. *Nel cartafueyu de l’A.Ll.A. apaez “Follascu” por un error na recoyida toponímica.

Prau la Fuente, El: Cerca del pueblu d'El Riocerezal, ente'l regueru y La Cantera, a la mano riba la carretera.

Prau Grande, El: Cerca y debaxo de La Llamarguina, dientro de la fastera d'El Valle les Fuentes. Queda encima de Los Praúcos y debaxo de Los Yanos, pasando per el regueru d'El Valle les Fuentes. La Llamarguina queda pa riba escontra L'Ubiu.

Prau l'Edráu, El: El prau grande y llanu que se topa a la mano baxo de les cases del pueblu del mesmu nome.
   
Prau Julián [xulján], El: Nel pueblu d'El Batán, queda a la mano baxo de la casa que ta na oriella la carretera. El so amu, Julián de Miera, vivió na primera mitá d'esti sieglu.

Prau de Justo [xústo], El: Na lladera drecha del valle de La Cerezal, según les agües ente La Payega Diego y L'Acebal d'Enmedio.

Prau Llamargu, El: Dientro mesmo del pueblu Perabeles, ente El Casarón y La Yana. Tán allí la bolera, el llavaderu y unes cuantes cases a los dos llaos de la carretera.

Prau Llamargu, El: Na fastera de La Robellá, al pie d'El Río y debaxo de La Canga. Usóse muncho pa xugar al fútbol.

Prau Llargu, El: Un prau allargáu ente Los G(r)omiales y Les Apelañes, a la mano baxo de L'Arquera, na lladera drecha, según les agües, del valle de Muñero.

Prau Llino, El: No fondero de la fastera de Perabeles, na oriella izquierda d'El Río según les agües, ente La Riega'l Turnu y el puente de co El Molín de Salvadora. De la que se segaba pa yerba, topábense nél munches plantes de llinu.

Prau los Llobos, El: Prau grande de la fastera de Los Caleyos, a la drecha d'El Rullamosa, según les agües.
   
Prau Llosetu, El: No fondero de la fastera de Perabeles, llenda per baxo con El Río na zona d'El Puzu la Olla, y per riba con Los Ribayos, del que ta separáu pel camín que tiraba pal pueblu d'El Molín.
   
Prau Marqués, El: Na parte alta del pueblu de Perabeles, el que queda a la mano riba d'El Marquesón, travesáu pola carretera de La Polaúra, ente La Fuente'l Rebollal y El Corralón.

Prau Matías, El: Prau grande y mui arrimáu dividíu nunes cuantes estayes, na lladera drecha, según les agües, del valle de Muñero. Perriba llenda con El Mofusu y pela izquierda, visto dende baxo, con La Carba Ambroxo.

Prau Mayaín, El: Cerca de les cases del pueblu de Los Caleyos.

Prau Medio, El: L'otru gran prau de La Polaúra xunto con El Prau Cuetu. Tópase enfrente d'ésti, a la mano drecha'l camín que va de La Fuente la Polaúra a La Fuente'l Vasu. Ta partíu nunes cuantes estayes.

Prau Medio, El: Na fastera de Veró, cerca d'El Prau la Campa.

Prau Mereal, El: Dientro de la fastera de Los Caleyos, queda a la mano baxo de La Pica y de Los Pontaos.

Prau'l Molín, El: Nel pueblu de La Cruz, oriella drecha d'El Río, según les agües, nel llugar onde salía'l tren del Puzu Cerezal.
   
Prau Monte, El: No cimero El Valle les Fuentes, ente Les Xanes, per baxo, y Les Maeres, perriba. Hai dos o tres estayes col mesmu nome.

Prau('I) Monte, El: Prau debaxo de La Xerra los Cotaraxos, na lladera la mandrecha, según les agües, d'El Rullamosa, terrén de Los Caleyos.

Prau Montés, El: Na lladera drecha, según les agües, del valle de La Cerezal, pa riba de Los Pedrazos y debaxo de L'Estrellaúriu. Tamién se-y llama El Prau Arrimáu.

Prau la Pará, El: Na oriella drecha d'El Rullamosa, según les agües, na fastera de Los Caleyos.

Prau la Paré, El: A la mano baxo del pueblu de Los Caleyos, cerca El Cangón.

Prau Paré, El: Na lladera izquierda, según les agües, de la fastera de La Cerezal; tópase a la mano riba d'El Campurru.
   
Prau Peñán, El: Na fastera de La Del Agua, tópase ente la carretera y el camín que va de La Casa Nueva a El Vescón, a la drecha, según les agües, del regueru que baxa de La Polaúra.

Prau Portiella, El: La estaya más fondera de La Llosa'l Riocerezal, a la mano riba la carretera na zona d'El Regueru.

Prau La Poza, El: V. La Poza, fastera de Los Caleyos.

Prau la Presa, El: Ente les cases d'El Batán y El Río, a la izquierda d'El Regueru Castiellu, según les agües. Tovía se puen ver allí los restos del molín del Batán.

Prau Puzu, El: Enriba de Los Yanones, cerca de La Llomba la Verde, na zona alta-izquierda, según les agües, del terrén de La Cerezal.

Prau Ratu, El: De llau d'El Molín del Canteru, nel valle de La Cerezal.

Prau Regueru, El: Llendando per riba col prau de La Fuente'l Vasu, va allargándose lladera abaxo hasta encima d'El Prau Matías, na lladera drecha del valle de Muñero. Dientro d'él surde La Fuente'l Fierro.

Prau Regueru, El: Na parte fondera de la fastera d'El Riocerezal na llende cola de Perabeles, tópase esti prau a la mano baxo d'El Castañéu del Cantu y de la carretera, y a la drecha, según les agües, d'El Regueru'l Riocerezal, que-y sirve de llende con La Pomará.

Prau Regueru, El: A la mano baxo del pueblu de Veró y cerca d'El Prau Foyascu.

Prau Reúndu, El: Prau a la mano riba de La Payegona, na lladera izquierda del valle de La Cerezal.
   
Prau (la) Riega, El: Na lladera izquierda, según les agües, del valle de La Cerezal, el que se topa a la mano baxo de la carretera, a onde va a dar l'agua de La Fuente les Cas(es) de Baxo.
   
Prau la Riega, El: Nel pueblu de Perabeles, el que queda ente La Llosa'l Valle y el regueru de La Riega'l Turnu, llendando perriba con La Güerta la Caya.

Prau Robellaos, El: Ente La Mayá Vieya y El Merendón, na lladera drecha, según les agües, de la fastera de La Cerezal.

Prau Rufo, El: El que queda a la mano baxo del camín, ente La Campa'l Berizal y La Xerra'l Regáu, na fastera d'El Monte Muñero.

Prau'(l) Santiagón, El: Debaxo d'El Cantu la Fócara, na lladera drecha, según les agües del valle de La Cerezal. Tamién-y llamen Los Santiagones.

Prau Socasa, El: Na parte alta d'El Riocerezal, de llau y encima d'El Tendeyón y debaxo de la caleya de La Casiquina.

Prau Socasa, El: A la mano baxo del pueblu d'El Praón y a la izquierda del regueru, según les agües.

Prau Solacasa, El: A la mano baxo de La Regatina, dientro los terrenos de la fastera Veró.

Prau Soldáu, El: A la izquierda de Los Pinos, visto dende baxo; antes tamién garraba la zona del pinar. Fastera d'El Batán.

Prau Somayáu, El: Na parte fondera del terrén de Los Caleyos, cerca de La Collica.

Prau Sutu, El: Dientro'l terrén d'El Riocerezal, a la mano baxo de la carretera y de Les Dieces, llendando per baxo col regueru.

