Los Caleyos (El Regueru)

Al camudar d'enfoque y ampliando'l campu de visión, yá apaecieron veceros que supieron qué sitiu se reflexaba na imaxe de la portada anterior. Aquí, darréu, los tenemos colos mensaxes que mos escribieron:
Demelsa González Viña: Hola collacios, ahora que cambiasti de postura yá sabe ónde ye. Ye la casa de Curtido en Los Caleyos. Un saludu.
Esteban Carcedo Roces.- Hola Xulio: Depués d'unos cuantos dis sin mandate ninguna respuesta (porque nun les sabia) agora paezme qu'esta semeya ta fecha nel pueblu de Los Caleyos, aunque nun sé de quién ye la casa.
Joaquín Suárez: Xulio, esta  semeya, si non m'enquivoco, creo que ye en Los Caleyos, la casa paezme la de Curtido. Saludos.
Miguel Ángel García Suárez: Hola Xulio y demás collacios. Esta semeya ye en Los Caleyos, la casa Curtido. Un saludu a toos/es.

Entóncenes, amiguinos, visto lo visto, y realizada afechiscamente la pertinente operación aritmética, la clasificación de los meses de xineru-febreru queda de la siguiente manera: Miguel Ángel García Suárez, trece puntos Sergio Camblor, doce puntos; Demelsa González Viña, diez puntos; Marta González Llaneza, ocho puntos; ; Esteban Carcedo Roces, seis puntos; Joaquín Suárez Ordiz, seis puntos; Jorge del Recerezal, cinco; Jesús Orviz González, tres puntos; Tomás Torre, un puntu; Omar Suárez Suárez, un puntu; Ángel Silvino González González, un puntu.