Requexu de Les Cabañes (Los Caleyos)

Tenemos que vos comunicar que nun hubo delgún mensaxe que acertara na identificación de la semeya de la portada anterior. Vamos a asoleyar, sicasí, el corréu que mos unvió la nuestra collaboradora Demelsa González Viña:
Hola Julio. Pa ser la última semeya punxístimosla difícil, tan difícil que nun lo conocemos, aunque mio pa, lo mas fijo que ta fartucu de ver eso o de
pasar por ello. Así qu'acabo el mes sin contestar. Un saludu.

La clasificación final d'esta edición de xineru-febreru del 2006 del concursu semeyil barboliegu queda, definitivamente, de la siguiente manera: Miguel Ángel García Suárez, quince puntos Sergio Camblor, catorce puntos; Demelsa González Viña, dolce puntos; Marta González Llaneza, nueve puntos; Esteban Carcedo Roces, ocho puntos; Joaquín Suárez Ordiz, seis puntos; Jorge del Recerezal, seis puntos; Jesús Orviz González, tres puntos; Omar Suárez Suárez, tres puntos; Tomás Torre, un puntu; Ángel Silvino González González, un puntu.
Teniendo en cuenta que Miguel Ángel García Suárez yá quedó como primer clasificáu na edición de payares-avientu, y siguiendo les normes del concursu que nun dexen dar el premiu por dos veces al mesmu concursante, queda, entóncenes, establecío que'l ganador d'estos dos meses ye Sergio Camblor, col que mos pondremos en contautu a nun tardar muncho pa entregá-y el correspondiente y merecíu regalu.