Prau'l Texíu, El: Prau grande que tien terrén, per un fastial en Santa Bárbola y pel otru nel Conceyu Mieres, que ye per onde surde la fonte del mesmu nome. Lo que cai pa Santa Bárbola ta na llende ente les fasteres d'El Valle les Fuentes y Los Caleyos.

Prau Texuca, El: Na oriella izquierda, según les agües, del Río Muñero, un prau llanu enfrente de La Yaná. Pertenez a la parroquia de Santa Bárbola anque llenda col Conceyu de Llangreo.

Prau l'Ubiu, El: Na llende ente la fastera d'El Valle les Fuentes y el Conceyu de Llaviana, dos praos a la drecha d'El Picu l'Ubiu, visto dende Santa Bárbola.

Prau Urdial, El: Na oriella izquierda, según les agües, d'El Río, pa baxo d'El Molín de Riba, ente les fasteres de Peraveles y El Rezaleru.

Prau d'Usu, El: No fondero'l valle La Cerezal, encima d'El Socavón y de llau de La Gallega. Dalguna vez pue oyese a daquién dicir de manera enquivocada El Prau l'Usu.

Prau Valle, El: Na zona d'El Valle, lladera drecha, según les agües, de la fastera de Co la Iglesia.

Prau Vallín de Cuetu, El: A la mano baxo d'El Cerráu, na lladera izquierda, según les agües, del valle de La Cerezal.
   
Prau Vallina, El: Prau y monte a la mano baxo de los praos de La Seca (los de la izquierda visto dende riba); per baxo llenda con Les Peñes del Casar.

Prau la Vara, El: Na zona de La Vara, pela parte alta drecha, según les agües, de la fastera de La Cerezal.

Prau Vicenta Miera, El: Una de les estayes d'El Prau Regueru, la de la izquierda visto dende riba, en terrén d'El Monte Muñero.

Prau Vicenta Miera, El: Una de les estayes d'El Praón, a la mano riba la carretera, ente La Fuente'l Rebollal y El Corralón, na fastera de Perabeles.

Praúcos, Los: Unos praos pequeños a lo fondero de La Vallina la Ceceal, en terrén de Los Caleyos.
   
Praúcos, Los: Estayes de praos d'El Valle les Fuentes, encima de La Campa Sotana y d'El Mayaín, y debaxo d'El Prau Grande. Pasa per ellos el regueru d'El Valle les Fuentes.

Praúcu, El: Caúna de les estayes de Los Praúcos, na fastera de Los Caleyos.
   
Praúcu, El: Na fastera de La del Agua, prau pequeñu y mui arrimáu dientro de la zona de L'Espesuru; tópase a la mano riba del camín ente Tres el Pandu y El Regueru la Granxa. Tamién se-y llama cómicamente La Canga l'Oso.

Praúcu Baxo, El: Na parte baxa d'El Vallín del Cuscáu, ente La Robellá y Veró.

Praúcu la Fayonalta, El: Na lladera izquierda, según les agües, de la fastera de Los Caleyos.

Praúcu la Llera, El: De llau mesmo d'El Puzu la Llera, na oriella drecha d'El Río, dientro'l terrén de la fastera de Veró.

Praúcu la Presa, El: Per onde pasaba la presa d'El Molín de Salvadora, na oriella. drecha d'El Río dientro de la fastera de La Robellá.

Praúcu'l Xerrón, El: En terrén de Los Caleyos.

Presa, La: Dos estayes de prau a la drecha d'El Regueru les Casuques, según les agües. Fastera Veró.

Prialona, La: Na fastera d'El Rezaleru, finca debaxo de La Llosa Riba y encima'l camín de La Valli Milaños, que la separa de La Llosa Nueva.

Privaliega, La: Prau na rodiada de La Polaúra, a la mano riba de Los Omeros y debaxo la carretera y El Prau Medio.
   
Pueblu, El: La parte más antigua del pueblu de Los Caleyos. Ta dempués de pasar El Regueru y antes d'aportar a Les Cabañes. Cuéntase qu'allí tenía la casa, fai munchos años, un xuez.

Pueblu, El: La parte más antigua del pueblu de Perabeles, onde se topen les cases de la Tía Mersinda, de Rogelia y de Lin, entre otres.

Puzu Bartuelo, El: Fontán qu'hai ente La Payega l'Edráu y La Payega'l Pibidal, na oriella la carretera y cerca yá de La Polaúra. Llámase asina porque allí mató un güe al so amu (Bartuelo) hacia 1921. L'home llevábalu a l'agua y nun revés l'animal mató al paisanu. Dizse que dempués el toru pegaba unes berríes de mieu como p'avisar de lo que pasare.

Puzu la Llera, El: Na rodiada de Les Argayaes, el que fai El Río nel llugar del mesmu nome. Agora ye'l que más usa la xente pa bañase pel branu. De llau mesmo del puzu hai una bona campa p'asoleyase o xugar a la pelota.

Puzu los Llobos, El: Una fondigonada del terrén na sebe cimera del prau de La Seca (el que se topa debaxo d'El Cuetu la Seca). Cuntaben los vieyos que los sos güelos usábenlu como trampa pa cazar llobos.

Puzu'l Molín de Riba, El: El que fai El Río debaxo'l puente del mesmu nome nel camín que va d'El Cantu de Perabeles al pueblu de La Robellá.

Puzu'l Molinón, El: En El Río, onde entama la presa que llevaba l'agua a El Molín de Salvadora; queda pa baxo un poco d'El Molinón.

Puzu la Olla, El: En El Río, ente El Prau Llosetu pela parte de Perabeles, y Les Sayetes pela de Co la Iglesia. De forma redonda, yera a onde más diba pel branu la reciella de Perabeles.

Puzu Sabino, El: El que fai El Río na fastera de La Cruz, al pie la curva la carretera, ente el llavaderu de La Cruz y El Molín de la Estaca. Sabino, que morrió a mediaos d'esti sieglu, ye'l paisanu que vivía na casa de la oriella la curva, enfrente mesmo del pozu.

Puzu'l Socavón, El: Nome popular antigu d'El Puzu Cerezal de la empresa minera Hunosa. Antes tamién se llamó oficialmente «Pozo Santa Bárbara». Nel añu 1989 la empresa zarrólu dafechu. Ta na llende ente les fasteres de La Cruz y La Cerezal.

Puzu Tous, El: En El Río, ente El Molín de Riba y El Molinón. Ye pequeñu y fo asina bautizáu polos guah.es de Perabeles, na década de los sesenta, indicando que tous podín dir allí a bañase.

Puzu'l Trabancu, El: El que fai El Río na fastera de La Potoxa, debaxo la presa d'onde se garraba l'agua pa mover el molín de la Estaca.

Quemaína, La: Na oriella drecha, según les agües, de la fastera de Los Caleyos, prau cerca de Los Nareos y pa riba d'El Vesquetín.
   
Quintu, El: La zona per onde salía'l quintu pisu de les mines d'El Socavón, ente La Riega'l Truncu y La Reguera'l Rioscura, na llende ente los terrenos de Co la Iglesia y La Cerezal.

Raposa, La: Prau na lladera drecha, según les agües, del valle de La Cerezal, cerca de La Borná Tomasín.

Rebollá, La: Lo mesmo que La Robellá, pueblu.

Rebellal, El: Monte ente La Nespral y La Fócara, na lladera drecha del valle de La Cerezal, según les agües.

Rebollal, El: Na fastera de Los Caleyos, a la mano riba de La Sota.

Rebollal, El: El viescu que se topa ente El Costayu y Los Foxacones, na lladera izquierda del valle de La Cerezal.

