Como nota complementaria a los mensaxes de más abaxo, unviaos por Lorena y José Ramón, tenemos agora qu'apuntar una información que mos apurrieron, a posteriori, dalgunos veceros de la fueya barboliega, ente ellos Alfonso González, de Perabeles, y que corrixe, acertadamente, el nome del maestru qu'apaez nesta semeya de la Escuela'l Corralón. Nun se trata, según ello, de Don Ceferino, sinón de Don Faustino, que tuvo poniendo clase durante'l cursu 1960-61, depués de marchar Don Manuel "El Maestrón", y antes d'aportar el susodichu Don Ceferino.

Queda, asina, entóncenes, aclarada la identidá del docente, Don Faustino, recordáu con especial simpatía y apreciu, pola amabilidá y paciencia cola que supo tratamos a los rapacinos y rapacetos que, daquella, díbemos a El Corralón.

 

La nuestra vecera Lorena Tresguerres García escribiómos, en rellación a la semeya de qui enriba, esti descriptivu mensaxe:

Hola Xulio, soi Lorena la de Les Caecima. Escríbote en nome mio pá, esta
fotografía que conozla mui bien.
Empiezo col maestro Don Ceferino.
Los nomes de la fila de riba, d'izquierda a derecha, son: César, Chuni,
José (Regueras), Martín, Barbón, Alvaro (Calerón).
Na fila del medio, de derecha a izquierda: Onésimo, Toño, Fredo (mio pá),
Rafael, Eduardo, Manolo (Jovino), Tito, Vítor.
Acuérdase d'otros nomes, pero non por orden, asina que na más te pongo estos.
Saludos.

Munches gracies a Lorena y a Fredo por esta precisa identificación. Oyi, Lorena, taría perbién qu'animares a to padre pa que mos ampliara lo más posible la descripción y ubicación de los simpáticos componentes de la foto. Ye una suerte contar con persones que conozan y s'alcuerden bien de l'abundosa reciella d'aquellos años.

Recibíi, entrambos, un cariñosu saludu.

 

Nuevu mensaxe de Lorena:

Hola Xulio, soi Lorena otra vez. Voi ponete algún nome más que me dixo mio
pá. Espero nun vos liar muncho porque d'algún nome nun s'acuerda.
Na fila segunda, entamando per riba, pela derecha había dexáolo per Víctor.
El siguiente, nun s'acuerda. Depúes ye Ricardo (el d'El Calerón), los otros
dos que siguen tampoco los sabe. El que sigue ye Chus (el de Manolo la
Corrá), el siguiente tampoco lu sabe. Los tres últimos de la fila son
Fonso (el de Lolita), Camilo y Miguel.
Na fila siguiente, la tercera, entamando pela derecha: Fonso, Valiente,
Vicente (el de Tinecas), Logio, Juan (el de Belarmina), Vedoya, Tomás (el del
Corral Nuevu), Gelín (el Churro D.E.P.), Julio (tu), Lanque (el de Neli),
Julio (el de Crisanto), José (el de Constante).
Na cuarta y última fila, entamando pela derecha: de los dos primeros nun s'acuerda,
depués va Gelín (el de Regueras), del que sigue tampoco s'acuerda,
el siguiente ye Santander, Isaac (el de Zulima), Jorge (el de Catalina),
José (el del Cantu), Juaquín (de la Casuca), Luis (de la Fuente'l Peral),
Ramiro (d'El Calerón), el que sigue, nun ta seguru, depués Roberto (Chorique) y
de los que queden nun s'acuerda mui bien.
Espera nun haber confundíose en ningún.
Munchos saludos.

Otra vegada gracies, a vosotros, Lorena y Fredo. Hai que reconocer que presta enforma lleer estes detallaes descripciones, que sirven de testimoniu pa la hestoria de la nuestra vieya y perquerida escuela.

Dende peraveles.com siguimos invitando, a tolos que conocen la fotografía, a que mos escriban dando los nomes de los qu'entovía nun fuimos quien a identificar nella.

Mensaxe de José Ramón González:

Anque yo nu m´alcuentro na semeya, sí conozo algún. Na cuarta fila pe la mandrecha, el primeru nun lu conozo ,el segundu llámase Mador y vivía, paezme, per onde la iglesia; el que diz que ye Isacc debe de ser Ricardo, más que ná polos años, y el que diz que ye Gelín será Marcelino, po lo mesmo. El que sigue a Ramiro ye Santiago, más conocíu como Joaquine, el que crio so güela Nemesia. Dempués de Roberto paezme que ye Pepe Luis el de Sela (D.E.P). L´últimu paezme Braulio, un guah.e que vivíen en pueblu Peraveles.

 Un abrazu.

Mui interesantes eses precisiones que mos apurres, Ramón. La verdá ye que tamién a mi me paez que tas no correcto.