LA SECA L'AGUA

 

 

Pueblu perguapu, tranquilu y afayaízu, de la collacción barboliega. Llevántase na costanera manzorga  del valle principal de la mesma, y p'allegar ende, gárrase la pista que sal d'El Colláu Escobal y que pasa, antes, pelos pueblos de La Vallica l'Agua y La Paré.

L'aniciu del so nome pensamos qu' hai que lu buscar nel fechu de tar allugáu nuna zona seca o relativamente seca dientro d'una fastera que se tuvo que conocer como *La del Agua. Polo que ye más que probable que se llamaría La (tierra o estaya) seca (de la fastera de) l'Agua.

La parte cimera del pueblu conozse como El Pueblu Riba o El Llugar de Riba, mientres qu'el barriu fonderu recibe los nomes d'El Llugar de Baxo o El Pueblu Baxo.

Anque nesta fotografía nun se puedan ver tous, el pueblu de La Seca l'Agua cuenta con un total de cuatro horros.