Rebollalón, El: Prau cerca de La Mata'l Rei, na fastera de La Del Agua, a la izquierda d'El Rebolláu, visto dende baxo.
   
Rebollalón, El: Dientro'l terrén d'El Riocerezal, lo que queda a la mano tras de la vivienda que se topa hacia la mitá del camín que va dende El Regueru a El Corralón.

Rebolláu, El: Na fastera de La Del Agua, prau al par de La Mata'l Rei, y a la drecha d'El Rebollalón, visto dende baxo.

Rebollinos, Los: Praos na rodiada de La Cueva'l Rebollón, fastera de La Robellá.

Rebollinos, Los: Lo mesmo qu'El Vallín de los Rebollinos.

Rebollusu, El: Tola zona a la mano riba de la caleya del mesmu nome, na fastera d'El Riocerezal. Per baxo llenda con La Cota'l Rebollusu, y per riba con La Pezuca los Pimientos.

Rebullu Caíu, El: Prau, na parte alta de Perabeles, a la mano baxo Los Sombreales y encima d'El Corralón.
   
Rebullu los Llimaces, El: Debaxo de Les Peñes del Casar y al delláu de La Granxa, ente les fasteres de La Seca y La Del Agua. Hai nesti llugar un rebollu que tendrá centenares d'años.

Recerezal, El: Lo mesmo que Riocerezal, El; pueblu de la collación.

Recuscáu, El:
Prau en El Vallín del Cuscáu, a la izquierda del pueblu de Veró, visto dende enfrente, a la mano baxo la carretera.

Regata, La: Prau na parte fondera de la fastera de Veró, cerca de Finlandia.

Regatina, La: Prau a la mano baxo de La Llosa Veró y enriba d'El Prau Solacasa.

Regüelta'l Candanón, La: Na antigua caleya de Perabeles a La Polaúra, la que ta na zona d'El Candanón, de 180 °, nel llugar onde se garraba l'atayu que diba a El Soledráu.

Regüelta la Casuca, La: Nel pueblu de Perabeles, la que fai la caleya que va dende La Vallina a La Casuca.
   
Regüelta la Llosona, La: Na antigua caleya de Perabeles a La Polaúra, de 180°, la que se topa dempués de la d'El Candanón, xubiendo, y enantes d'aportar a L'Edráu.

Reguera la Casa Cima, La: Naz en La Casa Cima, en La Fuente Mateo, debaxo mesmo de la carretera.

Reguera les Llimaces, La: Lo mesmo qu'El Regueru los Llimaces.

Reguera la Pieza, La: La que naciendo en La Fuente'l Rebollal pasa pel medio'l pueblu Perabeles. Tamién se llamen asina les güertes que se topen de llau d'ella, a la mano baxo de Les Caecima y encima d'El Prau Llamargu.

Reguera'l Rioscura, La: La que se topa ente El Quintu y La Gallega, na lladera izquierda, según les agües, del valle de La Cerezal. Tamién se llama asina al castañéu del vallín que forma.

Reguera'l Rioteya, La: Prau a la mano riba de Les Vegues, y debaxo de La Llomba la Verde, na zona alta-izquierda, según les agües, del valle de La Cerezal.

Reguerina, La: El terrén ente La Fócara y Los Pedrazos, na lladera drecha del valle de La Cerezal.

Reguerina'l Colláu, La: La que naz en La Fuente'l Colláu y baxa ente Les Dieces y La Lloseta, na fastera d'El Riocerezal.

Reguerón, El: El nome que se-y da al d'El Valle les Fuentes, na so parte fondera, la de más pingones, per onde más fuerte baxa.

Regueru, El: Una de les partes del pueblu de Los Caleyos, ente les de La Xerra y El Pueblu.

Regueru, El: Na carretera ente El Cantu les Mates y Perabeles, dientro de la fastera d'El Riocerezal, el llugar per onde pasa'l regueru d'esti caberu pueblu. Hai una casa y dos cocheres y allí ye onde se garra'l ramal que xube pa El Corralón.

Regueru'l Batán, El: Otra manera, más moderna, de nomar El Regueru Castiellu.

Regueru Baxo, El: El que baxa per El Vallín del Cuscáu, a la izquierda del pueblu Veró, visto dende enfrente.
   
Regueru Berixel, El: El mesmu Regueru Robleo al pasar pelos terrenos de La Cruz. Ye'l últimu de los regueros que recibe pela izquierda El Río de Santa Bárbola.

Regueru'l Campurru, El: El que pasa pela zona d'El Campurru, cerca de La Espesura, na fastera de La Cerezal.

Regueru Castiellu, El: El que baxa de Les Abareres hasta El Batán, dientro d'esta cabera fastera.

Regueru les Casuques, El: Asina se conoz El Regueru Veró na so zona fondera.

Regueru la Cerezal, El: El qu'atraviesa'l valle del mesmu nome hasta dir a parar a El Río, pela drecha, nel pueblu de La Cruz.

Regueru los Conforcales, El: Na fastera d'El Riocerezal, aníciase en La Bornaona y xúntase con El Regueru'l Pontón pela mano drecha.
   
Regueru de la Fuente la Faya, El: Na fastera de Los Caleyos, el que pasa pel llugar del mesmu nome, formando'l vallín qu'hai ente El Xerru Melones y El Cantu.
   
Regueru la Granxa, El: El que s'anicia en La Fuente la Seca; llámase asina cuando pasa per La Granxa, dempués de llamase El Regueru los Llimaces y antes de ser El Ruxerra.

Regueru les Llamargues, El: El nome d'El Rullamosa na so zona d'aniciu, en Les Llamargues, terrén de Los Caleyos.

Regueru los Llimaces, El: El que s'anicia en La Fuente la Seca; ésti ye'l primer nome que tien; más abaxo yá, va a llamase El Regueru la Granxa.

Regueru'l Mayáu Nuevu, El: El nome que se-y da al d'El Valle les Fuentes na so zona más alta. Na media ye El Regueru'l Rebuscu, y na fondera El Reguerón.

Regueru Pandu Medio, El: El nome d'El Rullamosa na so zona media, dempués de pasar la más alta onde se-y llama El Regueru les Llamargues.

Regueru la Pará, El: Esti regueru xúnese con El Rullamosa, na parte fondera de la fastera Los Caleyos.

Regueru'l Pindal, El: Na fastera de Los Caleyos, el nome d'El Regueru'l Robelláu, al pasar per Los Pindales.
   
Regueru de la Polaúra, El: El qu'anicia na fonte del mesmu nome y que se llega a xuntar col d'EI Rezaleru y el de Los Carcabones, na fastera de La Del Agua.

Regueru'l Pontón, El: El más céntricu de la fastera d'El Riocerezal, na so parte cimera. Ta a la izquierda, visto dende baxo, d'El Vallín de los Rebollinos.

Regueru'l Praiquín, El: El mesmu Regueru la Granxa cuando pasa per El Praiquín; ésti ye l'últimu de los sos tramos, cuatro en total, nos que recibe los nomes de Regueru los Llimaces, Regueru la Granxa, Ruxerra y por fin ésti de Regueru'l Praiquín. Fastera de Los Caleyos, na llende con La Del Agua.

Regueru'l Prau Pará, El: Lo mesmo qu'El Regueru la Pará, en Los Caleyos.

Regueru'l Prau Peña, El: El qu'anicia ente El Picu los Cotaraxos y El Sellón, baxando a xuntase con El Rullamosa pela mano drecha. Fastera de Los Caleyos.

Regueru'l Prau Solallosa, El: El que se xunta con El Regueru'l Pindal pela izquierda, na fastera de Los Caleyos.

