Requexu de  La Cruz

Nel caberu fin de selmana hubo más envíu de mensaxes que la vegada inmediatamnete anterior, con respuesta correucto a la entruga sobre'l sitiu de la correspondiente semeya de portada. Darréu los asoleyamos pa públicu conocimientu de veceros y visitantes en xeneral:
Marta González Llaneza.- Hola Xulio: Paezme que ye La Cruz pela parte de tras de la carretera xeneral, qu'hai otra carretera que nun sé pa ónde va.
Miguel Ángel García Suárez: Hola collacios, la semeya anterior nun me dio tiempu contestala. Xulio cámbiales rápido, así qu'esta apresúrome a manda-y la respuesta, que ye en La Cruz. Un saludu a toos/es.
Sergio Camblor: Esto ye La Cruz, la carretera que va pa Miera y lo que yera El Pozu Cerezal; ahora ye un campu de tiro. La casa que tien l'árbol delante ye la d'Araceli, la güela d'Adrián.
Esteban Carcedo Roces: Hola Xulio. Esta tien trucu, pues costóme bastante dar con ella. La semeya ta sacá desde la carretera que sube pal Pozu Cerezal; y el puente que ta xunto al coche va a dar al centro social;  y pela derecha vase a la carretera xeneral  xunto a casa de Sidoro (q.e.p.d.), el padre de Miguel Ángel García. Y a la derecha vese un poco el muro de la casa del so hermanu Jose Manuel. N´el pueblu de La Cruz.
Jorge del Recerezal: La semeya d'esta vegá ye de La Cruz, y lo  que se ve'n primer planu, ye la carretera que va al Pozu Cerezal, antiguamente nomáu Pozu Santa Bárbola.
Joaquín Suárez: Xulio, esta semeya ye de La Cruz onde el Prau Molín; y la carretera, la que va pal Socavón.

Asina qu'entóncenes, depués d'añadir estos guapos punticos de güei, la clasificación queda de la siguiente manera: Marta González Llaneza, ocho puntos; Miguel Ángel García Suárez, ocho puntos; Sergio Camblor, siete puntos; Demelsa González Viña, seis puntos; Esteban Carcedo Roces, cinco puntos; Joaquín Suárez Ordiz, cinco puntos; Jorge del Recerezal, cinco; Jesús Orviz González, tres puntos; Tomás Torre, un puntu; Omar Suárez Suárez, un puntu.