El Cuetu Quemáu

La semeya de la portada resultó daqué dificiluca si mos enfotamos na cantidá d'acertantes que tuviemos pa ella nel buzón perabeliegu, pues de tres mensaxes recibíos, sólo dos llevaben rempuesta correuto. Aquí de seguío, los vais a poder lleer:
Demelsa González Viña.- Hola, collacios. Pa les semeyes anteriores nun me dio tiempu de contestar, fueron quitaes mui pronto. Bueno, vamos con esta que ye sitiu conocíu,  ye El Cuetu Quemáu con la cuadra de los de Mersinda a la derecha; y la chabola que ta al fondo ye la de Sidoro el de Josefa la de Xuacu. Un saludu.
Esteban Carcedo Roces.-Hola, Xulio. Esta semeya paezme que ye na carretera La Polaúra poco antes de llegar a la carretera de L'Edráu. Nun m'a acuerdo cómo se llama pero la cuadra que se ve un poco a la derecha paezme que ye de Velino el de Leontina.

La edición del concursu correspondiente a los meses de xineru y febreru ta cerque d'aportar a la so acabaúra. Únicamente queda otra fotografía, amás de la que presentamos agora. Asina que yá paez que resulta abondo claro quién va a ser el ganador...
La clasificación queda, añadíos estos nuevos puntos, de la siguiente manera:
Miguel Ángel García Suárez, quince puntos Sergio Camblor, catorce puntos; Demelsa González Viña, once puntos; Marta González Llaneza, ocho puntos; Esteban Carcedo Roces, siete puntos; Joaquín Suárez Ordiz, seis puntos; Jorge del Recerezal, cinco puntos; Jesús Orviz González, tres puntos; Omar Suárez Suárez, tres puntos; Tomás Torre, un puntu; Ángel Silvino González González, un puntu.