Regueru'l Rebuscu, El: El nome del regueru d'El Valle les Fuentes nel so tramu mediu. Per riba llámase El Regueru'l Mayáu Nuevu, y per baxo, El Reguerón.

Regueru'l Rezaleru, El: El que fai de llende ente les fasteres de La Del Agua y El Rezaleru, pasando pela fonte d'esti caberu pueblu.

Regueru'l Riocerezal, El: El que se forma dempués de xuntase El Regueru'l Pontón y El Regueru los Conforcales. Pasa pel pueblu d'El Riocerezal, onde tiempu atrás movía un molín.

Regueru'l Riosurbia, El: Un regueru que baxa pela zona de La Reguera'l Rioteya, na parte alta de la fastera de La Cerezal.
   
Regueru'l Robelláu, El: El que se topa a la mano drecha, visto dende baxo, d'El Regueru les Llamargues. Na so parte fondera llámase El Regueru'l Pindal. Fastera de Los Caleyos.

Regueru Robleo, El: Esti regueru fai de llende ente la fastera d'El Praón y la parroquia de Samartín. Ye'l mesmu qu'al pasar per La Cruz tien el nome de Berixel o Merichel.

Regueru la Rotura, El: Ente El Regueru'l Praón y El Regueru Berixel. Xúntase con El Río, pela izquierda, nel pueblu de La Cruz.

Regueru Rullabayu, El: El que baxa pela zona d'El Rullabayu, na lladera drecha del valle La Cerezal.

Regueru Sereal, El: El que pasa pela zona de La Sereal, na llende sur d'El Valle La Cerezal.

Regueru Solallosa, El: Un cachu de terrén a la mano baxo d'El Prau Socasa, nel pueblu d'El Praón.

Regueru la Teya Marcos, El: El que cuerre pela zona de La Teya Marcos, dientro los terrenos de la fastera El Valle les Fuentes.

Regueru les Vallines, El: El que pasa pela zona de Les Vallines, de llau d'El Cantu la Fócara, na lladera drecha del valle de La Cerezal.

Regueru Veró, El: El que pasa a la izquierda del pueblu del mesmu nome, según les agües. Tuvo antiguamente un molín.

Reonda, La: Cachu terrén a la mano baxo d'El Cantu la Carba, ente les fasteres d'El Monte Muñero y El Rezaleru-La Del Agua.

Reondinos, Los: Na fastera de La Cerezal, pa riba d'El Molín de Bárbola, cerca de La Espesura, a la izquierda del regueru, según les agües.

Requexu, El: Prau na rodiada'l pueblu d'El Colláu Escobal, a la mano riba la carretera.

Restinga, La: Zona de llende ente les fasteres de Paniceres y de La Cruz, na oriella izquierda d'El Río, según les agües; ye un terrén bastante llano. Nel padrón municipal apaez como entidá con catorce viviendes, habitaes doce d'elles.

Rezaleru, El: Pueblu de Santa Bárbola, nel km. 5,5 de la carretera que xube a La Colladiella. Reza nel padrón municipal como «El Riocerezalero» con dieciséis viviendes, de les que tán habitaes nueve. La fastera d'El Rezaleru llenda al N. cola de Perabeles; al E. cola de La Robellá; al S. con La Del Agua; y al O. con El Monte Muñero.

Riascura, El: Lo mesmo qu'El Rioscura, na fastera de La Cerezal.

Ribayón, El: Prau no fondero de la fastera de La Del Agua, na lladera izquierda d'El Rullamosa, según les agües.

Ribayones, Los: Debaxo de La Campa, en terrén de Los Caleyos, y a la mano riba de La Cordedera.

Ribayos, Los: A la mano baxo del pueblu de Perabeles, unos praos debaxo d'El Sucu la Yana y encima d'El Prau Llosetu.
   
Riega, La: En La Cerezal, les cases que se topen de llau la carretera, a la mano baxo d'El Bericiusu. Na práutica, y tamién nel padrón, funciona como una parte del pueblu d'El Bericiusu.
   
Riega'l Truncu, La: El regueru que, aniciando cerca de La Braña, desagua en El Río pela drecha, na fastera de La Potoxa. Tamién se llamen asina los castañeos que crecen nel so vallín. Fastera de La Potoxa.

Riega'l Turnu, La: La riega que s'anicia pela zona d'El Nabalón, pasando dempués per Les Caecima y La Caya, na fastera de Perabeles.

Riega'l Valle les Fuentes, La: El regueru qu'atraviesa tou El Valle les Fuentes hasta que se xunta con El Rullamosa, na zona de Solavega, formando ente los dos El Río. Esti regueru tien tres partes colos siguientes nomes pa caúna d'elles, empezando pela más alta: El Regueru'l Mayáu Nuevu, El Regueru'l Rebuscu y el Reguerón.

Río, El: Por antonomasia, asina-y llamen, na parroquia de Santa Bárbola, al ríu principal de la mesma.

Río l'Agueria Miera, El: Nome antigu del ríu principal de la parroquia de Santa Bárbola.

Río Muñero, El: El que forma'l valle que queda al Oeste del de Santa Bárbola. Anicia a la mano baxo de La Campa la Ceceal. Conozse con esti nome namái que nel so primer tramu que ye precisamente la zona per onde tán los fiensos que dixebren el Conceyu de Llangreo del de Samartín. Nel tramu mediu llámase El Regueru'l Carbayal, y al final El Río les Cubes.

Riocerezal, El: Pueblu de Santa Bárbola, na lladera izquierda, según les agües, del so valle principal. Llégase a él per un ramal de la carretera que sal del pueblu de Perabeles. Tien, según el padrón municipal, venti viviendes, de les que trece tán habitaes. La fastera d'El Riocerezal llenda al N. con El Praón; al E. con Co la Iglesia; al S. con Perabeles; y al O. con El Monte Muñero.

Rioscura, El: La zona per onde pasa la reguera del mesmu nome, na lladera izquierda, según les agües, del valle de La Cerezal. Tamién se pue oyer la variante Riascura.

Robellá, La: Pueblu de la parroquia de Santa Bárbola, na lladera drecha, según les agües, del so valle principal. Queda ente los d'El Batán y Veró. Nel padrón municipal podemos ver «La Robellada» con trenta y dos viviendes, de les que apaecen como habitaes quince. La fastera de La Robellá llenda al N. cola d'El Batán; al E. cola de La Cerezal; al S. cola de Veró; y al O. coles d'El Rezaleru y La Del Agua. Esti topónimu pue sintise indistintamente Rebollá o Robellá, anque los naturales del mesmu inclínense más bien por esti caberu.

Robelláu, El: Una mata a la mano baxo de Tres los Caleyos, na lladera izquierda, según les agües, d'esta última fastera.

Rotura, La: El terrén de xunto al regueru del mesmu nome cuando aporta al pueblu de La Cruz; ye la zona de la granxa avícola.

Rozá, La: Prau de la fastera de Los Caleyos, a la mano baxo de Les Cruces.

Rozá, La: El cachu monte que se topa debaxo d'El Picu l'Artusu y encima de L'Acapiellu Cimeru, dientro la fastera d'El Monte Muñero.

Ru, El: Otru nome col que se conoz El Rullamosa.

Rucu, El: Na fastera de La del Agua, prau a la mano baxo de La Fuente la Llascarina, ente La Cabornia y el pueblu de La Vallica l'Agua.

Rullabayu, El: Prau a la mano baxo de Les Nabaliegues, na lladera drecha, según les agües, del valle de La Cerezal.

Rullamosa, El: El regueru que se forma cola xuntura de la mayoría de los de la fastera de Los Caleyos. Cerca de Solavega recibe pela drecha al d'El Valle les Fuentes pa facer ente los dos El Río. Tamién, unes finques na oriella izquierda del regueru, según les agües.

