Tenemos, nel buzón dixital de la fueya barboliega, dos mensaxes con rempuesta a la entruga sobro la identificación de la semeya de la portada anterior. Si mos peta vello puentero nun tenemos más qu'arreblagar per esta orixinal saltaera. Agora, efectuaos los cambios pertinentes, la clasificación queda de la manera que darréu amosamos: Toño, cuarenta puntos; Narciso, trenta y siete puntos; Berto, venti puntos; Xuacu, decinueve puntos; Ástor, cuatro puntos; Lluis Ánxel, dos puntos; Daniel, un puntu; Xana, un puntu; Xosé Ramón, un puntu; Demelsa, un puntu; Xosé Roberto González, un puntu.

De siguío, ufrimos a la collaciada una nueva semeya cola so correspondiente entruga: ¿Qué ye y ónde s'ayaya lo que representa la imaxe de qui encima?

Xuacu García escribió:

Hola, Xulio: Voi retomar el concursu, qu'estos dis taba liau cola fuelga que tenemos na minería. Bueno, a lo que vamos, esta fuente paezme que ta nel camín que va desde El Colláu Escobal a La Paré, un poco depués de Casa Senio. Saludos.

Llamentablemente nun podemos dar por válida esta rempuesta apurrida pol veceru Xuacu, col que, per otra parte, mos solidarizamos na llucha  que mantienen él y los demás mineros pol mantenimientu de los puestos de trabayu.

Al nun haber puntos nuevos,la clasificación sigue de la mesma manera na que s'atopaba:Toño, cuarenta puntos; Narciso, trenta y siete puntos; Berto, venti puntos; Xuacu, decinueve puntos; Ástor, cuatro puntos; Lluis Ánxel, dos puntos; Daniel, un puntu; Xana, un puntu; Xosé Ramón, un puntu; Demelsa, un puntu; Xosé Roberto González, un puntu.