Horro d'El Mayáu (Los Caleyos)

Polos resultaos obteníos nel númberu d'aciertos, paez que furruló bastante bien la idea que tuviemos de cambiar el puntu de vista de la imaxe que mos amosaba lo qu'anguaño queda del vieyu horro del barriu d'El Mayáu, en Los Caleyos. Fueron tres los mensaxes que mos allegaron al buzón ellectrónicu de peraveles.com. Darréu los asoleyamos pa pública y deleitosa llectura:
Sergio Camblor: Esta ye mui difícil, igual que la mires per un llau que otru, pero paezme que ta en Los Caleyos, arrimáu a les cases que tan en lo fondo del pueblu.
Demelsa González Viña: Hola collacios. Desde isti llau, mio pa yá supo ónde taba l´horriu la semeya. Nun fai muncho pasó pehí. Bueno, trátase de lo que queda del horriu de llau casa José Conomato en Los Caleyos. Un saludu.
Miguel Ángel García Suárez: Agora yá diemos col llugar, yá que la semeya ye d'un horro que ta en Los Caleyos, que ye una parte de Silverio, otra de Lelo El Cantu les Mates, otra de José Conomato, y otra de Caredo los Caleyos o d'esposa. El pueblu que se ve al fondo ye Veró. Un saludu a toos/es. Toa esta información diomela Arsenio'l de Les Cases de Baxo.

Entóncenes, sumando los puntos agamiaos nesta ocasión, la clasificación queda de la siguiente manera: Miguel Ángel García Suárez, diez puntos Sergio Camblor, nueve puntos; Demelsa González Viña, ocho puntos; Marta González Llaneza, ocho puntos; ; Esteban Carcedo Roces, cinco puntos; Joaquín Suárez Ordiz, cinco puntos; Jorge del Recerezal, cinco; Jesús Orviz González, tres puntos; Tomás Torre, un puntu; Omar Suárez Suárez, un puntu.