Ruxerra, El: Llámase asina a El Regueru la Granxa y a la so rodiada cuando pasa pelo fondero de La Pieza la Fuente, ente les fasteres de La Del Agua y Los Caleyos.

Sabareres, Les: Asina s'interpreta «Les Abareres» ente la xente de La Robellá, Veró, La del Agua, Los Caleyos y El Rezaleru.

Santiagones, Los: Praos fondos de Les Vallines, na lladera drecha, según les agües, del valle de La Cerezal.

Sayetes, Les: Na fastera de Co la Iglesia, tol cachu terrén que se topa dende La Campa'l Colláu hasta El Puzu la Olla. A la mano riba d'esti pozu hai una casa, lo que fai qu'apaeza tamién el topónimu nel padrón municipal, castellanizáu como «Sayetas», con una vivienda ensin habitar.

Seca, La: Nun sen reducíu son cuatro praos que se topen debaxo de los cuetos de La Seca y Cerezalona, na lladera del valle de Santa Bárbola. Nun sen más ampliu constituye toa una fastera que tien les sos llendes d'esta manera: al N. y al O. con El Monte Muñero; al S. con Los Caleyos; y al E. con La Del Agua, gracies a la cual defínese por oposición. Na fastera de La Seca namái que naz un regueru. Tolos otros apaecen más abaxo, en La Del Agua.

Seca l'Agua, La: Ún de los pueblos de la parroquia, dientro la fastera de La Del Agua. Llégase a él pel camín que sal d'El Colláu Escobal y dempués de pasar los pueblos de La Vallica l'Agua y La Paré. El padrón municipal trai «Secadelagua», quince viviendes, de les que tán habitaes cinco.

Sellón, El: Na parte alta de la fastera de Los Caleyos, prau grande a la mano drecha d'El Picu los Cotaraxos, visto dende baxo.
   
Sereal, La: Zona de monte ente La Llomba la Verde y La Peña'l Cuervu, na parte alta y S. de la fastera de La Cerezal, na llende col Conceyu de Llaviana.
   
Serruchina, La: El cachu monte que se topa a la mano drecha de La Granxa, visto dende baxo, cerca de La Casa Cima, ente les fasteres de Los Caleyos y La Del Agua.

Sétimu, El: La salida del sétimu pisu de les mines d'El Socavón, ente El Quintu y El Novenu, na llende ente les fasteres de Co la Iglesia y La Cerezal.

Sienda, La: El cachu monte que se topa a la mano baxo de La Campa Cimera, mirando pal valle de Les Cubes.

Sistiaeru, El: Na lladera de la mandrecha, según les agües, de la fastera Los Caleyos, debaxo d'El Praanón y d'El Prau la Poza.

Sobrecasa: Un prau a la mano tras del pueblu de L'Azorea, na lladera izquierda, según les agües, del valle La Cerezal.

Socarrera, La: Prau no fondero'l pueblu de Les Cas(es) de Baxo, cerca de La Pieza l'Arriendu, na fastera de La Cerezal.

Socavón, El: El llugar per onde s'entraba al Puzu Cerezal y la so rodiada. Ta dientro la fastera de La Cruz, anque nel valle d'El Regueru de La Cerezal. Llégase allí pel ramal que sal de La Cruz pasando per Miera. Apaez nel padrón municipal como «Socabón» con una vivienda habitada.

Socorral, El: Les tres cases del pueblu de Perabeles que se topen más a la mano drecha, visto dende enfrente, cerca la llende cola fastera  d'El Riocerezal.
   
Sofontán, El: Dientro'l pueblu Perabeles, la pequeña rodiada de los fontanes que se topen na caleya que va a La Vallina pasando per debaxo de L'Eru Riba.

Solana, La: Dientro'l pueblu Perabeles, el terrén ente El Barreru y Co la Fuente, a la mano baxo de la carretera y encima d'El Llosetón.

Solana, La: Prau de la fastera El Monte Muñero, debaxo de La Campa Llabayu y cerca d'El Prau Matías.

Solavega: De llau mesmo de La Llera, na oriella izquierda d'El Río, según les agües, y a la mano baxo de La Vega la Seca l'Agua.
   
Soledráu, El: Tola zona de terrén, praos y mates que se topa a la mano baxo del pueblu de L'Edráu, hasta pegar con El Calerón.
   
Solyanón: A la mano baxo d'El Yanón. Son les primeres cases del pueblu d'El Colláu Escobal, que queden a la mano riba de la carretera dempués de pasar La Casa Nueva, xubiendo.
   
Sombreales, Los: El castañéu de la parte alta de Perabeles que se topa a la mano riba d'El Rebullu Caíu y debaxo d'El Cuetu Quemáu; pela izquierda, visto dende baxo, queda La Mata Arnesta.

Sombría, La: Finca de la fastera de Los Caleyos, na so lladera izquierda, según les agües, cerca de La Mayá Cardeal.

Sota, La: Na fastera de Los Caleyos, prau debaxo la oriella d'El Rebollal.

Sotiellu, El: Una parte del pueblu de Perabeles, a la izquierda de La Riega'l Turnu, según les agües, ente La Caya y Les Caecima. Hai una vivienda.

Suarón, El: Estaya de La Llosa'l Riocerezal, ente'l senderín y el regueru, cerca yá de les cases del pueblu.

Sucón, El: Prau detrás mesmo del pueblu de L'Edráu.

Sucón, El: Prau pequeñu d'El Valle les Fuentes, a la mano baxo d'El Prau Grande, enriba de La Campa Sotana.
   
Sucu, El: Dientro'l pueblu d'El Rezaleru, onde arranca la caleya que va a El Cantu La Del Agua; queda debaxo y a la izquierda, según les agües, d'El Payegu.

Sucu la Yana, El: Nel pueblu de Perabeles, prau a la mano baxo de La Yana y encima de Los Ribayos.

Sucullú, El: Prau del valle de La Cerezal que se topa a la mano riba de Los Cullús.

Tazá, La: Ente El Picu la Vara y El Picu Palacio, lo más baxo del cumal que fai de llende ente la fastera de La Cerezal y el Conceyu de Llaviana.

Tendeyón, El: Praos a la mano drecha, visto dende baxo, de La Curva'l Tendeyón, na llende ente los terrenos de Perabeles y El Riocerezal.

Texera, La: Nel Conceyu de Llangreo, unos praos a la drecha d'El Mayáu Miguel, visto dende Los Enterriegos. Hai una casa ente unos árboles que pel branu ta habitada. Según un conocíu dichu de Santa Bárbola, el gallu de La Texera cuandu s'aburre pel branu ponse a cantar pa que los de Samartín s'enteren de que «...Aquí siempre fue asiíiíiiíiiíi...».

Texíu, El: La zona de la rodiada d'El Prau'l Texíu, na llende ente les fasteres de Los Caleyos y El Valle les Fuentes per una parte, y el Conceyu de Mieres per otra.

Teya Marcos, La: Prau d'El Valle les Fuentes a la mano riba d'El Granxu, y debaxo d'El Mayaín.
   
Teyera, La: Prau na lladera drecha d'El Rullamosa, según les agües, cerca de Solavega, na fastera d'El Valle les Fuentes. Tamién se-y llama La Teyera del Abonaréu.
   
Teyera, La: Pela carretera de La Cerezal, les cases que se topen ente el pueblu de Les Cas(es)'de Baxo y el de El Bericiusu. A la mano riba tópase Los Foxacones.

