Teyaos en La Espesura

Agora vamos a ver los mensaxes que mos allegaron con rempuesta afechisca a la entruga sobre la ubicación de la semeya ...
 Sergio Camblor:
Esto yá paez más conocío. Ye la casa de Fael a la mano baxo la d'Alfredín en La Espesura (La Cerezal). Ente les dos pasa'l camín que va pa los fontanes  y Tretu. El picu  del fondo ye El Picu la Collá.
Miguel Ángel García Suárez: Hola, Xulio. Esta semeya ye en La Cerezal, La Espesura. Un saludu a toos/es.
Omar Suárez Suárez:
Hola, amigos. La semeya que punxestes paezme que ye en La Espesura, en La Cerezal. El teyáu grande que se ve ye la casa d'Alfredo y Aurina, la que se ve con una persiana marrón echá y un poco volaízu ye la de Fael el de Cunda; y apegao a ella, que se ven dos teyaos, un más pequeñu yera un poco gallineru de calo; y el teyáu d'enriba, la cuadra. La foto paezme que ta sacá delante de casa Maria Jesús. Seguíi poniendo fotos de La Cerezal.
Esta desbordante precisión, amiguinos, ye verdaderamente prestoso enforma. A la xente sabio y perbon conoceoro del terreno nel que vive, siempre resulta provechoso y deleitoso escuchalo con atención.
La clasificación queda, depués d'estos nuevos puntos de güei, de la siguiente manera:
Miguel Ángel García Suárez, catorce puntos Sergio Camblor, trece puntos; Demelsa González Viña, diez puntos; Marta González Llaneza, ocho puntos; Esteban Carcedo Roces, seis puntos; Joaquín Suárez Ordiz, seis puntos; Jorge del Recerezal, cinco puntos; Jesús Orviz González, tres puntos; Omar Suárez Suárez, dos puntos; Tomás Torre, un puntu; Ángel Silvino González González, un puntu.