Joaquín Suárez: Xulio, esta  vez paezme que ye pa La Cerezal. Creo que se llama Les Cases de Baxo, y tamién se ve un poco La Gallega. Saludos pa la peña.
Demelsa González Viña.- Nesta vez ta difícil pa mi, pero, como yá sabes, tengo l'ayuda de mio pa, y ahí va la respuesta: ye El Montesín. Vemos una casa de La Gallega per baxo; y arriba, una d'El Costayu. Un saludu.
Miguel Ángel García Suárez: Hola, collacios. Esta semeya paezme que ye El Montesín. Un saludu desde La Cruz.
Sergio Camblor: Esta ye fácil. Ye'l pueblu d'El Montesín. Lo que se ve a la izquierda ye la casa de mio tíu Gerardo.

Estos cuatro veceros son los qu'acertaron cola semeya qu'amablemente mos apurriera, esti día, el nuestru collaborador Manuel Ángel Suárez Crespo, y, pa que supiéramos con detalle, lo que nella se podía ver, escribiómos, acompañando a la foto, esti mensaxe esplicativu:
Hola Xulio, depués d'un llargu tiempu ensin tener contactu, mándote primeramente un saludu grande, animándote cola fueya dixital, que ta mui guapa como siempre. En segundu llugar, mándote una semeya d'El Montesín, na fastera La Cerezal. Vense, a la izquierda del too, la casa Gerardo; depués, a la derecha, la casa Severina; más a la derecha, la de Xuacu y Alba; y per baxo, una casa del pueblu La Gallega que ye de Jesús el Mudu. Espero te sirva pal concursu que ta qu'echa fumu...

Pues, namás queremos dicir que  ¡Munches gracies, Manuel Ánxel! y ¡Felicidaes a los que güei lleven un válidu punticu a la so corexa!