Teyera, La: Nel pueblu de Perabeles, el llugar onde ta la «Cooperativa Agropecuaria», encima mesmo d'El Follerón de la Caya. Trátase d'un topónimu modernu, de mediaos d'esti sieglu en que se fexo allí una teyera. Enantes too aquello tenía'l nome de El Follerón de la Caya.

Teyera, La: Na zona del llavaderu del pueblu de La Robellá. Hubo allí una teyera nos tiempos en que'l carbón yá s'esplotaba.

Teyera del Abonaréu, La: El nome de la que se topaba cerca de Solavega.

Teyera'l Sellón, La: La zona onde ta llantáu'l repetidor de T.V. de La Colladiella, na fastera de Los Caleyos. Antiguamente había allí una teyera, na época na que'l carbón tovía nun se conocía, polo qu'atizaben el fuebu con rozu y lleña, y encima mesmo (ironíes de la hestoria) d'onde tiempu dempués se descubriría una capa de carbón.

Torba, La: Na zona d'El Colláu Escobal, pa riba d'El Yanón y escontra la izquierda, visto de frente. Hubo allí una torba pa recoyer el carbón de les mines de La Xerra Cabañina.

Torba, La: Na fastera de Co la Iglesia, na oriella drecha d'El Río, según les agües, enfrente d'onde se llevanta la ilesia de la collación. Hubo allí, hasta mediaos d'esti sieglu, una torba pa recoyer el carbón de les mines de montaña de la rodiada.

Tras de Casa: Detrás de la casa de Pichi, en La Espesura, valle de La Cerezal.

Tres de Los Caleyos: Un prau detrás mesmo d'El Cantu, en Los Caleyos.

Tres del Pandu: Ente La Seca l'Agua y El Regueru la Granxa, a la mano riba de La Pieza la Fuente y a la drecha, visto dende baxo, de L'Espesuru y de La Canga l'Oso. Pasa pellí la caleya que va a La Payegona.

Tres del Prau Sutu: Detrás d'El Prau Sutu y pegao a Les Dieces, na fastera de El Riocerezal.

Tres la Xerra: Na fastera d'El Batán, lo que queda pa riba de L'Espineal y del camín, cerca yá d'El Vescón.

Tretu: La zona monte na rodiada d'El Picu Tretu, na llende ente la fastera de Veró y el Conceyu Llaviana.

Ubillán, L': Asina se noma L'Ubillín nel siguiente dichu popular:
Ente L'Ubiu y L'Ubillán
 mil faniegues d'oro dan.
que fai referencia a la bayura carbón que se topaba na rodiada de los dos picos.

Ubillín, L': Na llende ente la fastera d'El Valle les Fuentes y el Conceyu de Llaviana, el picu, xunto cola so rodiada, que se topa cerca y a la izquierda de L'Ubiu, visto dende La Polaúra. Sabe la xente'l dichu:
Ente L'Ubiu y L'Ubillín
mil faniegues d'oro, mil.
que mos fala tamién, como l'anterior, del oru de color negro.

Ubiu, L': La zona de monte na rodiada del picu del mesmu nome, na llende ente la fastera d'El Valle les Fuentes y el Conceyu Llaviana.

Urcial, L': Cachu monte de la fastera de Los Caleyos, a la mano drecha, según les agües, d'El Rullamosa.

Valderes: Prau a la mano baxo de Los Enterriegos, ente La Xerra les Escobes y El Prau Matías, na fastera d'El Monte Muñero.
   
Valle, El: El qu'entama debaxo de La Cabaña'l Cantu, na llende ente les fasteres d'El Batán y Co la Iglesia, y va a parar a Calices y El Molín, dientro la cabera de les fasteres citaes.

Valle l'Agüeria Miera, El: V. L'Agüeria Miera.

Valle les Fuentes, El: Una de les diecisiete fasteres de Santa Bárbola. Garra toles agües que nesta parroquia caen ente El Picu la Guarda y El Picu'l Texíu, y les sos llendes son les que siguen: al N. cola fastera de Veró; al E. col Conceyu de Llaviana; al S. col Conceyu de Mieres; y al O. coles fasteres de Los Caleyos y La Del Agua. Ye onde se topen les mayores altures, y nun hai dengún pueblu dientro del so terrén.

Valle los Pindales, El: A la mano drecha, visto dende riba, de Les Cabañes, na fastera de Los Caleyos. Onde anicia esti valle ye onde ta la finca d'El Vesconcín.

Valle la Vara, El: El de debaxo La Vara, na lladera drecha, según les agües, del valle de La Cerezal.

Valle Fresnu, La: Na lladera izquierda del valle de La Cerezal, según les agües, un prau pa riba de La Payegona.
   
Valle Molín, La: El vallín que se topa a la mano baxo de La Campa'l Colláu y enriba de la carretera, a la izquierda, visto dende enfrente, y mui cerca del pueblu d'El Batán.

Valle'l Riegu, La: De llau d'El Regueru, dientro'l pueblu de Los Caleyos.

Valle Xulián, La: V. La Valli Xulián.

Vallí Encaená, La: Llugar fantásticu, peralloñáu y escondíu, asitiáu n'algún requexu ensin concretar de la fastera El Valle les Fuentes. Resultaba ser l'afayaízu pa tener a daquién allí castigáu poles sos males aiciones, sobre too tratándose de reciella. «Tabes bien pasáu a La Vallí Encaená» ye espresión que vien al casu.

Valli Milaños, La: Praos y castañeos na llende ente les fasteres de Perabeles y d'El Rezaleru, pela caleya que sal d'El Calerón. Queda ente El Fonticu l'Argayón, pela parte de Perabeles, y La Llosa Nueva y La Pezuca la Carreña, pela d'El Rezaleru.

Valli Molín, La: Na lladera izquierda, según les agües, del valle de La Cerezal, a la mano riba de Los Praos Nuevos, y a la mesma altura que La Fócara, na otra lladera.

Valli Tenobia, La: Praos de Perabeles a la mano baxo de La Vallina l'Edráu y de la carretera de La Polaúra. Queden a la drecha, según les agües, del regueru de La Riega'l Turnu, y a la izquierda d'El Castañéu.

Valli Xulián, La: Na rodiada de L'Escobal, cerca de La Canga y a la mano riba de La Caleya les Binaes.

Vallica l' Agua, La: Pueblu de Santa Bárbola, dientro la fastera de La Del Agua, el primeru que se topa nel camín que va dende El Colláu Escobal a La Seca l'Agua. Pue vese nel padrón municipal como <<Vallicalagua», con siete viviendes: cinco habitaes y dos ensin habitar.

Vallín, El: Una estaya dientro la llosa del pueblu de Los Caleyos.

Vallín, El: Ente El Fonticu l'Argayón y El Calerón, a la mano riba del camín y a la mano baxo d'El Caleru. Fastera de Perabeles.

Vallín, El: En terrenos d'El Rezaleru, el que se topa ente El Llombón y La Llosa Riba, encima del camín que lu separa d'El Barreru.

Vallín, El: Estaya de La Llosa'l Riocerezal, ente'l camín y el regueru; tópase a la mano drecha, visto dende baxo, de La Cueta.

Vallín, El: A la izquierda del pueblu de La Robellá, visto dende enfrente, y a la mano baxo de la carretera.

Vallín del Cuscáu, El: El que baxa pela mano drecha del pueblu de Veró, según les agües.

Vallín de los Enterriegos, El: El qu'anicia debaxo mesmo d'El Prau Cuetu, en monte, pa metese dempués en Los Enterriegos y dir a parar por fin a El Río Muñero.

Vallín de los Mayaones, El: Naz a la mano baxo de L'Arquera, pasa per Los Mayaones y acaba en El Río Muñero.

Vallín de los Rebollinos, El: El que va dende El Colladiellu, onde anicia, hasta El Regueru'l Riocerezal, pa riba de La Güerta'l Molín. Tamién se conoz como La Canal de los Rebollinos o simplemente Los Rebollinos.
   
Vallina, La: Cachu monte cerca de La Ceceal, na lladera que mira pal pueblu de Los Caleyos, dientro d'esta fastera. Tamién se-y llama La Vallina la Ceceal.
   
Vallina, La: Nel pueblu de Perabeles, a la mano riba de L'Eru'l Peral, güerta y prau con una cuadra grande nel camín que tira pa La Casuca y pa El Riocerezal.

Vallina la Ceceal, La: Lo mesmo que La Vallina de la fastera Los Caleyos.

Vallina I'Edráu, La: Na parte alta de Perabeles, praos a la mano riba de La Valli Tenobia y debaxo de La Mata Arnesta y d'El Cerráu Torre.

Vallinera, La: Na lladera izquierda, según les agües de la fastera de La Cerezal, prau a la mano drecha de La Payegona, visto dende riba.

Vallines, Les: Praos a la mano baxo d'El Campu'l Colláu, na lladera izquierda, según les agües, del valle de La Cerezal.

Vallines, Les: Tamién en La Cerezal pero na otra lladera, a la altura de la carretera y a la drecha d'El Cantu la Fócara, visto dende enfrente.

Vallines, Les: Cerca de La Bornaína, a la mano baxo la carretera ente La Robellá y Veró.

Vallinón, El: Na fastera de Los Caleyos.

Vaqueru, El: Prau a la izquierda, según les agües, d'El Regueru Veró, y pa riba de Les Galleres.

Vara, La: Prau y monte ente El Picu la Vara y La Peña'l Cuervu, na llende ente la fastera de La Cerezal y el Conceyu Llaviana.

Vega, La: Lo mesmo que La Vega la Seca'l Agua.

Vega, La: Na zona media del valle de La Cerezal, praos afaceraos cerca de Los Cullús.

Vega la Seca l’Agua, La: El conxuntu de praos y tierres a la mano baxo de les cases del pueblu del mesmu nome.

Vega les Cruces, La: Prau cerca de Los Pontaos, na fastera de Los Caleyos, cortáu pola carretera de La Colladiella.

Vegallonga: Na fastera de La Cruz, tola oriella drecha d'El Río, de terrén llano y allargao de forma, dende El Prau Molín pa riba.
   
Veró: Pueblu de Santa Bárbola, na lladera drecha, según les agües, del so valle principal. Llégase a él pel ramal de la carretera que sal de Co la Iglesia y pasa antes pelos pueblos d'El Batán y de La Robellá. Nel padrón municipal podemos ver que dispón de catorce viviendes de les que tán habitaes siete; a esti total hai que sumar les dos viviendes deshabitaes que vienen a nome de «Corral de Bayueto» y que tamién son del pueblu. La fastera de Veró tien les llendes que siguen darréu: al N. coles fasteres de La Robellá y La Cerezal; al E. col Conceyu Llaviana; al S. con El Valle les Fuentes; y al O. con La Del Agua, de la que la separta El Río.

Vescayón, El: En El Monte Muñero, prau arrimáu y con munchos árboles, debaxo la carba del prau de Los Enterriegos de Clemen.

Vescón, El: Prau cerca y debaxo de La Campa Mayáu Robellá, encima de Tres la Xerra, na fastera d'El Batán.

Vescón, El: Na lladera drecha, según les agües, de la fastera de Los Caleyos, praos na llende cola d'El Valle les Fuentes, pela zona baxa. Tamién se-y llama «El Vescón de Baxo» pa distinguilu del que ta más arriba, metíu yá pa El Valle les Fuentes.

Vescón, El: Prau, debaxo de La Fontona, a la izquierda, según les agües, del regueru que baxa de la fonte de La Polaúra. Fastera de La Del Agua.

Vescón del Acebu, El: Prau d'El Valle les Fuentes. Llenda perriba con Les Maeres, y per baxo con Les Fuentes.
   
Vescón de Ludevina, El: Prau debaxo d'El Prau'l Texíu, metíu yá pa El Valle les Fuentes. Tamién se-y llama El Vescón de Riba pa diferencialu d'El Vescón de Baxo, en terrén de Los Caleyos.

Vescón del Tacu, El: Prau, debaxo de Los Pinos, na fastera d'El Batán.

Vescón del Vallín, El: A la entrada de Les Cabañes, viniendo d'El Cantu, na fastera de Los Caleyos.

Vescones, Los: Praos de la fastera La Robellá, ente El Pinganellón y Los Yanos.

Vesquetín, El: Prau, debaxo y a la izquierda, visto dende baxo, d'El Pranón, en terrén de Los Caleyos.

Vesquetu, El: Na lladera drecha, según les agües, de Los Caleyos, ente La Yana'l Xabú y El Prau la Pará.

Viesca, La: Prau de la fastera La Cruz, a la drecha d'El Regueru la Rotura, según les agües, y pa riba de la granxa avícola. Sal nél agua de fierro.

Viesca, La: Na llende ente La Robellá y Veró, praos y árboles a la mano baxo la carretera, na zona d'El Collaín.

Viesca, La: Na Llosa'l Riocerezal, una estaya ente'l senderín y la Caleya'l Rebollusu, a la izquierda, visto dende baxo, d'El Payarín.

Viesca, La: Prau con munchos árboles que va dende debaxo les cases antigües del pueblu d'El Rezaleru hasta la carretera.

Vieya, La: Prau a la mano drecha d'El Prau los Cotaraxos, visto dende enfrente, dientro la fastera de Los Caleyos.

Violíu, El: El terrén de la rodiada del picu del mesmu nome, na fastera de Paniceres.

Xanes, Les: Prau no cimero d'El Valle les Fuentes, onde surde l'agua mítico de La Fuente les Xanes. Según los más vieyos, toles nueches de San Xuan de cada añu, tienen ocasión los mozos de la parroquia de desencantar una de les xanes qu'allí viven, si antes son a pasar peles torgues que'l Diañu Burllón-yos va poner.

Xerra, La: Praos que se topen encima de Los Cabañones, na fastera de La Del Agua, cerca la llende con La Seca.

Xerra, La: Una de les partes del pueblu de Los Caleyos, a lo fondero del mesmu.

Xerra, La: La que fai de llende ente la fastera de Paniceres y la parroquia de Samartín. A lo cimero hai una casa abandonada.
   
Xerra Cabañina, La: Cachu monte na lladera drecha, según les agües, del valle de Muñero, a la mano baxo d'El Cuetu Cerezalona. Vense escombreres de chamizos de mediaos de sieglu.
   
Xerra los Cotaraxos, La: La que se topa na llende ente les fasteres de Los Caleyos y d'El Valle les Fuentes. El Picu los Cotaraxos queda dientro d'esta xerra.
   
Xerra les (Es)cobes, La: Na fastera d'El Monte Muñero, un prau y un cachu monte pa baxo de La Campa'l Berizal y a la mano drecha, según les agües, de La Mayá la Señora.

Xerra les Escobes, La: Monte a la mano riba d'El Prau los Llobos, na parte drecha, según les agües, d'El Rullamosa, dientro'l terrén de Los Caleyos.
   
Xerra los Negros, La: Cachu monte debaxo El Mayáu Miguel, na lladera izquierda, según les agües, del valle del Río Muñero. Pertenez al Conceyu de Llangreo.
   
Xerra'l Regáu, La: Prau, con piedra abondo floriando, y cachu monte a la mano baxo de La Mozquita, na lladera drecha, según les agües, del valle d'El Río Muñero. Hai una cueva d'entrada perestrencha.

Xerra la Vara, La: La que se topa ente El Picu la Vara y La Peña'l Cuervu, na llende ente la fastera de La Cerezal y el Conceyu Llaviana.
   
Xerra('I) Vegón, La: El cumal de monte ente El Picu'l Alturu y Los Xerricos, na llende ente la fastera de La Cerezal per una parte, y les fasteres de La Robellá y Veró per otra.
   
Xerra los Yanos, La: En terrén d'El Valle les Fuentes, la que se topa a la mano riba de Los Yanos, na lladera izquierda del regueru, según les agües. Llenda perriba con El Vescón.

Xerricos, Los: Cumal de monte ente La Xerra'l Vegón y La Llomba la Verde, na llende ente la fastera de La Cerezal per una parte, y la de Veró per otra.

Xerrón, El: Na fastera de Los Caleyos, cachu monte a la mano drecha d'El Rullamosa y de La Xerra les Escobes, según les agües.

Xerrón de Les Cruces, El: Prau no fondero de la fastera de Los Caleyos.

Xerrones, Los: Na fastera La Robellá, cachu monte con xerru y carba, ente La Fontica y El Yanu'l Río, llendando con El Pinganellón.

Xerru Bayuetu, El: Detrás mesmo del pueblu de Veró, a la mano baxo d'El Picu les Culiebres.

Xerru'l Colladiellu, El: Na parte alta de la fastera d'El Riocerezal, un xerru horizontal que se topa a la mano riba d'El Colladiellu.

Xerru la Cueva, El: Castañeos dientro la fastera d'El Batán, a la izquierda, visto dende enfrente, d'El Regueru Castiellu y a la mano baxo del camín que va a La Campa'l Colláu. Pue esplorase una pequeña cueva con nicios de tar usada de los raposos.

Xerru Melones, El: D'El Nabal de la Pega pa riba, na lladera izquierda, según les agües, de la fastera de Los Caleyos. El nome d'esti topónimu vien de la bayura de melones o melandros qu'añeren nesti llugar.

Xerru Peñayu, El: Un cachu monte percima La Fócara, na lladera drecha, según les agües, del valle de La Cerezal.

Xiblicos, Los: Cachu monte, na fastera de Los Caleyos, ente La Ceceal y La Campa la Seca.

Xorrascos, Los: A la mano riba del pueblu de La Robellá, cerca de Los Rebollinos y de Les Payegues.    .

Xuegu los Bolos, El: Dientro'l pueblu de Perabeles, el cachu camín que va de La Fuente'l Peral a El Socorral. Ta llano y paez ser qu'antiguamente usóse como bolera. Agora hai un bancu de madera dende'l que se pue agüeyar una bona panorámica.

Xuga, La: A la mano baxo d'El Prau Matías, na fastera d'El Monte Muñero.

Yana, La: Estaya del pueblu La Cruz, na oriella drecha d'El Río, según les agües, ente ésti y la vía que va a El Puzu Cerezal.

Yaná, La: Prau, na lladera izquierda, según les agües, de Los Caleyos, cerca de La Sombría.
   
Yaná, La: El cachu monte que se topa perriba con El Prau Rufo, per baxo con El Río Muñero, y pela drecha, según les agües, con La Mayá la Señora, dientro de la fastera d'El Monte Muñero.

Yana les Cabañes, La: La que se topa cerca de Les Cabañes, una de les partes del pueblu de Los Caleyos.   

Yana'l Cabonáu, La: Monte a la mano riba d'El Picu la Guarda.

Yana les Caecima, La: El terrén llano, de güerta, que se topa a la mano riba la carretera cuando pasa per Les Caecima, ente La Fuente la Riega'l Turnu y el cruce que tira pa La Casuca y El Riocerezal.

Yana la Casuca, La: Prau llanu que ta debaxo de La Casuca, dientro'l pueblu de Perabeles.

Yana Cima, La: Prau nel pueblu de Los Caleyos, cerca La Fuente'l Sapu.

Yana'l Payar, La: Prau llanu del valle de La Cerezal, cerca de El Sucullú.

Yana (Perabeles), La: La parte más céntrica del pueblu de Perabeles. Ye llana dafechu y tien unes cuantes estayes, unes a prau y otres a güerta. Arródiala per baxo la carretera; y perriba, la caleya que va a El Pueblu y a El Socorral.

Yana'l Xabú, La: Prau llanu, na lladera drecha, según les agües, de Los Caleyos, de llau d'El Vescón de Baxo y pa riba un poco d'El Vesquetu.

Yanaúca, La: Prau a la mano baxo de La Pareona, na lladera izquierda, según les agües, de la fastera de Los Caleyos.

Yanes, Les: Prau cerca de Les Cabañes, na lladera izquierda, según les agües, de Los Caleyos.

Yanes, Les: Praos a la mano baxo de La Tazá, na lladera drecha, según les agües, del valle de La Cerezal.

Yanica, La: Na fastera d'El Praón, un prau a la izquierda, visto dende baxo, de La Llamerona.

Yanica, La: Prau, na fastera d'El Riocerezal, a la mano riba d'El Rebollusu, cerca de La Pezuca los Pimientos.

Yaniquín, El: Nel pueblu de La Cruz, dos cases y un prau a la mano riba de El Llerón de Lisa, anque na lladera drecha d'El Río.

Yanón, El: Praos y cases, na parte alta d'El Colláu Escobal, na vertical de La Casa Nueva.

Yanona, La: Praos de La Cerezal, cerca de La Xerra'l Vegón y la llende cola fastera de Veró.

Yanones, Los: Una estaya de La Llosa'l Cantu de Baxo, dientro la fastera de Los Caleyos.
   
Yanones, Los: Na lladera izquierda, según les agües, del valle de La Cerezal, prau pa riba de La Llamera y al delláu de La Valle'l Fresnu, cerca yá de La Llomba la Verde.

Yanos, Los: La zona llana dientro'l pueblu de La Robellá.

Yanos, Los: Praos d'El Valle les Fuentes, a la mano riba d'El Prau Grande y debaxo de Les Fuentes, na oriella izquierda del regueru.

Yanu, El: Prau que se topa debaxo d'El Prau Socasa y a la drecha d'El Tendeyón, visto dende baxo, dientro la fastera d'El Riocerezal.

Yanu Los Cuarteles, El: La zona llana, na oriella drecha d'El Río, onde se topen Los Cuarteles, dientro la fastera La Cruz.

Yanu Espinera, El: A la mano riba d'El Castañéu'l Nabalín, na lladera drecha, según les agües, de la fastera de Los Caleyos.

Yanu Faéu, El: Nel valle de La Cerezal, na so zona medio-alta, un prau ente La Vega y Los Praones, na vertical y debaxo de La Sereal.

Yanu Masera, El: Prau abandonáu, que se topa ente El Prau Caleyu y La Yana'l Cabonáu, na parte izquierda, visto de frente, d'El Valle les Fuentes.

Yanu'l Río, El: Prau llanu, na zona de L’Eru'l Río, a la mano drecha del pueblu de La Robellá, visto dende enfrente.

Yanu la Surbia, El: Prau abandonáu, na parte izquierda, visto de frente, d'El Valle les Fuentes. Queda al pie d'el regueru del Mayáu Nuevu.

Yanuca, La: En El Valle les Fuentes, prau a la mano baxo de Les Xanes y enriba de Les Fuentes. Pasa per él el regueru.

Yanueta, La: Dientro el valle de La Cerezal, prau pa riba de La Espesura y de La Fuente los Fontanes.

Zapatera, La: Ente El Pandu Cardeal y El Cangón, na lladera izquierda de la fastera de Los Caleyos.